Is stát de chuid na Stát Aontaithe é Tennessee, agus é suite in oirdheisceart na tíre. Tugtar "An Stát Deonach" (The Volunteer State) ar Tennessee, in aitheantas do na hóglaigh líonmhara ón stát seo a ghlac páirt i gcogadh na bliana 1812. Is í Nashville príomhchathair an stáit seo, ach is í Memphis an chathair is mó.
Tá teorainneacha ag Tennessee le hocht stát eile; Kentucky, Virginia, Carolina Thuaidh, Georgia, Alabama, Mississippi, Arkansas agus Missouri. Tá aeráid fhliuch fho-theochriosach sa chuid is mó den stát, diomaite de na garbhchríocha sléibhtiúla, a bhfuil aeráid fhliuch ilchríochach iontu. Go ginearálta, bíonn an samhradh te bruite, agus an geimhreadh lán fearthainne. Ní bhíonn na hairicíní le mothú ach go fánach i dTennessee, ós rud é nach bhfuil an cósta chomh cóngarach sin don stát, ach ní hionann sin is a rá nach mbíonn an toirneach dona go leor go minic. Maraítear níos mó daoine chuile bhliain de bharr tornádónna i dTennessee ná in aon stát eile sna Stáit Aontaithe.
Is síol faoi thíreolaíocht Mheiriceá é an t-alt seo. Cuir leis, chun cuidiú leis an Vicipéid. Má tá alt níos forbartha le fáil i dteanga eile, is féidir leat aistriúchán Gaeilge a dhéanamh.