Tuairisc.ie
Is suíomh Gaeilge nuachta é Tuairisc.ie, a chuireann seirbhís nuachta ar fáil do phobal na Gaeilge. Bíonn ailt ar chúrsaí nuachta Gaeltachta, náisiúnta agus idirnáisiúnta; cúrsaí spóirt, cultúir agus faisean; chomh maith le hailt tuairimíochta agus colúin. Cuirtear ailt leis an suíomh ar bhonn laethúil.
Stair[cuir in eagar | athraigh foinse]
Bhuaigh Tuairisc Bheo Teoranta comórtas a reáchtáil Foras na Gaeilge i 2014 chun nuachtán Gaeilge ar líne a sholáthar[1]. Lonnaíodh oifigí an nuachtáin i mBearna i gContae na Gaillimhe[2] mar ba í sin an t-aon cheantar i nGaeltacht Chonamara a bhfuil fáil ann ar sheirbhís leathanbhanda ar ardluas[3]. Seoladh Tuairisc.ie sa Seomra Darach i dTeach an Ard-Mhéara mBaile Átha Cliath ar 9 Deireadh Fómhair 2014.[4]
Ar 5 Meitheamh 2015, d'fhógair Tuairisc.ie go raibh 1,000,000 amharc leathanaigh bainte amach ag an suíomh[5].
Foireann[cuir in eagar | athraigh foinse]
Is é Seán Tadhg Ó Gairbhí eagarthóir Tuairisc.ie[6] agus is é Ciarán Ó Súilleabháin bainisteoir an tsuímh[5].
Tá beirt iriseoirí lánaimseartha fostaithe ag an suíomh, Maitiú Ó Coimín agus Pádraic Ó Ciardha, agus bíonn ailt rialta ann ó scríbhneoirí seachtracha ar fud na hÉireann agus an domhain. Ina measc sin tá Póilín Ní Chiaráin, Bridget Bhreathnach, Seosamh Ó Cuaig, Seán Mac an tSíthigh, Méabh Ní Thuathaláin agus eile nach iad.
Tagairtí[cuir in eagar | athraigh foinse]
- ↑ http://www.irishtimes.com/culture/treibh/tuairisc-ie-ag-earc%C3%BA-foirne-d%C3%A1-seoladh-1.1908492
- ↑ http://tuairisc.ie/sonrai-teagmhala/
- ↑ http://www.irishtimes.com/culture/treibh/tuairisc-ie-reaches-one-million-page-views-1.2238886
- ↑ http://www.irishtimes.com/culture/treibh/goan-wonders-what-kenny-s-linguistic-legacy-will-be-1.1957881
- ↑ 5.0 5.1 http://tuairisc.ie/milliun-amharc-leathanach-bainte-amach-ag-tuairisc-ie/
- ↑ http://www.rte.ie/rnag/cormac-ag-a-cuig/programmes/2014/1009/651253-cormac-ag-a-cig-dardaoin-9-deireadh-fmhair-2014/?clipid=1702222#1702222