Fine Gael

Ón Vicipéid, an chiclipéid shaor.

Páirtí polaitíochta i bPoblacht na hÉireann is ea é Fine Gael. Faoi láthair, tá sé ar an dara páirtí is mó sa tír, agus é fágtha i bhfreasúra ag Fianna Fáil. De réir mar a mhaíonn an páirtí féin, tá thart ar 37,000 duine ina mbaill d'Fhine Gael ar fud na tíre.

Téann stair Fhine Gael siar go dtí laethanta an Chogaidh Chathartha, ach níor tháinig an páirtí ar an bhfód faoin ainm sin roimh an mbliain 1933, nuair a chuaigh an Lár-Pháirtí Náisiúnta, Cumann na nGaedheal agus na Léinte Gorma le chéile. Inniu, dearcann Fine Gael air féin mar pháirtí forásach láir, ach is iad na páirtithe daonlathacha Críostaí na cinn is cosúla leis i mór-roinn na hEorpa. Tá an páirtí ag tacú go láidir le ballraíocht na hÉireann san Aontas Eorpach, agus é ag cur in aghaidh Phoblachtánachas na láimhe láidire go tréan. Is é Fine Gael an t-aon pháirtí amháin taobh amuigh den mhór-roinn atá ina bhallpháirtí den EPP, an faicsean den Phairlimint Eorpach a mbaineann na páirtithe daonlathacha Críostaí leis.

Bhí baint áirithe ag Fine Gael leis an Language Freedom Movement nuair a bhí an ghluaiseacht sin ag cur in aghaidh na "Gaeilge éigeantaí", rud a tharraing míchlú áirithe frith-Ghaeilgeoireachta ar an bpáirtí. In Earrach na bliana 2006, d'éiligh Éanna Ó Cionnaith, ceannaire an pháirtí, go maolófaí ar stádas na Gaeilge sna scoileanna. Is í an chiall a bhain gluaiseacht na Gaeilge as an gcineál sin cainte ná gurbh é seandúchas an pháirtí ó laethanta an LFM a tháinig chun solais arís.

[athraigh] Ceannairí an pháirtí

[athraigh] Naisc sheachtracha

• http://www.finegael.ie/ - Suíomh oifigiúil
• http://www.yfg.ie/ - Suíomh oifigiúil Ógra Fhine Gael

Is síol é an t-alt seo. Cuir leis, chun cuidiú leis an Vicipéid.
Má tá alt níos forbartha le fáil i dteanga eile, is féidir leat aistriúchán Gaeilge a dhéanamh.