Tim Kaine
Polaiteoir agus aturnae Meiriceánach is ea Timothy Michael "Tim" Kaine a rugadh ar 26 Feabhra 1958. Is é an seanadóir sóisearach do Virginia é faoi láthair. Toghadh é don Seanad sa bhliain 2012 mar bhall den Pháirtí Daonlathach, agus glactar leis go mbeidh sé ainmnithe ag an bPáirtí Daonlathach mar leasuachtarán i dtoghchán uachtaránachta 2016.
Rugadh Tim Kaine in Saint Paul, Minnesota, bhain sé céim dlí amach in Scoil Dlí Harvard sular chuaigh sé le dlíodóireacht phríobháideach agus leis an dlí a theagasc sa scoil dlí in Ollscoil Richmond. Toghadh Kaine do phost poiblí den chéad uair sa bhliain 1994, agus suíochán bainte amach aige ar chomhairle baile Richmond, Virginia. Toghadh é mar mhéara Richmond sa bhliain 1998, agus d'fhan sé sa phost sin gur toghadh é mar leasghobharnóir Virginia i 2002.
Toghadh Kaine mar Ghobharnóir ar Virginia sa bhliain 2005, agus bhí an post sin aige ó 2006 go 2010. D'fhreastail sé mar chathaoirleach an Democratic National Committee sna blianta 2009–2011.
Ar 22 Iúil 2016, d'fhógair Hillary Clinton gurb é Kaine a rogha mar iarrthóir don leasuachtaránacht i dtoghchán uachtaránachta na bliana 2016.[1]
Tagairtí[cuir in eagar | athraigh foinse]
Naisc sheachtracha[cuir in eagar | athraigh foinse]
 | Is síol é an t-alt seo. Cuir leis, chun cuidiú leis an Vicipéid. Má tá alt níos forbartha le fáil i dteanga eile, is féidir leat aistriúchán Gaeilge a dhéanamh. |