An Portán

An Portán

an Portán
Ainm Laidine (IAU)	Cancer
Nod	Cnc
Ginideach Laidine	Cancri
Siombalaíocht	an Portán
Dronairde	9 h
Diallas	+20°
Achar	506 céim cearnach Céim 31ú
Líon na réaltaí (amharcmhéid < 3)	0
Réalta is gile	Al Tarf (β Cnc) (méid 3.5)
Dreigecheathanna	Delta Caincridí
Réaltbhuíonta ar theorainn leista	an Lincse an Cúpla an Madra Beag an Phéist Uisce an Leon
Infheicthe sna leithid idir +90° agus −60° Sárfheicthe i rith na míosa seo: Márta an infheictheacht is fearr

I gcúrsaí réalteolaíochta agus astralaíochta, tá an Portán ar cheann de réaltbhuíonta an stoidiaca. Is é Cancer, a chiallaíonn portán, an t-ainm Laidine a thugtar air. Is réaltbhuíon bheag dhoiléir é an Portán, agus is beag duine a aithníonn é as an ainmhí ar baisteadh é as. Tá sé suite i measc an Chúpla, atá ar an taobh thiar de, an Leoin ar an taobh thoir de, na Lincse ar an taobh thuaidh de, agus an Mhadra Bhig is na Péiste Uisce ar an taobh theas de.

Príomhghnéithe

• ζ Cnc:

• ι Cnc:

Réada suntasacha domhainspéire

• M44: is mar shuíomh na Coirceoige is fearr atá aithne ar an bPortán i measc réadóirí. Is réaltbhraisle oscailte í siúd dá ngairtear chomh maith Praesepe as Laidin (sin le rá, "mainséar") agus the Beehive Cluster nó the Gate of Men as Béarla. Tá an bhraisle seo ar an gceathrú réad is daichead ar Chatalóg Messier (M44); ε Cnc an réalt is gile istigh inti.

• M67:

Miotaseolaíocht

Sa mhéid go bhfuil scothchosúlacht portáin ar an réaltbhuíon seo, b'fhéidir go bhfuil baint éigin aici, i dteannta réaltbhuíon na Péiste Uisce, le bunús mhiotas Hiodra Leirné, atá ar ceann de Dhá Shaothar Déag Earcail agus a bhfuil an Portán ceangailte leis.

Astralaíocht

Baineann comhartha astralaíoch an Phortáin (Meitheamh 21 - Iúil 22) leis an réaltbhuíon atá ar aon ainm leis. De réir cosmeolaíochtaí áirithe, ceanglaítear an Portán le dúil chlasaiceach an Uisce, agus mar sin de aithnítear mar chomhartha an uisce é (i dteannta na Scairpe agus na nIasc). Tá sé freisin ar ceann de na ceithre chomhartha Chairdineálta (i dteannta na Meá, an Ghabhair, agus an Reithe). Rialaítear ag an nGealach é. Is é an Gabhar is frithchomhartha polach leis.

Baineann gach comhartha astralaíoch le roinn éigin an choirp, agus tuigtear an roinn seo mar ionad a chumhachta. Rialaíonn an Portán na cíocha agus an bolg. Ar ndóigh, is é an tsiombail atá ar an gcomhartha seo ná an portán é féin. I measc tréithe an Phortáin áirítear righneas, tocht láidir anfach, taghdanna tréana, cosantacht fhíochmhar muintire is tíre, cumas láidir ar dhaoine eile a chothú, agus cur in aghaidh athraithe sheachtraigh; ach cuirtear cúpla drochthréith san áireamh freisin, ina measc an-luí le bheith ceangailte go ró-thochtmhar, rachtanna, agus paranóia éadrom.

Daoine cáiliúla ar rugadh faoin gcomhartha seo iad, nó "Clann na Gealaí" mar a thugtar orthu: George W. Bush, Franka Potente, Liv Tyler, Pamela Anderson agus Tom Cruise.

Sna seachtóidí moladh an comhartha astralaíoch seo a athainmniú, ó tharla gur cheap astralaithe éigin gurbh ruaigtheach é an comhcheangal samhlaithe leis an ngalar Ailse, nó "cancer" mar a thugtar as Béarla uirthi. Daoine éigin ar rugadh faoi chomhartha na gréine den Phortáin iad, gaireann siad Clann na Gealaí díobh féin ina ionad, mar baineann an comhartha leis an nGealach de réir astralaíochta.

Naisc sheachtracha

• Yale Bright Star Catalog
• an Portán ar shuíomh Robin Gatter
• Ian Ridpath's Star Tales
• an Portán agus miotaseolaíocht an Domhain Curtha i gcartlann 2006-06-12 ar an Wayback Machine
• an Portán ar shuíomh Richard Dibon-Smith
• Peoria Astronomical Society: an Portán Curtha i gcartlann 2006-06-15 ar an Wayback Machine
• The Deep Photographic Guide to the Constellations: an Portán

Tagairtí

• Burnham, Robert Jr. (1966, 1978). Burnham's Celestial Handbook: An Observer's Guide to the Universe Beyond the Solar System, v.1. General Publishing Company, Ltd., Toronto. ISBN 0-486-23673-0.