Ficheall

Ficheall
Sampla de	sequential game (en) , spórt intinne agus spórt aonair
Dáta a cruthaíodh	7 haois
Ainmnithe in ómós	shah (en)
Bunús	Gupta Empire (en)
Íoslíon imreoirí	2
Líon uasta na n-imreoirí	2, 3 agus 4
Seánra	cluiche síceolaíoch agus cluiche straitéise teibí
Tuilleadh eolais
BoardGameGeek	171

Is cluiche cláir í an fhicheall, ceaptha do bheirt imreoir, ar a dtugtar Bán agus Dubh, ag rialú arm de phíosaí fichille, leis an gcuspóir an ceann is fearr a fháil (marbhsháinn ) ar rí a chéile comhraic. Uaireanta tugtar ficheall idirnáisiúnta nó ficheall an Iarthair ar an gcluiche chun idirdhealú a dhéanamh idir é agus cluichí gaolmhara ar nós xiangqi (ficheall na Síne) agus shogi (ficheall na Seapáine). Téann stair taifeadta na fichille ar ais ar a laghad go dtí teacht chun cinn cluiche den chineál céanna, chaturanga, san India sa seachtú haois. Tháinig rialacha na fichille mar a thugtar orthu inniu chun cinn san Eoraip ag deireadh an 15ú haois, le caighdeánú agus glacadh uilíoch faoi dheireadh an 19ú haois. Sa lá atá inniu ann, tá ficheall ar cheann de na cluichí is mó tóir ar domhan a imríonn na milliúin daoine ar fud an domhain.

Is cluiche straitéise teibí í an fhicheall nach bhfuil aon fhaisnéis i bhfolach ná aon eilimintí seans ann. go mbaineann aon eolas i bhfolach agus aon ghnéithe de sheansann. Imrítear an cluiche ar chlár fichille le 64 cearnóg eagraithe in eangach 8×8. Ag an tús, rialaíonn gach imreoir sé phíosa déag: rí amháin, banríon amháin, dhá chaiseal, dhá easpag, dhá ridire, agus ocht gceithearnach. Gluaiseann Bán ar dtús, agus Dubh ina dhiaidh. Bíonn an cluiche buaite nuair a chuirtear rí an chéile comhraic i sáinn, .i. é a bhagairt le gabháil dhosheachanta. Tá roinnt bealaí ann freisin ar féidir le cluiche a chríochnú ar comhscór.

Cur síos ar an gcluiche

Tús an chluiche

Staid na bhfichillíní ag tús an chluiche

Imrítear ficheall ar bhord seicear a mbíonn 64 cearnóg (8 x 8) ann. Tá dath bán nó dubh ar na cearnóga, agus an dath céanna ar gach dara cearnóg.

Leagtar an clár anuas idir an dá imreoir ionas go bhfuil cearnóg gheal sa chúinne íochtarach ar dheis acu beirt. Ansin socraítear na píosaí ina n‑áit mar a léirítear sa léaráid ar dheis.

Tosaíonn gach imreoir le sé bhall déag san iomlán. Is ionann ball agus píosa. Déantar na baill a bhaineann le gach imreoir a aithint de réir datha. Tagraítear do na baill le dath níos éadroime mar "bán," agus an t‑imreoir ar leo iad, "An bán". Tugtar "dubh" ar na baill le dath níos dorcha agus an t-imreoir ar leo iad, "An dubh". Tá trí bhrí ag an bhfocal “ball”, ag brath ar an gcomhthéacs. Ba cheart go ndéanfadh an comhthéacs an bhrí atá beartaithe soiléir.

D'fhéadfadh sé go gciallódh sé aon chuid de bhaill na sraithe, lena n-áirítear na ceithearnaigh. Nuair a úsáidtear é ar an mbealach seo, is ionann "ball" agus "fichille", nó go díreach, "fear fichille" nó "fichillín".
Ag imirt, is iondúil go n-úsáidtear an téarma chun ceithearnach a eisiamh, ag tagairt do bhanríon, do chaiseal, d'easpag, do ridire nó do rí amháin. Sa chomhthéacs seo, is féidir na baill a mhiondealú ina dtrí ghrúpa: na príomh-bhaill (banríon agus caiseal), ball beag (easpag agus ridire), agus an rí.
I bhfrásaí ar nós “ball a bhuachan”, “ball a chailleadh” nó “ball a thabhairt suas”, ní bhaineann sé ach le heaspag nó le ridire.

