Alan Shatter

Ón Vicipéid, an chiclipéid shaor.
Alan Shatter
Alan Shatter.jpg

In oifig
9 Márta 2011 - 7 Bealtaine 2014
Réamhtheachtaí: Brendan Smith

In oifig
9 Márta 2011 - 7 Bealtaine 2014
Réamhtheachtaí: Éamon Ó Cuív

Dáta breithe 14 Feabhra 1951
  Baile Átha Cliath
Páirtí Fine Gael

Polaiteoir Éireannach de chuid Fhine Gael is ea Alan Shatter (rugadh ar 14 Feabhra 1951 é). Is Teachta Dála é do dháilcheantar Bhaile Átha Cliath Theas agus ba Aire Dlí agus Cirt agus Comhionannais agus Aire Cosanta é idir Mhárta 2011 agus Bealtaine 2014 .

A shaol pearsanta[athraigh | edit source]

Rugadh Shatter i mBaile Átha Cliath do theaghlach Giúdach. Oileadh é san High School i Ráth Garbh agus i gColáiste na Tríonóide, Baile Átha Cliath. Bhí cónaí air i gcónaí i ndeisceart Bhaile Átha Cliath. Tá sé pósta le Carol agus tá beirt clainne acu.

A Shaol Polaitiúil[athraigh | edit source]

Toghadh Shatter don Dáil don chéad uair in olltoghchán 1981 agus atoghadh é i ngach olltoghchán ina dhiaidh sin go dtí gur chaill sé a shuíochán in olltoghchán 2002. Atoghadh é in olltoghchán 2007 agus arís sa bhliain 2011. Ba bhall de Chomhairle Chontae Bhaile Átha Cliath é ó 1991 go 1999 do cheantar Ráth Fearnáin.

Fuair Shatter oiliúint sa dlí agus chuir sé a lán reachtaíochta chun cinn nuair a bhí sé sa Dáil. D'fhoilsigh sé níos mó Billí Comhalta Phríobháidigh agus é sa freasúra ná aon TD riamh. Rinne cuid de na billí athraithe i gcúrsaí sláinte, spóirt agus cirt. Uaireanta, rinne an rialtas leasúcháin ar a bhillí agus ghlac siad úinéireacht orthu.

I rith na 1980í, mhol Shatter go mbunófaí Coiste Gnóthaí Eachtracha san Oireachtas. Ba bhall den choiste é ó bunaíodh é (ach amháin ar feadh tréimhse ghearr ó 1993 go 1994) agus ba Cathaoirleach an Choiste é ó Nollag 1996 go Meitheamh 1996.

Chuir ceannaire Fhine Gael, Seán de Briotún, ón gcoiste é ar feadh tréimhse ó 1993 go 1994 mar vótáíl sé i bhfábhar cosc a chur ar bheo-chúrsáil giorracha d'ainneoin an cheangail aoireachta. Ba é Uachtarán na Gaelchomhairle in Aghaidh Fuilspórt é ar feadh tamaill.

Ba urlabhraí é ar bhínse tosaigh Fhine Gael ar roinnt ábhar:

  • Athchóiriú Dlí (1982, 1987-1988)
  • Comhshaol (1989-1991)
  • Saothar (1991)
  • Ceart (1992-1993)
  • Comhionannas agus Athchóiriú Dlí (1993-1994)
  • Sláinte agus Leanaí (1997-2000)
  • Dlí agus Ceart, Athchóiriú Dlí agus Cosaint (2000-2002)
  • Leanaí (2007-2010)
  • Dlí agus Ceart agus Athchóiriú Dlí (2010-2011)

D'oibrigh sé mar aturnae tar éis dó a shuíochán a chailliúnt sa bhliain 2002 agus ba páirti é i gcomhlucht Gallagher Shatter.

Ceapadh é mar Aire Dlí agus Cirt agus Comhionannais agus Aire Cosanta ar 9 Márta 2011.

Tagairtí[athraigh | edit source]