Múinteoir
 | |
Cineál fostaíochta | oideoir, school staff (en)  agus acadóir |
|---|---|
Réimse oibre | múineadh agus oideachas |
Is éard is múinteoir (ar a dtugtar múinteoir scoile freisin, nó, i roinnt comhthéacsanna, oideoir) ann ná duine a chuidíonn le mic léinn eolas nó inniúlacht a fháil.
Go neamhfhoirmiúil, féadfaidh duine ar bith ról an mhúinteora a ghlacadh (mar sh. nuair a thaispeánann sé/sí do chomhghleacaí conas tasc faoi leith a dhéanamh). I roinnt tíortha, féadtar daoine óga in aois scoile a theagasc i suíomh neamhfhoirmiúil, mar shampla laistigh den teaghlach (scolaíocht bhaile), seachas i suíomh foirmiúil mar scoil nó coláiste. D’fhéadfadh go mbeadh méid suntasach teagaisc i gceist le roinnt gairmeacha eile (e.g. oibrí óige, sagart).
Coinníollacha oibre
[cuir in eagar | athraigh foinse]Tá na coinníollacha oibre sách crua uaireanta. Tá leibhéil arda struis agus traochadh i measc múinteoirí, dar le taighde ó OIlscoil Chathair Bhaile Átha Cliath sa bhliain 2025, agus cuir leis sin, an t-ualach riaracháin, an curaclaim, uaireanta fad oibre agus easpa tacaíochtaí córasacha. Dar leis an taighde, deir 86% de mhúinteoirí go bhfuil idir leibhéal measartha agus ard traochadh pearsanta orthu, deir 85% go bhfuil idir leibhéal measartha agus ard traochadh oibre orthu, agus deir 85% freisin gur chuir an t-ualach oibre go díreach leis an traochadh atá orthu.[1]
Gaeilge
[cuir in eagar | athraigh foinse]Sa bhliain 2024, dúirt cigirí na Roinne Oideachais nach raibh dóthain líofachta sa Ghaeilge ag go leor múinteoirí in Éirinn chun curaclam teanga na bunscoile a chur i bhfeidhm mar is cóir. De réir thuarascáil na gcigirí bhí éagsúlacht ó thaobh chaighdeán Gaeilge na múinteoirí i scoileanna Béarla “go háirithe i ndáil le cruinneas gramadaí, fuaimniú agus líofacht. Cé gur léirigh formhór na múinteoirí dea-chaighdeán Gaeilge labhartha le linn cigireachtaí ar an nGaeilge, chuaigh sé dian ar roinnt múinteoirí an Ghaeilge a úsáid go héifeachtach.[2]
Naisc
[cuir in eagar | athraigh foinse]Tagairtí
[cuir in eagar | athraigh foinse]- ↑ Nuacht RTÉ (2025-12-09). "Strus agus Traochadh ar mhúinteoirí - taighde nua ó DCU" (as ga-IE).
- ↑ "‘Mórábhar imní’ a laghad Gaeilge atá ag go leor múinteoirí – an Roinn Oideachais" (ga-IE). Tuairisc.ie (2025-11-17). Dáta rochtana: 2025-11-17.
- ↑ "Tuarascáil Chigireacht na Roinne Oideachais agus Óige 2024 agus Athbhreithniú Téamach" (en). gov.ie. Dáta rochtana: 2025-11-17.