Tugtar ranganna ar na sraitheanna a théann go cothrománach ón taobh clé go dtí an taobh deas den chlár. Uimhrítear iad ó 1 go dtí 8 ón taobh bán amach.

Tugtar treasa ar na sraitheanna a théann suas agus anuas an clár go hingearach. Ainmnítear iad de réir na litreacha a go h.

Ainmnítear gach aon chearnóg de réir litir a treasa agus uimhir a ranga. Mar shampla, ag tús an chluiche, seasann an bhanríon bhán ar chearnóg d1, agus seasann an bhanríon dhubh ar chearnóg d8.

Cuirtear síos ar bheart (bogadh fichillín) de réir an chearnóg óna dtosaítear é agus an chearnóg ar a gcríochnaítear é.

Rialacha na Fichille

Ainm	Litir	Pictiúr
An Ceithearnach	.
An Ridire	D
An t-Easpag	E
An Caiseal	C
An Bhanríon	B
An Rí	R

Sa chéad chomhthéacs, tosaíonn gach ceann den bheirt imreoir leis na sé bhall déag seo a leanas i gcluiche caighdeánach:

Is le himreoir na mball bán an chéad bhogadh i gcónaí. Taispeánann an pictiúr tús an chluiche. Bíonn cearnóg dhubh ar an taobh clé is cóngaraí de na himreoirí i gcónaí. Tosaíonn an bhanríon bhán ar chearnóg bhán agus tosaíonn an bhanríon dhubh ar chearnóg dhubh.

Forordaíonn rialacha na fichille na cineálacha gluaiseachta is féidir le himreoir a dhéanamh le gach cineál fear fichille. Gluaiseann gach cineál ball ar bhealach difriúil. Le linn an chluiche, glacann siad sealaíocht ar a chéile ag bogadh baill.

An Rí

Is é an rí an fear is tábhachtaí. Cailltear an cluiche nuair a chailltear an rí. Bogann an rí cearnóg amháin i dtreo ar bith (go cothrománach, go hingearach nó ar fiar). Níl cead ag an rí dul go dtí cearnóg atá faoi ionsaí ag fear den dath eile. Tá cearnóg faoi ionsaí más féidir le fear bogadh ann ar an gcéad imirt eile. Nuair a bhogtar an rí go cearnóg ina bhfuil sé i sáinn de dhearmad ag imreoir, deirtear go bhfuil an bogadh san mídhleathach. Sa chás sin, tá ar an imreoir an bogadh a thógáil ar ais agus bogadh dleathach a imirt ina áit. Má bhogann an rí go dleathach chun cearnóige ina bhfuil fear eile, tá an fear sin gafa. Ní féidir le rí an rí eile a ghabháil am ar bith, áfach, toisc go mbeadh air bheith ar chearnóg díreach in aice leis an rí eile roimhe sin, áit nach féidir leis bogadh go dleathach, nó chuirfí i sáinn é.

Má tá cearnóg an rí faoi ionsaí, deirtear go bhfuil an rí "sáinnithe". Muna bhfuil an rí in ann an sáinniú a bhriseadh, tá sé "marbhsháinnithe" agus tá an cluiche thart. Briseadh an sáinniú tar éis:-

an rí a bhogadh go dtí cearnóg nach bhfuil faoi ionsaí
fir a chur idir an rí agus an fear atá á ionsaí
an fhir atá á ionsaí a ghabháil

An Bhanríon

Bogann an bhanríon i líne dhíreach chomh fada agus is mian léi. Is féidir léi dul i ngach treo (go cothrománach, go hingearach nó fiarthrasna). Ní féidir léi léim thar fhear eile.

