Arm Cathartha na hÉireann

Ón Vicipéid, an chiclipéid shaor.

Ba é Arm Cathartha na hÉireann (as Béarla, Irish Citizen ArmyICA) an eagraíocht mhíleata a bhunaigh Séamas Ó Conghaile chun cearta an lucht oibre Bhaile Átha Cliath a chosaint ar fhostóirí agus ar na póilíní. Bhí ceanncheathrú acu i Halla na Saoirse i mBaile Átha Cliath.

Ba mar gheall ar stailc mhór Ceardchumann Iompair agus Ilsaothair na hÉireann i 1913 (nó Frithdhúnadh 1913 mar a tugtar air anois) a cuireadh tús leis an arm seo. Mhóidigh an Conghaiileach nach mbeadh oibrithe na cathrach gan chosaint in aghaidh na bhfostóirí ná na bpóilíní feasta.

Ba é a mhana: 'Ní don Rí ná don Kaiser a thugaimid dílseacht, ach d'Éirinn'. Bhí dearcadh láidir sóisialach ag an gConghaileach, ach ba thírghráthóir é freisin agus chuaigh sé i bpáirt le hÓglaigh na hÉireann in Éirí Amach na Cásca.