Dorn san Aer

Dorn san Aer

55° 03′ 03″ N, 8° 14′ 08″ O
Cineál	féile cheoil
Bailíocht	2024 -
Suíomh	Gaoth Dobhair, Éire , an Ghaeltacht, Éire
Tír	Éire
Teanga an tsaothair nó an ainm	an Ghaeilge
Seánra	rac-cheol, ceol hip hap, reigé, ceol na hÉireann, func, snagcheol agus popcheol
Suíomh gréasáin	dornsanaer.ie

Rosc gnímh le Rónán Mac Aodha Bhuí ab ea "dorn san aer" chun misneach a mhúscailt sna Gaeil

Féile cheoil é Dorn san Aer i nGaoth Dobhair. Cuirtear ar siúl é thar trí lá i Mí Mheán Fómhair, le ceiliúradh a dhéanamh ar shaol agus ar oidhreacht Rónáin Mhic Aodha Bhuí. Tá ainm na Féile bunaithe ar mhana spreagúil Mhic Aodha Bhuí. Beidh sé ar siúl don dara bhliain as a chéile idir 26-28 Meán Fómhair 2025.

Cuireann Dorn san Aer ardán agus fáilte roimh mheascán craiceáilte de ghrúpaí agus d’imeachtaí i rith an deireadh seachtaine: rac, hip-hop, traid-leictreach, ceol Gaelach, ska, reggae, miotal, chomh maith le cainteanna spreagúla, imeachtaí teaghlaigh, comórtas ‘Cath na mBannaí’, Racadamh agus go leor eile.

Tar éis gur cuireadh an fhéile ar siúl den chéad uair go rathúil, bhí Áine Ní Bhreisleáin ag dréim nach mbeadh ann sin ach tús. I Mí Lúnasa 2025 fógraíodh go raibh an dara bhliain de Dhorn san Aer ar na bacáin. Beidh ar a laghad 20 banna ceoil ag glacadh páirt i mbliana, ina measc an banna miotail as Albain Gun Ghaol, Bréag, Grooveline, Huartan, Macdara Ó Faoláin, Ceann Gólaim, Dysania, Ramper, Piaras Ó Lorcáin agus An Crann Óg.

Oscailt oifigiúil

Is í an gníomhaí cearta sibhialta Bernadette McAliskey a d'oscail an fhéile go hoifigiúil in Amharclann Ghaoth Dobhair den chéad uair riamh sa bhliain 2024, á rá gur sheas Rónán Mac Aodha Bhuí "leis an duine a raibh leatrom déanta orthu agus rinne sé obair deich nduine leis an teanga a chothú agus a neartú".

Is í Ambasadóir na Palaistíne go hÉirinn, an Dr. Jilan Wahba Abdalmajid a osclós an fhéile i mbliana, rud a dhéanfaidh sí in Araibis le hateangaireacht chomhuaineach go Gaeilge.

Ceol

Bhí Amharclann Ghaoth Dobhair ina príomhionad amháin de chuid na féile

Bíonn imeachtaí ar siúl i dtrí ionad: Amharclann Ghaoth Dobhair i lár na paróiste, Teach Hiúdaí Beag "croílár spioradálta an Chabaret Craiceáilte", agus Ionad Cois Locha atá faoi bhun na hEaragaile. San ionad mór sin bíonn ceol á chasadh ar cheithre stáitse: An Príomhstáitse, Stáitse Chúl an Tí, Stáitse Chath na mBannaí, agus Stáitse Ghéill Slí.

Bannaí 2024

I measc na daoine a bhí ag ceol ag an bhféile tá:

• Bréag
• Huartan
• IMLÉ
• John Spillane
• GrooveLine
• Boss Sound Manifesto
• Cigire na bPuntaí
• Súil Amháin
• Diane Ní Chanainn & Na Clubmen
• Spásas
• Na Fíréin
• Eoghan Ó Ceannabháin
• Róisín Chambers
• The Elephant Brothers
• Eve Belle
• Emma Ní Fhíoruisce
• DJ-áil le Seán Ó Cuireáin
• Ciarán Mac Fheidhlimidh
• Ceoltóirí Thoraí
• Ceol ón Úcráin

Bannaí 2025

• Bréag
• Grooveline
• Huartan
• Cigire na bPuntaí
• Gun Ghaol
• Ceann Gólaim
• Macdara Ó Faoláin
• The Hot Whiskeys
• Dysania
• Ramper
• Piaras Ó Lorcáin
• Ceol ar an Loch
• An Crann Óg
• Unrepentant Reggae Sounds
• Ceoltóirí Thoraí
• Súp an Domhnaigh

Cath na mBannaí

Tugadh ardán do bhannaí agus ceoltóirí nuálacha dul san iomaíocht le chéile agus a gcuid ceoil a chur os comhair an tslua, agus airgead mór le buachan.

“

An bhfuil tú i do réabhlóidí ceoil? An bhfuil tú i mbanna ceoil nó an ceoltóir thú? Cuir isteach ar chomórtas Chath na mBannaí mar chuid d'Fhéile Dhorn San Aer.

”

Ba iad a bhain an chéad duais sa bhliain 2024 ná Earthmover as an gCabrach.

Imeachtaí eile

Dráma

Cuireadh dráma grinn cliste faoi "Na Glúine Briste", grúpa geabairí, ar an ardán i 2024. Ógánaigh as An Chrannóg a bhí i mbun an dráma, iníon Rónáin féin ina measc.

Racadamh

Is "acadamh don cheol nua-aimseartha" atá sa Racadamh ina mbíonn aíonna speisialta i mbun "ceardlanna do cheoltóirí agus meantóireacht do dhaoine atá ag dul i mbun na ceirde." Ar na daoine atá tar éis máistir-ranganna a chur ar fáil ann faoi cheird na scríbhneoireachta ceoil agus faoi thaifead agus léiriú ceoil tá Marcus Mac Conghail, Cian Mac Carthaigh ó IMLÉ, agus Robert Mulhern ó Tuath agus ó Súil Amháin a bhí i mbun na máistir-ranganna.

Ceol ar an Loch

Ceolchoirmeacha dlútha le haoicheoltóirí speisialta i mbád ar thuras i gciúnas Loch Dhún Lúiche faoi scáth na hEaragaile.

Naisc sheachtracha

• Suíomh gréasáin: dornsanaer.ie
• Láithreacha ⁊ Lóistín
• Cuir isteach ar Chath na mBannaí

Féach freisin

• Rónán Mac Aodha Bhuí
• An Cabaret Craiceáilte
• Féile na Gealaí

Léitheoireacht bhreise

• NÓS: Féile Dorn San Aer in ómós do Rónán le titim amach faoi scáth na hEaragaile
• Tuairisc.ie: ‘Is mian linn an splanc a las Rónán a choinneáil beo’ – féile cheoil nua bunaithe in ómós do Rónán Mac Aodha Bhuí
• Hotpress: Bernadette McAliskey to lead Dorn San Aer festival to celebrate life of Ronán Mac Aodha Bhuí
• RTÉ: Féile Úr "DORN SAN AER" in ómós do RÓNÁN MAC AODHA BHUÍ
• Seachtain: Scoth na gceoltóirí ag féile nua in ómós don chraoltóir Rónán Mac Aodha Bhuí