Lughaidh Mac Cú Raoi

Ón Vicipéid, an chiclipéid shaor.
Jump to navigation Jump to search

Sa Rúraíocht, ba é Lughaidh Mac Cú Raoi (Sean-Ghaeilge Lugaid mac Con Roí) mac Cú Raoi mac Dáire. Bhí aithne air mar Lugaid mac Trí Con freisin. Ba mharfóir Cú Chulainn é

Mharaigh sé Cú Chulainn mar dhíoltas as bás a athar, i mbun comhcheilge le Méabh agus clanna daoine eile a bhí maraithe ag Cú Chulainn. Agus a phutóga doirte amach ag ga Lughaidhe, cheangail Cúchulainn é féin de ghallán (a deirtear gur Cloch an Fhir Mhóir[1] é) chun bás d'fháil ina sheasamh. Tháinig fiach dubh anuas ar a ghualainn, agus ansin amháin a bhí Lughaidh cinnte gur mharbh é. Agus Lughaidh i mbun a cheann a bhaint de, thit claíomh Cú Chulainn agus scoitheadh lámh Lughaidhe.

Chuaigh Conall Cernach sa tóir air agus i gcomhrac aonair leis. Agus lámh amháin in easnamh ag Lughaidh, throid Conall le lámh amháin craptha ina chrios aige. Bhuaigh sé ámh ach le cabhair a chapaill, a bhain greim as cliathán Lughaidhe. Thóg sé ceann Lughaidhe agus chuir ar chloch é. Leáigh a chuid fola an chloch agus luigh an ceann tríd.

Naisc sheachtracha[cuir in eagar | athraigh foinse]

Tagairtí[cuir in eagar | athraigh foinse]

  1. Clochafarmore Standing Stone, Voices from the Dawn