Leo Varadkar

Ón Vicipéid, an chiclipéid shaor.
Leo de Varad
Leo Varadkar 2008.jpg

Aire
In oifig
9 Márta 2011

Ceannaire Fhine Gael
In oifig
2 Meitheamh 2017
Réamhtheachtaí: Éanna Ó Coinnigh

Dáta breithe 18 Eanáir 1979
  Baile Átha Cliath
Páirtí Fine Gael

Polaiteoir Éireannach de chuid Fhine Gael is ea Leo Varadkar, nó Leo de Varad as Gaeilge[1], (rugadh ar 18 Eanáir 1979) é. Is Teachta Dála é do dháilcheantar Bhaile Átha Cliath Thiar. Is ceannaire Fine Gael é ó Mheitheamh 2017. Ceapadh é ina Thaoiseach ar an 14ú lá de Mheitheamh 2017.

Teachta Dála[athraigh | athraigh vicithéacs]

Bhí Varadkar ina bhall de Young Fine Gael, óg-ghluaiseacht an pháirtí, i gColáiste na Tríonóide.

Comhthoghadh é do Chomhairle Chontae Fhine Gall in áit Sheila Terry sa bhliain 2003 (24 bliain d'aois). Atoghadh é don chomhairle i gceantar Chaisleán Cnucha sa bhliain 2004 (fuair sé an vóta chéad rogha is airde sa stát).

Toghadh Varadkar don chéad uair sa bhliain 2007 (28 bliain d'aois) agus atoghadh é sa bhliain 2011.

Toghadh é do Dháil Éireann in olltoghchán na bliana 2007 agus ba urlabhraí Fiontar, Trádála agus Nuálaíochta an pháirtí é ó 2007 go 2010.

Bhí Varadkar páirteach in iarracht ceannaireacht an pháirtí a bhaint ó Éanna Ó Coinnigh sa bhliain 2010. Theip ar an iarracht ach athcheapadh é don bhinse tosaigh mar urlabhraí Cumarsáide agus Acmhainní Nádúrtha.

Aire[athraigh | athraigh vicithéacs]

2011[athraigh | athraigh vicithéacs]

Ar an 9 Márta 2011, ceapadh Varadkar mar Aire Iompair, Turasóireachta agus Spóirt sa chomhrialtas idir Fine Gael agus Páirtí an Lucht Oibre a socraíodh tar éis olltoghchán 2011.

Threoraigh Varadkar roinnt áirithe tionsnamh mar Aire Iompair, Turasóireachta & Spóirt (2011-14)[2]:

  • Ghlac Varadkar an cinneadh ó thaobh lionraí comaitéireachta an iarnróid éadroim agus an iarnróid  throim a nascadh le chéile i mBaile Átha Cliath trí Thionscadal Traschathrach Luas;
  • D’oscail Varadkar a thuilleadh busbhealaí i gcomhair na hiomaíochta;
  • Rinne Varadkar forbairt a atosú ar an gCampas Náisiúnta Spóirt;
  • Thug Varadkar neamhspleáchas d’Aerfort na Sionainne.
  • D’fhorbair sé Straitéis nua um Shábháilteacht ar Bhóithre agus Beartas Náisiúnta um Chalafoirt. 
Éanna Ó Coinnigh agus Varadkar sa bhliain 2011.

2014[athraigh | athraigh vicithéacs]

I mí Iúil na bliana 2014, nuair a rinne an taoiseach go leor athruithe pearsanra sa chomhaireacht, ceapadh ina Aire Sláinte é, mar chomharba ar James Reilly. Bhí géarchéim ann maidir le líon othar ar thralaithe le linn shaoire na Nollag 2014, agus cáineadh an tAire Sláinte mar gheall ar go raibh sé ar saoire le linn na héigeandála.

Mar Aire Sláinte[3]

  • Dhaingnigh Varadkar sé méadú €1bn sa bhuiséad sláinte;
  • Thug sé isteach cúram Liachleachtóirí Ginearálta saor in aisce do gach leanbh faoi bhun sé bliana d’aois agus do gach seanóir atá 70 bliain d’aois;
  • D’fhoilsigh Varadkar an chéad Straitéis Náisiúnta Máithreachais a rinneadh in Éirinn riamh;
  • Dhaingnigh Varadkar maoiniú agus cead pleanála i dtaca le Nua-Ospidéal Náisiúnta na Leanaí in Éirinn;
  • D’oibrigh Varadkar go tréan ar mhaithe le Plean “Éire Shláintiúil” an Rialtais chun sláinte mhuintir na hÉireann a fheabhsú, thug sé isteach an chéad reachtaíocht um shláinte phoiblí a achtaíodh in Éirinn chun praghsáil, infhaighteacht agus margaíocht na ndeochanna alcóil a rialáil.
2016-07-15

2016[athraigh | athraigh vicithéacs]

Ceapadh Varadkar mar Aire Coimirce Sóisialaí ar an 6 Bealtaine 2016.

Saol pearsanta[athraigh | athraigh vicithéacs]

Rugadh Varadkar i mBaile Átha Cliath. Rugadh a athair san India (Ashok is ainm dó) agus bhog sé go hÉirinn sna 1960idí[4]. Dochtúir is ea a athair, a d'oibrigh mar dhochtúir teaghlaigh i mBaile Bhlainséir. Is Éireannach í a mháthair.

D'fhreastal Varadkar ar Scoil Náisiúnta Naomh Proinsias Xavier agus ar Scoil Ospidéal an Rí, i mBaile Phámar. Rinne sé staidéar ar an leigheas i gColáiste na Tríonóide, Baile Átha Cliath, áit ar cháiligh sé mar dhochtúir leighis.

Is maith le Varadkar bheith ag faire ar rugbaí agus ar an bpeil ghaelach, is leantóir Bhaile Átha Cliath agus leantóir Laighean é.

Gaeilge[athraigh | athraigh vicithéacs]

Bhí Teastas sa Ghaeilge Ghairmiúil bronnta ar an Taoiseach ar an 7 Meán Fómhair 2017[5].

Homaighnéasachas[athraigh | athraigh vicithéacs]

I mí Eanáir 2015, d'fhógair Varadkar ar an gclár raidió Miriam on Sunday, gur fear aerach atá ann. Theastaigh uaidh an méid sin a dhéanamh poiblí ionas nach gceapfaí go raibh clár folaithe oibre aige maidir leis an reifreann ar chomhionannas pósta ná ar cheisteanna eile. Dúirt sé gur duine an-phríobháideach é agus go leanfadh cúrsaí mar a bhí ón taobh sin de.

Tagairtí[athraigh | athraigh vicithéacs]

  1. http://tuairisc.ie/cen-ghaeilge-ata-ar-varadkar-ta-a-leagan-fein-cumtha-ag-an-taoiseach/
  2. http://www.welfare.ie/ga/Pages/Minister-for-Social-Protection.aspx
  3. http://www.welfare.ie/ga/Pages/Minister-for-Social-Protection.aspx
  4. ELeathanach 266, 6 Meitheamh 2017
  5. "Labhair an taoiseach faoi chomh bródúil agus atá sé an teastas bheith bainte amach aige agus dúirt gur bhain sé an-taitneamh as an gcúrsa ráithe ach go bhfuil go leor fós le foghlaim aige." https://www.rte.ie/news/nuacht/2017/0908/903308-teastas-sa-ghaeilge-ghairmiuil-bronnta-ar-an-taoiseach/