An Caiseal

Bogann an caiseal i líne dhíreach chomh fada agus is mian leis. Is féidir leis dul go cothrománach nó go hingireach. Ní féidir leis léim thar fhear eile.

An tEaspag

Is ar fiar a théann an t-easpag. Ní féidir leis léim thar fhear eile.

An Ridire

Sé an ridire an t-aon fhear atá in ann léim thar fir eile. Téann an ridire go díreach ón gcearnóg ina bhfuil sé go dtí cearnóg dhá chearnóg i dtreo cothrómánach agus cearnóg amháin i dtreo ingireach, nó go dtí cearnóg dhá chearnóg i dtreo ingireach agus cearnóg amháin i dtreo cothrománach.

An Ceithearnach

Ní féidir leis an gceithearnach bogadh ach go dtí na cearnóga atá díreach chun tosaigh uaidh, mura bhfuil gabháil á déanamh aige, agus sa chás sin, bogann sé cearnóg amháin ar fiar chun tosaigh go cearnóg an fhir eile atá gafa aige dá réir. Ar an gcéad bhogadh a dhéanann sé, más bogadh díreach chun tosaigh é, is féidir leis dul cearnóg amháin nó dhá chearnóg sa treo sin, ceachtar acu de réir a bhfuil ar intinn an imreora, ach an chuid eile den am, ní féidir leis bogadh ach cearnóg amháin. Ní féidir le ceithearnach dul go cearnóg dhíreach chun tosaigh ina bhfuil aon fhear eile am ar bith agus ní féidir leis léim thar fhear eile am ar bith. Agus an taobh eile den chlár bainte amach ag ceithearnach, is féidir banríon, caiseal, ridire nó easpag a dhéanamh de.

Gabháil na bhfear

Má bhogann an rí, an bhanríon, an caiseal, an ridire nó an t-easpag go dtí cearnóg ina bhfuil fear an imeartha chéile, gabhtar an fear sin. Bogann an ceithearnach go hingearach ach is ar fiar a ghabhann sé.

Caisliú

Beart ar leith chun an rí a chosaint is ea an beart ar a dtugtar an caisliú. 'Sé an t-aon bheart amháin ina bhfuil imreoir in ann dhá fhear a bhogadh ag an am céanna. Má tá an rí fós ar a phointe imeachta is féidir leis caisliú le chaiseal atá fós ar a phointe imeachta freisin. Bogann an rí dhá chearnóg i dtreo an chaisil agus léimeann an caiseal thar an rí go dtí an chearnóg in aice leis. Tá roinnt rialacha ag baint leis. Ní féidir caisliú:

má bhog an rí roimhe sin
ma bhog an chaiseal (atá ag iarraidh caisliú) roimhe sin
má tá an rí "sáinnithe"
má tá fear idir an rí agus an chearnóg
má tá an rí ag dul thar cearnóg atá faoi ionsaí
má tá an rí ag dul go dtí cearnóg atá faoi ionsaí

"En passant" (dul thart)

Tar éis ceithearnaigh a bhogadh dhá chearnóg, má tá ceithearnach an chéile imeartha ar chearnóg in aice leis, is féidir le ceithearnach an chéile imeartha an ceithearnach a ghabháil ar an gcéad imirt eile. Téann an gabhálaí ar fiar chun colúin an cheithearnaigh eile agus tógtar an ceithearnach eile den mbórd.

Leamhsháinniú

Más le himreoir an imirt, muna bhfuil rí sáinnithe aige agus muna bhfuil bogadh dlíthiúil aige, deirtear go bhfuil sé "leamhsáinnithe", agus críochnaíonn an cluiche gan bhuaiteoir.

Comhscór

Bíonn an bua ag imreoir tar éis a chéile imeartha a mharbhsháinniú ach is minic a éiríonn imreoir as an gcluiche nuair a cheapann sé nach bhfuil seans aige.

