CLG An Fheothanach/Caisleán Uí Mhathúna

Ón Vicipéid, an chiclipéid shaor.
Jump to navigation Jump to search
An Fheothanach/Caisleán Uí Mhathúna
Feohanagh-CastlemahonGAA.jpg
Béarla: Feohanagh/Castlemahon
Bunaithe: 1945
Contae: Luimneach
Roinn: Thiar
Peil: Idirmheánach
Iomáint: Sóisear A
Dathanna: Bán is gorm
Páirc: Páirc Mhic Uaid, Cúil an Rua, Caisleán Uí Mhathúna, Contae Luimnigh
Geansaí Geansaí Geansaí
Brístí gearra
Stocaí
Dathanna
Mahoonagh parish.gif
Feohanagh-Castlemahon club.gif

Is club Cumann Lúthchleas Gael i gContae Luimnigh é An Fheothanach/Caisleán Uí Mhathúna.

Suíomh[cuir in eagar | athraigh foinse]

Tá an club bunaithe i bparóiste Máigh Thamhnach ar bhruach na Daoile idir An Caisleán Nua Thiar agus Drom Chollachair in Iarthar Chontae Luimnigh, 50km siar ó dheas ó Chathair Luimnigh. Tagann formhór dá imreoirí as baile Caisleán Uí Mhathúna, as sráidbhaile An Fheothanach agus as na ceantracha tuaithe máguaird ar nós Cúil an Rua, Baile Uí Ghoillín, Áth an Mhoilc agus Fán Liatháin.

Cluichí[cuir in eagar | athraigh foinse]

Cé go nimrítear iomáint faoin ainm An Fheothanach agus peil faoin ainm Caisleán Uí Mathúna, is club amháin atá ann. Bhí traidisiún na peile níos láidre sa pharóiste suas go dti blianta na 1950í ach tá an béim tar éis iompú i dtreo na hiomána ón am sin.

Stair[cuir in eagar | athraigh foinse]

Bhí an pheil á imirt sa cheanntar nuair a bhunaíodh CLG sa bhliain 1884 agus ba iad Raonaithe na Daoile an chéad chlub nuair a chuireadh tús leis i bparóiste Máigh Thamhnach sa bhliain 1890. Tá tuairisc ann faoi chluiche a bhuadar ar Naomh Íde Áth na bhFuinseog i gcomótas Chill Íde sa bhliain 1994 agus chaill Raonaithe na Daoile cluiche ceannais Craobh Peile Sinsear Chontae Luimnigh sa bhliain dár gcionn i gcoinne Na Trádálaithe, ceann des na clubanna peile ba láidre in Éirinn ag an am.

Bhris Na Raonaithe ina dhá chuid sa bhliain sa bhliain 1903 nuair a thug na himreoiri ó thaobh thuaidh Abhann na Daoile an tainm Caisleán Uí Mhathúna orthu féin agus thosnaigh iad siúd ar an mbruach theas ag imirt faoin ainm An Fheothanach. Níor bhuaigh ceachtar díobh corn ar bith suas go dti an bhliain 1928 nuair a sháraigh Caisleán Uí Mhathúna ar Chnoc Uí Choileáin chun Craobh Peile Sóisear an Iarthair a ghabháil. Leanadar ar aghaidh sa bhliain dár gcion nuair a bhuadar ar Choill Bheithine i gcluiche ceannais Craobh Peile Sóisear Chontae Luimnigh na bliaina 1930.

Ba iad An Fheothanach an club peile ba láidre sa pharóiste o bhlianta na 1930í suas go dti an bhliain nuair a tháinig an dá chlub le chéile. Cé gur choimeádar na hainmneacha ar leith, bheartaíodar go mbeadh aon taon choiste amháin ag an gclub nua.

Tar éis an aontais, d’aistrigh an béim i dtreo na hiomána agus bhuaigh An Fheothanach ar Chill Mocheallóg i gcluiche ceannais Craobh Iomána Sóisear an Chontae sa bhliain 1954 agus bhí beirt imreoir ón glub ar fhoireann Luimnigh a bhuaigh Craobh Iomána Sinsear na Mumhan sa bhliain dár gcionn. Bhí foireann sinsear iomána láidir acu idir na blianta 1955 agus 1965 agus arís le linn blianta na 1980í ach, toisc go raibh cumhachtaí nua ar nós Tobar Phádraig, Cill Mocheallóg agus Saor Theas ag teacht chun chinn ag an am céanna, níor éirigh leis An bhFeothanach Craobh Iomána Sinsear Contae Luimnigh a ghabháil riamh. Tháinig meath ar an iomáint le linn blianta deiridh na 1990í nuair a thiteadar síos go dti an grád idirmheánach sa bhliain 1995 agus go dti an grád sóisear A sa bhliain 2007.

Ní raibh mórán le rá faoi peileadóirí Chaisleán Uí Mhathúna idir aontú an chluib agus an bhliain 1979 nuair a bhuadar ar Bhaile Stiabhana chun Craobh Peile Sóisear an Iarthair a ghabháil. Nuair a tháinig na grádanna teoranta i bhfeidhm sa chontae sa bhliain 1988, ba chlub peile sóisear A fós é Caisleán Uí Mhathúna. Bhuadar Croabh Peile Sóisear A Chontae Luimnigh do dara uair sa bhliain 1993 ach níor fhahnadar ag imirt peile idirmheánach ach ar feadh cúpla bliain sular thiteadar ar ais go dti an grad sóisear A.

Páirc Imirthe[cuir in eagar | athraigh foinse]

Osclaíodh páirc imirthe an chluib, Páirc Mhic Uaid, i gCúl Ui Rua, leath-bhealach idir An bhFeothanach agus Caisleán Uí Mhathúna sa bhliain 1982. Ta sí ainmnithe i gcuimhne iar-imreoir an chluib, An Garda Séamus Mac Uaid, a mharaíodh ar dualgas dhá bhliain roimhe sin. Tá ionad mór liathróid láimhe ar an suíomh freisin.

Imreoirí Cáiliúile[cuir in eagar | athraigh foinse]

I measc na niománaithe cáiliúile An Fheothanach, tá Séamus Mac Uaid (Séamus Quaid, ball foireann Loch Garman a bhuaigh an Craobh Iomána Sinsearach na hÉireann sa bhliain 1960), Tomás Mac Uaid (Tommy Quaid) agus Seán Ó Flanagáin (John Flanagan) a bhí ar fhoireann Luimnigh i gcluiche ceannais Craobh Iomána Sinsearach na hÉireann sa bhliain 1980 agus Seosamh Mac Uaid (Joe Quiad) a bhí ar fhóirne na mblianta 1994 agus 1996 agus ar a bhronnadh an gradam Sárimreoir na Bliana sna blianta céanna.

Naisc sheachtracha[cuir in eagar | athraigh foinse]

Tagairtí[cuir in eagar | athraigh foinse]

  • “One Hundred Years of Glory: A History of Limerick GAA”, Ó Ceallaigh, Séamus & Murphy, Seán, 1984, (Béarla).