Deirdre

Ón Vicipéid, an chiclipéid shaor.
Jump to navigation Jump to search
Caoineadh Dheirdre le J.H.F. Bacon, arna fhoilsiú in Celtic Myth and Legend le Charles Squire (1905).

Duine de na pearsanra sa Rúraíocht is ea Deirdre (Sean-Ghaeilge Derdriu).

B'iníon í Deirdre le scéalaí an rí, Féidhlimidh mac Daill. Sular saolaíodh í, thairngir an Draoi Cathbhadh go mbeadh an bhean álainn seo ina cúis achrainn agus fuildhoirte. Ina ainneoin sin, is ise a roghnaíonn Conchúr Rí mar bhean céile. Ar fheiceáil di fiach dubh ag ól fola ainmhí a maraíodh, deir Deirdre go bpósfaidh sí fear a bhfuil dath bán ar a chorp, dath dearg ar a leicne agus dath dubh ar a chuid gruaige.

Nuair a deir Leabharcham, a buime, go bhfuil na tréithe sin ag fear óg dathúil darb ainm Naoise, titeann Deirdre i ngrá leis. D’ainneoin thairngreacht Chathbhaidh agus an cleamhnais atá déanta le Conchúr, teitheann Deirdre agus Naoise go hAlbain.

Cuireann na hUlaidh ina luí ar Chonchúr cead a thabhairt don dís filleadh ar Éireann, dá bhrí sin, cuireann sé Fearghus Mac Róigh go hAlbain chun é seo a chur in iúl dóibh. Ach ar fhilleadh dóibh ar Eamhain Mhacha, ceanncheathrú thuatha Ulaidh, feallmharaítear Naoise agus a dheartháireacha agus gabhann Conchúr seilbh ar Dheirdre. Seachas géilleadh do Chonchúr, áfach, léimeann Deirdre de charbad agus é ag gluaiseacht, agus déantar smidiríní dá cloigeann.

Tagairtí[cuir in eagar | athraigh foinse]

  • Arna bhunú ar 'Deirdre', Encyclopedia of Ireland, Gill & Macmillan (2003).