Is stát é Colorado atá suite i lár S.A.M. Is í Denver an phríomhchathair agus an chathair is mó. Tá cuid mhaith de na Sléibhte Carraigeacha suite in iarthar Cholorado. Is machairí móra atá san oirthear. Ainmníodh Colorado as an Abhainn Colorado. Thug na Spáinnigh "el Río Colorado" ("an abhainn dearg") ar an abhainn mar gheall ar an dath atá uirthi. An méid gláir san abhainn is cúis leis an dath.
Slaobhraon Tenmile in aice Leadville, Colorado
Tá geilleagar forbartha ilghnéitheach sa stát. Tá baint acmhainní nádúrtha (mianraí, ola) agus an t-agraithionscal tábhachtach, mar i gcéanna le seirbhísí agus áiseanna éagsúla de chuid an rialtas Fheidearálaigh. Orthu seo tá NORAD (ceannasaíocht mhíleata) agus Acadamh Aerfhórsa na Stát Aontaithe, i gColorado Springs, NOAA (an ghníomhaireacht mheitéareolaíochta) agus an U.S. Geological Survey, i mBoulder, agus Mionta Denver.
