Fine Gael
 |
Ní mór an t-alt seo a ghlanadh, ionas go mbeidh caighdeán níos fearr ann.
Tar éis duit an t-alt a ghlanadh, is féidir leat an teachtaireacht seo a bhaint de. Féach ar Conas Leathanach a Chur in Eagar agus an Lámhleabhar Stíle le fáil amach faoin dóigh cheart le feabhas a chur ar alt ciclipéide. |
| Fine Gael | |
| |
| Ceannasaíocht | Leo Varadkar |
| Bunaithe | 8 Meán Fómhair, 1933 |
| Ceanncheathrú | 51 Sráid an Mhóta Uachtarach BÁC 2 |
| Idé-eolaíocht | Lár-dheis |
| Dáil Éireann | 50 / 158 |
| Seanad Éireann | 19 / 60 |
| Rialtas Áitiúil na hÉireann | 233 / 949 |
| Parlaimint na hEorpa (Poblacht na hÉireann) |
4 / 11 |
| Cleamhnas | European People's Party |
| Dathanna | Gorm |
| Gréasáin | www.finegael.ie |
Páirtí polaitíochta i bPoblacht na hÉireann is ea Fine Gael. Faoi láthair, is príomh-pháirtí an rialtais é agus is é an páirtí is mó sa tír freisin. Fuair an páirtí 36.1% de na vótaí agus 76 suíochán dála in Olltoghchán 2011. De réir mar a mhaíonn an páirtí féin, tá thart ar 37,000 duine ina mbaill d'Fhine Gael ar fud na tíre.
Téann stair Fhine Gael siar go dtí laethanta an Chogaidh Chathartha, ach níor tháinig an páirtí ar an bhfód faoin ainm sin roimh an mbliain 1933, nuair a chuaigh an Lár-Pháirtí Náisiúnta, Cumann na nGaedheal agus na Léinte Gorma le chéile. Inniu, dearcann Fine Gael air féin mar pháirtí forásach láir, ach is iad na páirtithe daonlathacha Críostaí na cinn is cosúla leis i mór-roinn na hEorpa. Tá an páirtí ag tacú go láidir le ballraíocht na hÉireann san Aontas Eorpach, agus é ag cur in aghaidh Phoblachtánachas na láimhe láidire go tréan.
Polasaí i dTaobh na Gaeilge[athraigh | athraigh vicithéacs]
Bhí baint áirithe ag Fine Gael leis an Language Freedom Movement nuair a bhí an ghluaiseacht sin ag cur in aghaidh na "Gaeilge éigeantaí", rud a tharraing míchlú áirithe frith-Ghaeilgeoireachta ar an bpáirtí. In Earrach na bliana 2006, d'éiligh Éanna Ó Cionnaith, ceannaire an pháirtí, go maolófaí ar stádas na Gaeilge sna scoileanna. Is í an chiall a bhain gluaiseacht na Gaeilge as an gcineál sin cainte ná gurbh é seandúchas an pháirtí ó laethanta an LFM a tháinig chun solais arís. Leanadh den pholasaí seo go dtí an bhliain 2011, ainneoin gan tacaíocht aon fhianaise a bheith ag an impleachtaí an pholasaí dar leo. Mar sin féin is beag cainte a rinneadh faoi tar éis allagar an toghcháin agus tuigeadh go raibh Páirtí an Lucht Oibre tar éis cur ina choinne mar pholasaí.
Ceannairí an pháirtí[athraigh | athraigh vicithéacs]
| Ceannaire | Blianta | Toghcheantar |
|---|---|---|
| Eoin Ó Dubhthaigh | 1933–34 | Ceann ar bith. |
| L. T. Mac Cosgair | 1934–44 | Ceatharlach-Cill Chainnigh |
| Risteard Ó Maolchatha | 1944–59 | Tiobraid Árann |
| Séamas Diolún | 1959–65 | Muineachán |
| Liam Mac Cosgair | 1965–77 | Dún Laoghaire |
| Gearóid Mac Gearailt | 1977–87 | Átha Cliath Theas Thoir |
| Ailéin de Diúc | 1987–90 | Cill Dara |
| Seán de Briotún | 1990–2001 | An Mhí |
| Micheál Ó Nuanáin | 2001–02 | Luimneach Thoir |
| Éanna Ó Cionnaith | 2002–17 | Maigh Eo |
| Leo Varadkar | 2017– | Bhaile Átha Cliath Thiar |
Naisc sheachtracha[athraigh | athraigh vicithéacs]
Tagairtí[athraigh | athraigh vicithéacs]
 |
Is síol é an t-alt seo. Cuir leis, chun cuidiú leis an Vicipéid. Má tá alt níos forbartha le fáil i dteanga eile, is féidir leat aistriúchán Gaeilge a dhéanamh. |