Is féidir cluiche a chríochnú mar chomhscór

má shocraíonn na himreoirí air. Níl cead ag imreoir comhscór a thairiscint ach díreach tar éis fear a bhogadh
i gcás léamhsháinnithe (féach suas)
muna bhfuil na fir atá fágtha ar an mbórd in ann marbhsháinniú a dhéanamh in aon chor. Mar shampla - rí v rí, rí agus easpag v rí, rí agus ridire v rí, rí agus easpag v rí agus easpag (má tá na heaspaig ar chearnóga den dath céanna)
má tharlaíonn an staid chéanna ar an mbórd trí huaire, is féidir le himreoir comhscór a éileamh
is féidir le himreoir comhscór a éileamh tar éis 50 bogadh bheith déanta i ndiaidh a chéile (idir bhán agus dhubh) gan aon bhogadh ceithearnaigh san áireamh agus gan aon fhear bheith gafa

Samplaí

Marbhsháinniú

Tá an rí dubh ar chearnóg h5 faoi ionsaí ag an mbanríon ar g5 agus ní féidir leis éalú. Ní féidir leis an rí an bhanríon a ghabháil mar tá cearnóg na banríona faoi chosaint ag an rí bán ar f5.

Sáinniú

Is le himreoir na bhfear bán an imirt. Tá an rí bán sáinnithe ag an easpag dubh ar chearnóg c4. Tá trí rogha ag an imreoir:-

an rí a bhogadh go dtí cearnóg nach bhfuil faoi ionsaí ag fear dubh. Sa léaráid seo, is féidir leis an rí dul go dtí a1 nó b1. Ní féidir leis dul go dtí a3 mar tá an chearnóg sin faoi ionsaí ag an rí dubh agus ní féidir leis dul go dtí b3 mar tá b3 faoi ionsaí ag an rí dubh agus ag an easpag dubh.
fear a chur idir an rí agus an easpag. Sa léaráid seo, d'fhéadfadh an ceithearnach ar b2 bogadh go dtí b3.
an fear atá ag sáinniú an rí a ghabháil. Anseo, is féidir leis an ridire bán ar e3 an t-easpag ar c4 a ghabháil.

Leamhsháinniú

Is le himreoir na bhfear dubh an imirt ach níl a fhir ábalta bogadh.

ní féidir leis an rí dul go dtí g7 mar tá g7 faoi ionsaí ag an gceithearnach ar h6
má bhogann an ridire bheadh an rí faoi ionsaí ag an gcaiseal ar a8. De réir sin, níl cead bogtha ag an ridire.
ní féidir leis na ceithearnaigh bogadh ach oiread mar tá fear bán díreach os a gcomhair

Imreoirí Cáiliúla

Curaidh Domhanda neamhoifigiúla (réamh-1886)^[1]

Francois-Andre Philidor, 1747-1795, An Fhrainc
Louis De La Bourdonnais, 1820-1840, An Fhrainc
Howard Staunton, 1843-1851, Sasana
Adolf Anderssen, 1851-1858, 1862-1866, An Ghearmáin
Paul Morphy, 1858-1862, Na Stáit Aontaithe
Wilhelm Steinitz, 1866-1878, An Ostair
Johannes Zukertort, 1879-1886, An Pholainn

An Chraobh Dhomhanda

Na Curaidh Domhanda (gan agó)

Wilhelm Steinitz, 1886–1894, An Ostair, Na Stáit Aontaithe
Emanuel Lasker, 1894–1921, An Ghearmáin
José Raúl Capablanca, 1921–1927, Cúba
Alexander Alekhine, 1927–1935, An Rúis/An Fhrainc
Max Euwe, 1935-1937, An Ísiltír
Alexander Alekhine, 1937–1946, An Fhrainc
Mikhail Botvinnik, 1948–1957, APSS
Vasily Smyslov, 1957–1958, APSS
Mikhail Botvinnik, 1958–1960, APSS
Mikhail Tal, 1960–1961, APSS
Mikhail Botvinnik, 1961–1963, APSS
Tigran Petrosian, 1963–1969, APSS
Boris Spassky, 1969–1972, APSS
Robert James Fischer, 1972–1975, Na Stáit Aontaithe
Anatoly Karpov, 1975–1985, APSS
Garry Kasparov, 1985–1993, APSS/An Rúis

D'fhág Kasparov FIDE sa bhliain 1993 agus chuir sé eagrú fichille nua ar bun, an PCA. Bhí dhá chraobh dhomhanda ó 1993 go dtí gur bhuaigh Kramnik (an curadh clasaiceach) ar Topalov (an curadh FIDE) i gcluiche in Elista,An Rúis, sa bhliain 2006.

