George W. Bush

Ón Vicipéid, an chiclipéid shaor.
George Walker Bush
George Walker Bush

Leasuachtarán: Dick Cheney
I bhfeidhmeannas: 20 Eanáir, 200120 Eanáir, 2009
Réamhtheachtaí: William J. Clinton
Comharba: Barack Obama

Dáta breithe: 6 Iúil, 1946
Áit bhreithe: New Haven, Connecticut
Céile: Laura Welch Bush
Páirtí polaitíochta: Poblachtach

Is polaiteoir Meiriceánach é Fuaim George Walker Bush (6 Iúil, 1946 a rugadh é). Ba é an 43ú hUachtarán na Stát Aontaithe. Tháinig sé i gcomharbacht ar Bill Clinton sa bhliain 2001. Toghadh George W. Bush ina uachtarán ar SAM den chéad uair ar 7 Samhain 2000, agus bhí an-chuid conspóide faoi áireamh na vótaí ag an am.

Bhí a chéad tréimhse feidhmeannais caite aige i 2005, agus toghadh don dara tréimhse é i mí Dheireadh Fómhair, 2004. Tháinig Barack Obama i gcomharbacht air sa bhliain 2009.

Ba é Bush 46ú Gobharnóir Texas ó 1995 go 2000, agus is ball saoil den Pháirtí Poblachtach é. B'uachtarán a athair roimhe, George H. W. Bush, agus is Gobharnóir deartháir leis, Jeb Bush, i bhFlorida.

Saol[athraigh | athraigh vicithéacs]

Rugadh i New Haven, Connecticut i 1946 é. Is iad George H. W. Bush agus Barbara Bush a thuismitheoirí. D'fhás sé suas i Midland agus Houston, Texas lena dheartháireacha Jeb, Neil, agus Marvin agus a dheirfiúr Dorothy. Bhí deirfiúr eile aige, Robin, ach fuair sí bás agus í trí bliana d'aois.

D'fhreastail sé ar an ardscoil Phillips Academy, agus fuair sé a chuid oideachais tríú leibhéal in Ollscoil Yale.

Bush agus Príomh Aire an Iaráic Nouri al-Maliki

Bhí Bush ciontaíodh le tiomáint ólta i Maine i 1976 [1]. Phós sé Laura Welch i 1977. Rugadh cúpla d'iníonacha, Barbara agus Jenna, i 1981 díobh. I 1986, agus é 40 bliain d'aois, d'fhág sé an Eaglais Easpagóideach agus chuaigh isteach san Eaglais Mheitidisteach, sainchreideamh a mhná.