Michael Noonan

Michael Noonan

(2017)
Beathaisnéis
Breith	21 Bealtaine 1943 81 bliana d'aois Luimneach, Éire
Teachta Dála
10 Márta 2016 – 14 Eanáir 2020 (díscaoileadh na parlaiminte) Téarma parlaiminte: 32ú Dáil Toghcheantar: Cathair Luimnigh Toghadh i: Olltoghchán 2016 in Éirinn
Teachta Dála
9 Márta 2011 – 3 Feabhra 2016 (díscaoileadh na parlaiminte) Téarma parlaiminte: 31ú Dáil Toghcheantar: Cathair Luimnigh Toghadh i: Olltoghchán na hÉireann 2011
An tAire Airgeadais
9 Márta 2011 – 14 Meitheamh 2017 ← Brian Seosamh Ó Luineacháin – Paschal Donohoe →
Teachta Dála
14 Meitheamh 2007 – 1 Feabhra 2011 (díscaoileadh na parlaiminte) Téarma parlaiminte: 30ú Dáil Toghcheantar: Luimneach Thoir Toghadh i: Olltoghchán na hÉireann, 2007
Teachta Dála
6 Meitheamh 2002 – 26 Aibreán 2007 (díscaoileadh na parlaiminte) Téarma parlaiminte: 29ú Dáil Toghcheantar: Luimneach Thoir Toghadh i: Olltoghchán na hÉireann, 2002
Ceannaire Fhine Gael
9 Feabhra 2001 – 5 Meitheamh 2002 ← Seán de Briotún – Éanna Ó Coinnigh →
Ceannaire an Fhreasúra
9 Feabhra 2001 – 5 Meitheamh 2002 ← Seán de Briotún – Éanna Ó Coinnigh →
Teachta Dála
26 Meitheamh 1997 – 25 Aibreán 2002 (díscaoileadh na parlaiminte) Téarma parlaiminte: 28ú Dáil Toghcheantar: Luimneach Thoir Toghadh i: Olltoghchán na hÉireann, 1997
An tAire Sláinte
15 Nollaig 1994 – 26 Meitheamh 1997 ← Michael Woods (en) – Brian Ó Comhain →
Teachta Dála
14 Nollaig 1992 – 15 Bealtaine 1997 (díscaoileadh na parlaiminte) Téarma parlaiminte: 27ú Dáil Toghcheantar: Luimneach Thoir Toghadh i: Olltoghchán na hÉireann, 1992
Teachta Dála
29 Meitheamh 1989 – 5 Samhain 1992 (díscaoileadh na parlaiminte) Téarma parlaiminte: 26ú Dáil Toghcheantar: Luimneach Thoir Toghadh i: Olltoghchán na hÉireann, 1989
Teachta Dála
10 Márta 1987 – 25 Bealtaine 1989 (díscaoileadh na parlaiminte) Téarma parlaiminte: 25ú Dáil Toghcheantar: Luimneach Thoir Toghadh i: Olltoghchán na hÉireann, 1987
An tAire Turasóireachta, Cultúir, Ealaíon, Gaeltachta, Spóirt agus Meán
20 Eanáir 1987 – 10 Márta 1987 ← Risteard Mac An Earraigh – Ray Burke →
An tAire Post, Fiontar agus Nuálaíochta
14 Feabhra 1986 – 10 Márta 1987 ← Seán de Briotún – Ailbhe Mac Raghnaill →
Teachta Dála
14 Nollaig 1982 – 20 Eanáir 1987 (díscaoileadh na parlaiminte) Téarma parlaiminte: 24ú Dáil Toghcheantar: Luimneach Thoir Toghadh i: Olltoghchán na hÉireann, Samhain 1982
An tAire Dlí agus Cirt
14 Nollaig 1982 – 14 Feabhra 1986 ← Seán Ó Dochartaigh – Ailéin de Diúc →
Teachta Dála
9 Márta 1982 – 4 Samhain 1982 (díscaoileadh na parlaiminte) Téarma parlaiminte: 23ú Dáil Toghcheantar: Luimneach Thoir Toghadh i: Olltoghchán na hÉireann, Feabhra 1982
Teachta Dála
30 Meitheamh 1981 – 27 Eanáir 1982 (díscaoileadh na parlaiminte) Téarma parlaiminte: 22ú Dáil Toghcheantar: Luimneach Thoir Toghadh i: Olltoghchán na hÉireann, 1981
Faisnéis phearsanta
Scoil a d'fhreastail sé/sí	An Coláiste Ollscoile, Baile Átha Cliath Coláiste Phádraig, Droim Conrach
Gníomhaíocht
Gairm	polaiteoir, múinteoir
Ball de pháirtí polaitíochta	Fine Gael
Ghlac sé/sí páirt i
17 Eanáir 2017	Cruinniú Bliantúil an Fhóraim Eacnamaíoch Dhomhanda, 2017
20 Eanáir 2016	Cruinniú Bliantúil an Fhóraim Eacnamaíoch Dhomhanda, 2016
22 Eanáir 2014	Cruinniú Bliantúil an Fhóraim Eacnamaíoch Dhomhanda, 2014
23 Eanáir 2013	Cruinniú Bliantúil an Fhóraim Eacnamaíoch Dhomhanda, 2013

