Tomás Ó Cléirigh

Thomas Clarke

Réabhlóidí Éireannach ba ea Tomás Ó Cléirigh (11 Márta, 1857 - 3 Bealtaine, 1916), nó Thomas James Clarke as Béarla. Ghlac sé páirt in Éirí Amach na Cásca sa bhliain. 1916 Ba é Clarke an chéad duine a shínigh Forógra na Poblachta. Dar le go leor daoine ba eisean ba mhó a chuir dlús leis an réabhlóid.

Rugadh Clarke ar Inis Iocht, áit ina raibh a athair lonnaithe mar shaighdiúir in Arm na Breataine. Éireannaigh ó dhúchas a bhí ina thuismitheoirí James Clarke ó Charraig Álainn i gContae Liatroma agus Mary Palmer ó Chontae Thiobraid Árainn. Níor fhilleadar ar Éirinn go dtí go raibh seacht mbliana slánaithe aige, agus d'fhás sé aníos i nDún Geanainn, Contae Thír Eoghain.

Baile a bhí i lár an aonaigh ó thaobh cur in aghaidh na Breataine a bhí in nDún Geanainn, agus lorg an Ghorta Mhóir fágtha go tréan air fós. Bhí na hÉireannaigh Aontaithe agus na Fíníní an-ghníomhach sa cheantar, agus níorbh fhada go músclaíodh a chuid suime sa pholaitíocht.

Chaith sé cúig bhliana déag i bPriosún Pentonville i Sasana, ó 1883 go 1898, faoi go raibh sé bainteach le hiarrachtaí Sasana a bhuamáil. Bhunaigh sé an Chomhairle Mhíleata a cheap Éirí Amach na Cásca. Cuireadh chun báis é os comhair scuad lámhaigh ar an 4 Bealtaine 1916.

Is síol é an t-alt seo. Cuir leis, chun cuidiú leis an Vicipéid.
Má tá alt níos forbartha le fáil i dteanga eile, is féidir leat aistriúchán Gaeilge a dhéanamh.