Joe Higgins

Joe Higgins

(2014)
Beathaisnéis
Breith	20 Bealtaine 1949 75 bliana d'aois Lios Póil, Éire
Teachta Dála
9 Márta 2011 – 3 Feabhra 2016 (díscaoileadh na parlaiminte) Téarma parlaiminte: 31ú Dáil Toghcheantar: Baile Átha Cliath Thiar Toghadh i: Olltoghchán na hÉireann 2011
Feisire de Pharlaimint na hEorpa
Ina hionadaí do: Páirtí Sóisialach 14 Iúil 2009 – 9 Márta 2011 Téarma parlaiminte: Seachtú Parlaimint na hEorpa Toghcheantar: Baile Átha Cliath (toghcheantar na hEorpa) Toghadh i: toghchán Pharlaimint na hEorpa 2009
Teachta Dála
6 Meitheamh 2002 – 26 Aibreán 2007 (díscaoileadh na parlaiminte) Téarma parlaiminte: 29ú Dáil Toghcheantar: Baile Átha Cliath Thiar Toghadh i: Olltoghchán na hÉireann, 2002
Teachta Dála
26 Meitheamh 1997 – 25 Aibreán 2002 (díscaoileadh na parlaiminte) Téarma parlaiminte: 28ú Dáil Toghcheantar: Baile Átha Cliath Thiar Toghadh i: Olltoghchán na hÉireann, 1997
Faisnéis phearsanta
Scoil a d'fhreastail sé/sí	An Coláiste Ollscoile, Baile Átha Cliath
Teanga dhúchais	Béarla
Gníomhaíocht
Suíomh oibre	Strasbourg An Bhruiséil
Gairm	polaiteoir
Ball de pháirtí polaitíochta	Páirtí Sóisialach Páirtí an Lucht Oibre
Teangacha	Béarla
Suíomh gréasáin	joehiggins.ie

Is iarpholaiteoir Éireannach é Joe Higgins (Gaeilge: Seosamh Ó hUiginn). Rugadh é ar an 1 Bealtaine 1949. Ba é Higgins an t-aon Teachta Dála ón Pháirtí Sóisialach idir 1997 agus 2007. Chaill sé a shuíochán san olltoghchán sa bhliain 2007, ach bhí sé ina TD arís ó 2011 go dtí 2016.

BÁC 25-06-2004

2010

Clare Daly, Joe Higgins agus John Campbell, 2012

Tús a shaoil

Rugadh é i Lios Póil i gContae Chiarraí sa bhliain 1949. D'fhreastail sé ar Scoil na mBráithre Chríostaí sa Daingean. I ndiaidh sin, thosaigh sé ag staidéar chun bheith ina shagart. Cuireadh go dtí coláiste cléireach i Minnesota sna Stáit Aontaithe san 1960í é mar chuid dá chuid oiliúna. Bhí agóidí frith-Chogadh Vitneaim agus an feachtas Chearta Sibhialta ar siúl ag an am agus bhí tionchar acu siúd ar a dhearcadh polaitiúil.

D'fhill sé go hÉirinn agus bhain sé céim amach sa Bhéarla agus sa Fhraincis i gColáiste na hOllscoile, Baile Átha Cliath. Chaith sé tamall ag múineadh i scoileanna lárchathracha i mBaile Átha Cliath.

Polaitíocht

Chuaigh sé isteach i bPáirtí an Lucht Oibre nuair a bhí sé mar mhac léinn agus bhí sé gníomhach sa Militant Tendency (An Claonadh Míleatach), grúpa den eite chlé sa pháirtí. Dibríodh Higgins agus daoine eile san Militant Tendency sa bhliain 1989. Bhunaigh siad Militant Labour ach thosaigh an páirtí ar úsáid a bhaint as an ainm "An Páirtí Sóisialach" sa bhliain 1996.

Toghadh Higgins mar bhall de Chomhairle Chontae Fhine Gall sa bhliain 1991 agus bhí sé ina bhall den Chomhairle go dtí 2004. Toghadh é mar Theachta Dála sa bhliain 1997 i nDáilcheantar Bhaile Átha Cliath Thiar. Toghadh arís é in Olltoghchán 2002.

Chaill sé a shuíochán sa bhliain 2007 ach d'éirigh leis é a bhuachan arís in Olltoghchán 2011, tar éis dó a bheith tofa mar Fheisire de chuid Pharlaimint na hEorpa ar son Bhaile Átha Cliath i 2009. Do thoghchán ginearálta 2011 tháinig aontas coiteann de chuid na heite clé, darbh ainm Comhghuaillíocht na hEite Clé Aontaithe le chéile le dul in iomaíocht leis na páirtithe eile.

Níor ghlac Higgins páirt san Olltoghchán 2016.

Conspóidí

• Chaith Higgins mí i bpríosún sa bhliain 2003 mar gheall ar agóidí i gcoinne táillí ar bhailiúchán bruscar tí.

• Bhí Higgins gníomhach i gcónaí ar son chearta na n-inimirceach .

Féach freisin

• Comhghuaillíocht na hEite Clé Aontaithe, 2010-2013
• Dlúthpháirtíocht (páirtí polaitíochta), 2014-
• Pobal Roimh Bhrabús/Dlúthphairtíocht, 2017-
• Baile Átha Cliath Thiar (Dáilcheantar)
• Polaiteoirí i mBaile Átha Cliath Thiar