Vladimir Kramnik, 2006–2007 An Rúis
Viswanathan Anand, 2007–2013 An India
Magnus Carlsen, 2013-2023 An Iorua
Ding Liren, 2023-2024 An t-Sín
Gukesh Dommaraju, 2024- An India

Na Curaidh Domhanda Clasaiceacha

Garry Kasparov, 1993–2000, An Rúis
Vladimir Kramnik, 2000–2007 An Rúis

Na Curaidh Domhanda FIDE

Anatoly Karpov, 1993–1999, An Rúis
Alexander Khalifman, 1999–2000, An Rúis
Viswanathan Anand, 2000–2002, An India
Ruslan Ponomariov, 2002–2004, An Úcráin
Rustam Kasimdzhanov, 2004–2005, An Úisbéiceastáin
Veselin Topalov, 2005–2006, An Bhulgáir

Imreoirí Cáiliúila Eile

Is í Judit Polgar an imreoir mná is láidre riamh

Ficheall comhfhreagrais

Is malairt fichille é ina gcónaíonn na himreoirí i bhfad ar shiúl agus a dtarchuireann siad a gouid gluaiseachtaí trí r-phost (trí litir roimhe seo). Tomhaistear am freagartha ina laethanta agus féadfaidh sé míonna nó blianta a ghlacadh le cluiche a chríochnú.

Tá Cónaidhm Fichille Comhfhreagrais Idirnáisiúnta (ICCF) ^[2] a bunaíodh i 1951, i gceannas ar a cluichí Oilimpeacha agus a Craobhchomórtais Dhomhanda a eagrú sa mhódúlacht seo.

In 2022, tháinig Jon Edwards (SAM) mar an 32ú curadh domhanda ^[3]. In 2023 bhuaigh foireann na Gearmáine an bonn óir ag an 21ú Oilimpiad ^[4] agus bhuaigh Irina Perevertkina (An Rúis) an 12ú craobh domhanda na mban ^[5].

Is é an ICCA ^[6] (Irish Correspondence Chess Association / Cumann Fichille Comhfhreagrais na nÉireann) an té a eagraíann na craobhchomórtais in Éirinn. Tá sé cleamhnaithe le ICCF ó 1973 i leith.

