Luke 'Ming' Flanagan

Ón Vicipéid, an chiclipéid shaor.
Jump to navigation Jump to search
Luke 'Ming' Flanagan

Is polaiteoir Éireannach agus Feisire de Pharlaimint na hEorpa (FPE) ó 2014 é Luke 'Ming' Flanagan.

Is as An Caisleán Riabhach i gContae Ros Comáin é.

Bhí sé ina Theachta Dála neamhspleách idir 2011 agus 2014 sular toghadh é mar Fheisire Eorpach. Is Iarchomhairleoir agus Méara de chuid Comhairle Ros Comáin é freisin. Bhain sé cáil amach ar dtús le linn na 1990idí lena chuid iarrachtaí an druga cannabas a dhéanamh dleathach in Éirinn. Tugtar an leasainm Ming air mar gheall ar chosúlacht a bhíodh idir é is carachtar darbh ainm Ming the Merciless sa chartún Flash Gordon.

Pointí Pionóis[cuir in eagar | athraigh foinse]

I Márta na bliana 2013 tharraing sé cáineadh géar tar éis gur tháinig sé chun solais gur glanadh pointí pionóis óna cheadúnas tiomána. Baineadh 4 cinn san iomlán, as dhá eachtra éagsúla, óna cheadúnas, péire acu nuair a d'úsáid sé dlí a thugann cosaint dóibh siúd atá ag obair ar son na Dála, agus péire eile a ndúirt sé gur chinntigh duine ó chomhairle Ros Comáin a mbaint. Tharla seo tar éis go ndúirt sé sa Dáil nár baineadh aon phointí uaidh is tar éis dó camastaíl ar an gcaoi seo a cháineadh.