Tomás Ceannt

Ón Vicipéid, an chiclipéid shaor.

Ba náisiúnaí Éireannach ó Chontae Chorcaí é Tomás Ceannt (18659 Bealtaine 1916), nó Thomas Kent as Béarla. Bhí sé ar tí taisteal go mBaile Átha Cliath chun a bheith páirteach in Éirí Amach na Cásca sa bhliain 1916, ach nuair a seoladh amach ordú i gcoinne an tslógaidh, d'fhan sé sa bhaile.

Tháinig an troid chuige in aon chor, mar chuaigh Constáblacht Ríoga na hÉireann amach ar fud na tíre chun daoine a bhí bainteach leis an ngluaiseacht a chur faoi ghlas. Nuair a shroich siad teach cónaithe na gCeannt i gCaisleán Ó Liatháin i gContae Chorcaí, bhris troid ghunna amach a mhair ar feadh ceithre uair idir an RIC ar an taobh amháin, agus Tomás agus a dheartháireacha Risteard, Daithí agus Liam ar an taobh eile. Maraíodh an Constábla William Rowe de chuid an RIC, ach ghéill na deartháireacha nuair a maraíodh Risteard agus gortaíodh Daithí go dona. Daoradh Tomás chun báis agus thug sé aghaidh ar an scuad lámhaigh ar an 9 Bealtaine i mBeairic Victoria (Beairic Uí Choileáin sa lá atá inniu ann). Tá sé curtha san áit chéanna.

Bhí Tomás Ceannt ar duine den bheirt a cuireadh chun báis taobh amuigh den phríomhchathair (Ruairí Mac Easmainn an duine eile).

Tá an stáisiún traenach i gcathair Chorcaí, Stáisiún Cheannt, ainmnithe in ómós dó.



Éirí Amach na Cásca
Daoine a shínigh Forógra na Poblachta (curtha chun báis)

Pádraig Mac Piarais | Tomás Ó Cléirigh | Tomás Mac Donnchadha | Seosamh Pluincéad | Éamonn Ceannt | Seán Mac Diarmada | Séamas Ó Conghaile

Daoine eile a cuireadh chun báis

Éamonn Ó Dálaigh | Liam Mac Piarais | Mícheál Ó hAnnracháin | Seán Mac Giolla Bhríde | Mícheál Ó Mulláin | Conchur Ó Colbaird | Seán Heuston | Tomás Ceannt | Ruairí Mac Easmainn

Éireannaigh mór le rá eile

Éamon de Valera | Constance Markiewicz | Mícheál Seosamh Ó Rathaille | Eoin Mac Néill | Éamonn Bulfin | Cathal Brugha | Risteard Ó Maolchatha | Liam Ó Maoilíosa | Seán Mac an tSaoi | Tomás Mac Curtain | Tomás Ághas | Máirtín Sabhaois | Proinsias Mac Síthigh-Sceimhealtún | Helena Ní Maolomhnaigh