Tubaiste Shearnóbail

Ón Vicipéid, an chiclipéid shaor.
Jump to navigation Jump to search
Tubaiste Shearnóbail

Ba thubaiste núicléach a thit amach i stáisiún núicléach Shearnóbail, san Úcráin í Tubaiste Shearnóbail. Ar an 26 Aibreán 1986, tharla an tubaiste núicléach thaismeach ba mheasa go dtí sin sa chathair seo sa Bhealarúis.

Pléascadh[athraigh | athraigh vicithéacs]

Phléasc imoibreoir uimhir a ceathair de chuid an stáisiúin. Chuaigh turgnamh ar an imoibreoir ar strae, cailleadh smacht ar theocht an bhreosla ann, leádh cuid mhaith den bhreosla sa chroíleacán, agus phléasc clúdach an imoibreora san aer.

RBMK en.svg

Torthaí[athraigh | athraigh vicithéacs]

Sceitheadh oiread ollmhór ábhar radaighníomhach san aer agus scaipeadh iad mar astitim ar fud na hEorpa, a bheag nó a mhór. Bhí an oiread a sceitheadh timpeall milliún oiread níos mó ná ar sceitheadh as Three Mile Island i 1979. Seoladh ábhar contúirteach núicléach thuas sna spéartha os cionn iarthar an Aontais Shóivéadaigh agus na hEorpa.

Chernobyl Nuclear Power Plant.jpg

Dhearbhaigh na húdaráis ag an am gur cailleadh 31 duine sa tubaiste. Ach rinneadh dochar fadtéarmach do lucht an réigiúin mháguaird.

Chernobyl Reactor.jpg

Cuireadh isteach go tubaisteach ar sholáthar bia san Eoraip, agus meastar go bhfaighidh na mílte míle bás ón ailse de bharr na hastitime is go gcuirfidh sí isteach ar shláinte na milliún. Gach bliain a théann thart, is gá meastacháin na n-íobartach de gach saghas a mhéadú.

In Éirinn[athraigh | athraigh vicithéacs]

San astitim ar Éirinn, bhí iseatóip radaighníomhacha éagsúla, ina measc caesiam-137 a bhfuil leathré 30 bliain aige[1]. Ionsúitear an dúil seo isteach sa bhféar ón ithir agus cruinníonn sí faoi dheireadh i mbainne na bó.

Bhí leibhéal radaighníomhaíochta suas go dtí 340 beicireil (Bq) de réir an líotair i mbainne sa tír seo ag an am, ach laghdaigh an leibhéal go tapa ina dhiaidh sin.

Bhí na leibhéil arda sin níos lú ná an leibhéal tairseachúil de 370 Bq sa líotar atá leagtha amach ag an gComhphobal Eorpach chun teorainneacha a chur ar úsáid bainne. Mar a tharlaíonn, bhí tromlach na radaighníomhaíochta seo sa bhainne bearrtha. Ba lú i bhfad a tiúchan sa tsaill nó táirgí na saille, im nó uachtar.

Chernobyl Children's Project UK

Tagairtí[athraigh | athraigh vicithéacs]

  1. Hussey, Matt - Fréamh an Eolais (Coiscéim 2011)