Is polaiteoir Éireannach agus iarcheannaire de chuid Fhine Gael é Michael Noonan nó Micheál Ó Nuanáin (a rugadh ar 21 Bealtaine 1943). Is Teachta Dála é do dháilcheantar Luimnigh Thoir. Ceapadh mar aire é i rialtas Ghearóid Mac Gearailt agus i rialtas Shéain de Briotún.

1996

2014

Gairm

Rugadh Ó Nuanáin i gcathair Luimnigh agus fuair sé a chuid scolaíochta go háitiúil. Cháiligh sé mar mhúinteoir i gColáiste Ollscoile, Baile Átha Cliath. Mhúin sé i Crescent College i Luimneach. Toghadh mar chomhairleoir contae é sa bhliain 1974.

Toghadh mar Theachta Dála é in olltoghchán na bliana 1981 agus atoghadh é i ngach olltoghchán as sin amach. Ceapadh é mar Aire Cirt sa bhliain 1982. Mar aire, chuir sé scéal faoin gcúléisteacht teileafóin mídhleathach a bhí ar siúl ag rialtas Chathail Uí Eochaidh os comhair an phobail. Ceapadh é mar Aire Tionscail, Tráchtála agus Trádála sa bhliain 1986. Tugadh cúraimí na Roinne Fuinnimh dó tar éis do Pháirtí an Lucht Oibre an rialtas a fhágáil. Bhí Fine Gael sa fhreasúra ó 1987 go dtí 1994. Bhí Ó Nuanáin ar an mbinse tosaigh i gcónaí, mar urlabhraí Airgeadais agus mar urlabhraí Iompair, Fuinnimh agus Cumarsáide ina dhiaidh sin.

Bunaíodh an comhrialtas bogha ceatha sa bhliain 1994 sin agus ceapadh Ó Nuanáin mar Aire Sláinte. Bhí conspóid maidir le táirgí fola galracha ann agus é ina Aire Sláinte. Tholg roinnt daoine heipitíteas tar éis dóibh fuilaistrithe a fháil. Ba í Seirbhís Fuilaistriúchán na hÉireann a bhí freagrach as an bhfuil agus lean siad ag soláthar fola nuair a bhí a fhios acu go raibh seans ann gur fuil ghalrach a bhí inti. Cáineadh Ó Nuanáin mar gheall ar an tslí a bhí an Roinn Sláinte ag déileáil leis na hothair a bhí ag lorg cúitimh ón stát. Bhí air leithscéal a ghabháil sa Dáil le muintir mná amháin a fuair bás díreach tar éis cúitimh a fháil.

Bhí Fine Gael ar ais sa fhreasúra tar éis olltoghcháin na bliana 1997. Ceapadh Ó Nuanáin mar urlabhraí airgeadais. Ghlac páirtí parlaiminte Fhine Gael le rún mímhuiníne a thug Ó Nuanáin agus a chomhghleacaí, Jim Mitchell, isteach i gcoinne ceannaire an pháirtí, Seán de Briotún, sa bhliain 2001. Thogh an páirtí Ó Nuanáin mar chomharba ar de Briotún.

Bhí toradh tubaisteach ag Fine Gael in olltoghchán 2002. Níor bhuaigh an páirtí ach 31 shuíochán i gcomparáid le 54 a bhí acu roimh an toghchán. D'éirigh Ó Nuanáin as mar cheannaire an pháirtí ar an lá céanna.

Atoghadh é in olltoghchán 2007. Athcheapadh é mar urlabhraí airgeadais Fhine Gael sa bhliain 2010 tar éis teip ar iarracht Richard Bruton ceannaireacht an pháirtí a bhaint ó Éanna Ó Coinnigh. Ceapadh mar Aire Airgeadais é tar éis olltoghchán 2011 i gcomhrialtas idir Fine Gael agus Páirtí an Lucht Oibre.

I mí Bhealtaine 2017, d'fhógair sé go mbeadh sé ag dul ar scor ag an gcéad olltoghchán eile.

Pearsanta

Phós Noonan Florence Knightley, bunmhúinteoir ó Chaisleán na Mainge, Ciarraí sa bhliain 1969. Bhí triúr mac agus beirt iníon acu. Labhair Ó Nuanáin ar chlár teilifíse RTÉ sa bhliain 2010 faoina bhean a bhí ag fulaingt le galar Alzheimer. Fuair a bhean bás ar an 23ú Feabhra, 2012 le niúmóine.