Míchail Gorbaitseov

Míchail Gorbaitseov

Ainm sa teanga dhúchais	(ru) Михаил Сергеевич Горбачёв
Beathaisnéis
Breith	2 Márta 1931 Privolnoye (an tAontas Sóivéadach)
Bás	30 Lúnasa 2022 91 bliana d'aois Central Clinical Hospital (an Rúis)
Siocair bháis	Bás nádúrtha (Cliseadh duán)
Áit adhlactha	Reilig Novodevichy
Uachtarán an Aontais Shóivéadaigh
15 Márta 1990 – 25 Nollaig 1991 ← luach ar iarraidh – Deireadh an phoist →
Chairman of the Supreme Soviet of the USSR (en)
25 Bealtaine 1989 – 15 Márta 1990 ← luach ar iarraidh – Anatoly Lukyanov →
11 Cathaoirleach an Phraesaidiam d'Ard-Shóivéadach den an APSS
1 Deireadh Fómhair 1988 – 25 Bealtaine 1989 ← Andrei Gromyko – Deireadh an phoist →
6 Ard-Rúnaí Pháirtí Cumannach an Aontais Shóivéadaigh
11 Márta 1985 – 24 Lúnasa 1991 ← Konstantin Chernenko – Volodymyr Ivashko →
Faisnéis phearsanta
Idé-eolaíocht pholaitíochta	Marxachas-Leiníneachas agus daonlathas sóisialach
Reiligiún	Aindiachas
Scoil a d'fhreastail sé/sí	Moscow State University, Faculty of Law (en) (–1955) Stavropol State Agrarian University (en) (–1967) Ollscoil Stáit Moscó
Céim acadúil	Dochtúir Eolaíochtaí
Teanga dhúchais	an Rúisis
Gníomhaíocht
Réimse oibre	Polaitíocht, economic reform (en) , democratization (en) , peireastráice agus political reform (en)
Gairm	polaiteoir, eacnamaí, gníomhaí timpeallachta, saineolaí dlí, dlíodóir
Fostóir	All-Union Leninist Young Communist League (en) The Gorbachev Foundation (en)
Ball de pháirtí polaitíochta	Union of Social Democrats (en) (2007–) Páirtí Sóisialta Daonlathach na Rúise (2001–2007) Páirtí Cumannach an Aontais Shóivéidigh (1950–1991) Russian United Social Democratic Party (en) (–2001)
Ball de	Acadamh Idirnáisiúnta na nEolaíochtaí, San Mairíne (1996–) Club na Róimhe (ball oinigh) Politburo of the Central Committee of the Communist Party of the Soviet Union (en) Central Committee of the Communist Party of the Soviet Union (en) All-Union Leninist Young Communist League (en)
Faoi thionchar	Antonio Gramsci, Louis Aragon, Roger Garaudy, Giuseppe Boffa agus Sun Myung Moon
Teangacha	An Rúisis
Ghlac sé/sí páirt i
1997	Mikhail Gorbachev Pizza Hut commercial (en)
1996	Visiting Dmitry Gordon (en)
2 Iúil 1990	28th Congress of the Communist Party of the Soviet Union (en)
25 Feabhra 1986	27th Congress of the Communist Party of the Soviet Union (en)
23 Feabhra 1981	26th Congress of the Communist Party of the Soviet Union (en)
24 Feabhra 1976	25th Congress of the Communist Party of the Soviet Union (en)
30 Márta 1971	24th Congress of the Communist Party of the Soviet Union (en)
17 Deireadh Fómhair 1961	22nd Congress of the Communist Party of the Soviet Union (en)
Teaghlach
Céile	Raisa Gorbacheva (1953–1999), bás a c(h)éile
Páiste	Irina Virganskaya
Athair	Sergey Gorbachev  agus Maria Gorbacheva
Croineolaíocht
30 Lúnasa 2022	death and funeral of Mikhail Gorbachev (en)
26 Aibreán 1986	Tubaiste Searnóbail
Gradam a fuarthas (2018)  saoránach oinigh de Košice../... 59+
Síniú
Veu de Míchail Gorbaitseov (an Rúisis)
Suíomh gréasáin	gorby.ru

Iar-cheannaire an Aontais Shóivéadaigh ab ea Míchail Gorbaitseov nó Mikhail Gorbachev (Rúisis: Михаи́л Серге́евич Горбачёв), a bhí i gceannas ar an APSS idir 1985 agus 1991 (2 Márta 1931 i bPrivolnoye, an Rúis - 30 Lúnasa 2022 i Moscó).

Tháinig Gorbachev chun cinn in 1985 mar cheannaire ar an Aontas Sóivéadach agus bhí na polasaithe nua Gleasnast (oscailteacht nó réchúiseachas) agus perestroika (athstruchtúrú) á gcur i bhfeidhm aige. Ba é Gorbachev an ceannaire deireanach ar an Aontas Sóivéadach. Chuir sé deireadh leis an gChogadh Fuar i ndiaidh tréimhse détente agus bhog sé ar aghaidh ón cheannasaíocht thraidisiúnta Shoivéadach ar na 'stáit ar adhastar' in Oirthear na hEorpa.

Teacht i réim

Fuair Leonid Brezhnev bás sa bhliain 1982. Ar feadh cúpla bliain ina dhiaidh sin, chonacthas beirt seanfhear, Yuriy Andropov agus Konstantin Chernenko, ag rialú an Aontais go tiubh sna sálaí ag a chéile. Ceannairí idirlinne ab ea iad nach raibh mórán difríochta idir iad agus Brezhnev.

