Laois (Dáilcheantar)

Laois
Suíomh
Stát ceannasach	Éire
Cúige Éireannach	Cúige Laighean
Contae in Éirinn	Contae Laoise
Sonraí stairiúla
Cruthú	2016

Is Dáilcheantar 3 suíochán é Laois, ó 2024 ar leith, agus mar a bhí go dtí 2016 (bhí an Dáilcheantar Laois-Uíbh Fhailí ann in 2020).

Stair

Sheas Charles Flanagan (FG) siar in 2024 agus tháinig deireadh le ré na mhuintir Flanagan i bpolaitíocht Laoise, ré a théann siar go dtí aimsir Oliver J. Flanagan, a toghadh mar iarrthóir neamhspleách sa bhliain 1943 agus polasaí frith-Ghiúdach aige. Mhol sé ina chéad óráid Dála an ghéarleanúint ar Ghiúdaigh a bhí ar bun ag an nGearmáin ag an am. Cúpla bliain ina dhiaidh sin chuaigh sé le Fine Gael agus choinnigh sé a shuíochán Dála go dtí gur éirigh sé as de bharr drochshláinte i 1987.

Toghadh a mhac Charles ina áit. Bhí Charlie Flanagan (FG) sách conspóideach. Ba é a tháinig aníos leis an smaoineamh cúig bliana ó shin go mba cheart comóradh a dhéanamh ar an RIC.^[1]

Toghcháin

Olltoghchán 2016

Toghadh Seán Fleming (Fianna Fáil), Charles Flanagan (Fine Gael), agus Brian Stanley (Sinn Féin). Níor éirigh le John Whelan (Páirtí an Lucht Oibre). Bhí Fleming ar bharr an chomhairimh i Laois in olltoghchán 2016.

Olltoghchán 2020 (5 suíochán)

Toghadh Seán Fleming (Fianna Fáil), Charles Flanagan (Fine Gael), agus Brian Stanley (Sinn Féin) i Laois agus Barry Cowen agus Carol Nolan i Uíbh Fhailí .

Olltoghchán 2024

D'éirigh contae Laoise mar dháilcheantar as féin arís in 2024, mar a bhí in 2016. 11 iarrthóir a bhí ag seasamh agus trí shuíochán le líonadh.^[1]

Toghadh Brian Stanley den chéad uair in 2011 (Sinn Féin ag an am) agus toghadh arís é in 2016 agus in 2020. D’éirigh sé as Sinn Féin in 2024 de bharr fiosrúcháin a bhí ar bun ag Sinn Féin, faoina chuid iompair féin. Mar iarrthóir neamhspleách, gan geansaí Shinn Féin air, a bhí sé in Olltoghchán 2024.^[1]

Bhí an comhairleoir Wille Aird (FG) ar bharr an chomhairimh sna toghcháin áitiúla i gceantar Phort Laoise in 2024.

Sa deireadh thiar thall, atoghadh in 2024 Seán Fleming (Fianna Fáil) agus Brian Stanley (iarShinn Féin) agus toghadh William Aird (FG).

Féach freisin

Uíbh Fhailí (Dáilcheantar)

Polaiteoirí i Laois

Tagairtí

↑ ^1.0 ^1.1 ^1.2 Donncha Ó hÉallaithe (18 Samhain 2024). "Stanley faoi bhrú i Laois, muintir Cowen imithe in Uíbh Fhailí agus Boxer ar ais san Iarmhí" (ga-IE). Tuairisc.ie. Dáta rochtana: 2024-11-18.

[:0-1] 1.0 ^1.1 ^1.2 Donncha Ó hÉallaithe (18 Samhain 2024). "Stanley faoi bhrú i Laois, muintir Cowen imithe in Uíbh Fhailí agus Boxer ar ais san Iarmhí" (ga-IE). Tuairisc.ie. Dáta rochtana: 2024-11-18.

[1]