Craobh Fichille Comhfhreagrais an Domhain

#	Blianta	Curadh	Dara háit
I	1950 - 1953	Cecil Purdy	Harald Malmgren	^[7]
II	1956 - 1959	Viacheslav Ragozin	Lucius Endzelins	^[8]
III	1959 - 1962	Alberic O'Kelly	Piotr Dubinin	^[9]
IV	1962 - 1965	Vladimir Zagorovsky	Georgy Borisenko	^[10]
V	1965 - 1968	Hans Berliner	Jaroslav Hybl	^[11]
VI	1968 - 1971	Horst Rittner	Vladimir Zagorovsky	^[12]
VII	1972 - 1976	Yakov Estrin	Jozef Boey	^[13]
VIII	1975 - 1980	Jørn Sloth	Vladimir Zagorovsky	^[14]
IX	1977 - 1983	Tõnu Õim	Fritz Baumbach	^[15]
X	1978 - 1984	Victor Palciauskas	Juan Morgado	^[16]
XI	1983 - 1989	Fritz Baumbach	Gennadi Nesis	^[17]
XII	1984 - 1991	Grigory Sanakoev	Josef Franzen	^[18]
XIII	1989 - 1998	Mikhail Umansky	Erik Bang	^[19]
XIV	1994 - 2000	Tõnu Õim	Ove Ekebjaerg	^[20]
XV	1996 - 2002	Gert Timmerman	Joop van Oosterom	^[21]
XVI	1999 - 2004	Tunç Hamarat	Rudolf Maliangkay	^[22]
XVII	2002 - 2007	Ivar Bern	Wolfgang Rohde	^[23]
XVIII	2003 - 2005	Joop van Oosterom	Hans Elwert	^[24]
XIX	2004 - 2007	Christophe Léotard	Frank Gerhardt	^[25]
XX	2004 - 2011	Pertti Lehikoinen	Stefan Winge	^[26]
XXI	2005 - 2008	Joop van Oosterom	Alexander Ugge	^[27]
XXII	2007 - 2010	Alexander Dronov	Jürgen Bücker	^[28]
XXIII	2007 - 2010	Ulrich Stephan	Thomas Winckelmann	^[29]
XXIV	2009 - 2011	Marjan Šemri	Hans Wunderlich	^[30]
XXV	2009 - 2015	Fabio Finocchiaro	Richard Hall	^[31]
XXVI	2010 - 2014	Ron Langeveld	Florin Serban	^[32]
XXVII	2011 - 2014	Alexander Dronov	Matthias Kribben	^[33]
XXVIII	2013 - 2016	Leonardo Ljubičić	Horacio Neto	^[34]
XXIX	2015 - 2018	Alexander Dronov	Jacek Oskulski	^[35]
XXX	2017 - 2019	Andrey Kochemasov	Enver Efendiyev	^[36]
XXXI	2019 -2022	Fabian Stanach Christian Muck Ron Langeveld		^[37]
XXXII	2020 - 2022	Jon Edwards	Sergey Ossipov Horacio Neto Michel Lecroq	^[38]

Craobh Fichille Comhfhreagrais Dhomhanda na mBan

#	Blianta	Curadh	Dara háit
I	1968 - 1972	Olga Rubtsova	Gertrude Schoisswohl	^[39]
II	1972 - 1977	Lora Jakovleva	Olga Rubtsova	^[40]
III	1978 - 1984	Luba Kristol	Merike Rotova	^[41]
IV	1984 - 1992	Liudmila Belavenets	Nina Orlova	^[42]
V	1993 - 1998	Luba Kristol	Ingrida Priedite	^[43]
VI	2000 - 2005	Alessandra Riegler	Maja Zelčić	^[44]
VII	2002 - 2006	Olga Sukhareva	Mary Jones	^[45]
VIII	2007 - 2010	Olga Sukhareva	Marie Bažantová	^[46]
IX	2011 - 2014	Irina Perevertkina	Maria Licitcina	^[47]
X	2014 - 2017	Irina Perevertkina	Tatiana Moyeenko	^[48]
XI	2017 - 2020	Irina Perevertkina	Vilma Dambrauskaite Tatiana Moyeenko	^[49]
XII	2020 - 2023	Irina Perevertkina	Tetiana Yurchuk Victoria Schweer Luz Tinjacá Ramirez Dawn Williamson	^[50]

Oilimpiad Ficheall Comhfhreagrais na mBan

#	Blianta	Bonn óir	Bonn airgid	Bonn cré-umha
I	1974 - 1979	Aontas Sóivéadach 22	An Ghearmáin Thiar 19	An tSeicslóvaic 15.5	^[51]
II	1980 - 1986	Aontas Sóivéadach 26	An tSeicslóvaic 26	An Iúgslaiv 20	^[52]
III	1986 - 1992	Aontas Sóivéadach 23	An tSeicslóvaic 21	An Ungáir 14.5	^[53]
IV	1992 - 1997	Poblacht na Seice 24	Rúis 21	An Pholainn 18.5	^[54]
V	1997 - 2003	Rúis 25	Ghearmáin 22	Poblacht na Seice 18	^[55]
VI	2003 - 2006	Liotuáin 26.5	Ghearmáin 23.5	Iodáil 23	^[56]
VII	2007 - 2009	An tSlóivéin 25	Liotuáin 23.5	Ghearmáin 23	^[57]
VIII	2008 - 2010	An Pholainn 27	An Bhulgáir 27	Iodáil 26	^[58]
IX	2011 - 2014	Rúis 34	Liotuáin 32.5	Ghearmáin 30	^[59]
X	2015 - 2018	Ghearmáin 33	Liotuáin 30	Rúis 28	^[60]