Sa bhliain 1985, áfach, tar éis bhás Chernenko, ba é Gorbaitseov a ghlac ceannaireacht an pháirtí, an tríú ceannaire taobh istigh de thrí bliana.

Bhí sé i bhfad ní b'óige ná mar ba ghnách d'Ard-Rúnaí an Pháirtí Chumannaigh a bheith, agus chrom sé ar an eacnamaíocht, an Páirtí agus an polasaí meán cumarsáide a chur i gcrích.

Fealsúnacht

Bhí a fhios ag Gorbaitseov go gcaithfeadh an APSS athrú ó bhun, idir chúrsaí polaitiúla agus chúrsaí eacnamaíocha, dá mb’áil leis fanacht beo. Ba é an chéad chéim deireadh a chur le hiomaíocht na n-arm, sa dóigh go bhféadfaí airgead a infheistiú i ngeilleagar an stáit.

Spreag Gorbaitseov an pobal fosta, áfach, cáineadh cruthaitheach a dhéanamh ar an chóras chumannach mar dhóigh le cuidiú leis éirí nua-aimseartha agus feabhsú.

Reagan agus Gorbaitseov, 1987

Leasuithe

Bhí Gorbachev go háirithe an-bhuartha faoi staid an gheilleagair Rúisigh. Ba eisean an chéad cheannaire Sóivéadach nach raibh baint pholaitiúil aige leis an ré Stailíneach. Bhí a fhios ag Gorbachev nach dtiocfadh leis an Rúis leanúint de bheith ag caitheamh airgid gan stad ar mhaithe le bheith ag an leibhéal céanna caiteachas cosanta le SAM:

Thatcher, Gorbaitseov agus a bhean chéile

B'iad na focail 'peireastráice" (perestroika, "atógáil, athstruchtúrú" nó geilleagar ní b'oscailte) agus "gleasnast" (glasnost', "neamhbhailbhe" nó oscailteacht) a tharraing Gorbachev chuige ag iarraidh a chuid leasuithe a shainmhíniú.

Tá an coincheap gleasnast (glasnost i mBéarla), nó oscailteacht tuairimíochta, lárnach maidir le tuiscint a fháil ar an Rúis sna 1980idí. B'é an gleasnast ba mhó a d'athraigh an saol san Aontas, nó bhain sé srianta na cinsireachta de na meáin chumarsáide, ionas go bhfuair muintir an Aontais cead cainte agus teacht ar eolas an chéad uair riamh sa stair.

Mar shampla, sa bhliain 1990, d’admhaigh Mikhail Gorbachov go raibh airm an tSóivéadach freagrach as Sléacht Katyn.

Míchail Gorbaitseov sa bhliain 1988

Deireadh leis an gCogadh Fuar

I mí Mhárta 1985 d’fhógair Gorbaitseov deireadh le Teagasc Brezhnev. Bhí an smaointeoireacht taobh thiar de seo sothuigthe; chiallaigh a chinneadh deireadh a chur leis an Chogadh Fhuar nach raibh aon ghá a thuilleadh le crios maolánach Oirthear na hEorpa. Anois ní thriailfí tíortha a choinneáil siar dá mba mhian leo a saoirse a bhaint amach. Lena thaispeáint gurbh fhíor dó sa mhéid a dúirt sé, thosaigh Gorbaitseov a aistarraingt trúpaí Rúiseacha as Oirthear na hEorpa.

I mí Dheireadh Fómhair 1989, thug Míchail Gorbachev cuairt ar Bheirlín Thoir agus thosaigh na rialtais Chumannacha in Oirthear na hEorpa ag titim ceann i ndiaidh a chéile.

Rinne Gorbachev iarracht athchóiriú a dhéanamh, agus cuireadh deireadh leis an gCogadh Fuar mar thoradh.

Bronnadh Duais Nobel na Síochána air sa bhliain 1990.

Titim an rialtais Sóivéadach

Ní raibh Gorbachev féin ag súil leis an seachthoradh, áfach, gur thosaigh na poblachtaí Sóivéadacha éagsúla ag éileamh forlámhais ar a gcuid tailte, nó fiú neamhspleáchas,

Tharla Iarracht ar coup d'état san APSS i 1991. Theip ar na ceannaircí nuair a chuir trúpaí a bhí dílis do Yeltsin agus Gorbachev an coup faoi chois. D'fhógair Boris Yeltsin ar an 22 Lúnasa 1991 go raibh an coup thart. Bhain sé dea-cháil amach.

Ní raibh an oiread cumhachta ag Gorbachev agus a bhíodh. Cuireadh ar ais in oifig é. Ach laistigh de cheithre mhí, eisreachtaíodh an Páirtí Cumannach sa Rúis. Roimh dheireadh na mbliana, bhí a neamhspleáchas fógartha ag gach ceann de na 15 poblacht san APSS. Chruthaigh triúr de na stáit ba mhó, an Rúis, an Úcráin agus an Bhealarúis aontas nua darb ainm Comhlathas na Stát Neamhspleách.

Bás

Fuair Gorbachev bás ar 30 Lúnasa 2022, in aois 91 dó, ag an Central Clinical Hospital i Moscó, i ndiaidh do a bheith breoite le tamall fada. Dúirt an Taoiseach Micheál Martin go raibh Mikhail Gorbachev ar dhuine do na daoine is suntasaí ó thaobh na polaitíochta a bhí ann, déanach sa 20ú haois. Chabhraigh polasaithe Gorbachev chun ''Eoraip saor'' a chruthú.

Féach freisin

• Gleasnast
• 'Peireastráice (Perestroika) agus geilleagar ní b'oscailte
• An Cogadh Fuar
• APSS