Naisc sheachtracha

[1] ttps://www.chessgames.com/wcc.html

[2] ICCF

[3] 32ú curadh domhanda

[4] 21ú Oilimpiad

[5] 12ú craobh domhanda na mban

[6] Stair an ICCA

[7] 1ú curadh domhanda

[8] 2ú curadh domhanda

[9] 3ú curadh domhanda

[10] 4ú curadh domhanda

[11] 5ú curadh domhanda

[12] 6ú curadh domhanda

[13] 7ú curadh domhanda

[14] 8ú curadh domhanda

[15] 9ú curadh domhanda

[16] 10ú curadh domhanda

[17] 11ú curadh domhanda

[18] 12ú curadh domhanda

[19] 13ú curadh domhanda

[20] 14ú curadh domhanda

[21] 15ú curadh domhanda

[22] 16ú curadh domhanda

[23] 17ú curadh domhanda

[24] 18ú curadh domhanda

[25] 19ú curadh domhanda

[26] 20ú curadh domhanda

[27] 21ú curadh domhanda

[28] 22ú curadh domhanda

[29] 23ú curadh domhanda

[30] 24ú curadh domhanda

[31] 25ú curadh domhanda

[32] 26ú curadh domhanda

[33] 27ú curadh domhanda

[34] 28ú curadh domhanda

[35] 29ú curadh domhanda

[36] 30ú curadh domhanda

[37] 31ú curadh domhanda

[38] 32ú curadh domhanda

[39] 1ú curadh domhanda nBan

[40] 2ú curadh domhanda nBan

[41] 3ú curadh domhanda nBan

[42] 4ú curadh domhanda nBan

[43] 5ú curadh domhanda nBan

[44] 6ú curadh domhanda nBan

[45] 7ú curadh domhanda nBan

[46] 8ú curadh domhanda nBan

[47] 9ú curadh domhanda nBan

[48] 10ú curadh domhanda nBan

[49] 11ú curadh domhanda nBan

[50] 12ú curadh domhanda nBan

[51] 1ú Oilimpiad nBan

[52] 2ú Oilimpiad nBan

[53] 3ú Oilimpiad nBan

[54] 4ú Oilimpiad nBan

[55] 5ú Oilimpiad nBan

[56] 6ú Oilimpiad nBan

[57] 7ú Oilimpiad nBan

[58] 8ú Oilimpiad nBan

[59] 9ú Oilimpiad nBan

[60] 10ú Oilimpiad nBan

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

[22]

[23]

[24]

[25]

[26]

[27]

[28]

[29]

[30]

[31]

[32]

[33]

[34]

[35]

[36]

[37]

[38]

[39]

[40]

[41]

[42]

[43]

[44]

[45]

[46]

[47]

[48]

[49]

[50]

[51]

[52]

[53]

[54]

[55]

[56]

[57]

[58]

[59]

[60]

Cur síos ar an gcluiche

Rialacha na Fichille

An Rí

An Bhanríon

An Caiseal

An tEaspag

An Ridire

An Ceithearnach

Gabháil na bhfear

Caisliú

"En passant" (dul thart)

Leamhsháinniú

Comhscór

Samplaí

Imreoirí Cáiliúla

Curaidh Domhanda neamhoifigiúla (réamh-1886)[1]

An Chraobh Dhomhanda

Imreoirí Cáiliúila Eile

Ficheall comhfhreagrais

Craobh Fichille Comhfhreagrais an Domhain

Craobh Fichille Comhfhreagrais Dhomhanda na mBan

Oilimpiad Ficheall Comhfhreagrais na mBan

Naisc sheachtracha

Curaidh Domhanda neamhoifigiúla (réamh-1886)^[1]