Baskin-Robbins

Ón Vicipéid, an chiclipéid shaor.
Jump to navigation Jump to search
Baskin-Robbins agus Dunkin' Donuts in aon siopa amháin in Brooklyn, Nua-Eabhrac

Slabhra siopaí uachtar reoite atá in Baskin-Robbins. Burt Baskin agus Irv Robbins a chuir an chuideachta ar bun sa bhliain 1945 in Glendale, California. De réir na cuideachta féin, is é an slabhra ceadúnais uachtar reoite is mó ar domhan é agus 5,800 siopa dá chuid ar an saol, 2,800 díobh sna Stáit Aontaithe.

Díolann Baskin-Robbins uachtar reoite in breis is 30 tír, na tíortha seo a leanas san áireamh: Ceanada, an tSeapáin, Meicsiceo, an Araib Shádach, Bairéin, an Ríocht Aontaithe, Aontas na nÉimíríochtaí Arabacha, an Éigipt, Poblacht Éimin, Catar, an Rúis, an Astráil, an Téalainn, Vítneam, an Indinéis, an Mhalaeisia, an Bhanglaidéis, an Phacastáin, an Chóiré Theas, an Fhrainc, an India, Srí Lanca agus an Téaváin.

Úsáideann Baskin-Robbins an mana "31 blas", is é sin an líon céanna blasanna agus atá de laethanta i mí. Tá ceanncheathrú na cuideachta in Canton, Massachusetts. Is cuid de Dunkin' Brands, Inc. anois agus is minic a bhíonn siopa Baskin-Robbins in éindí le siopa taoschnónna agus caife Dunkin' Donuts. Ón mmbliain 2014 i leith, díoltar uachtar reoite Baskin-Robbins in ollmhargaidh freisin.

Siopa Baskin-Robbin ar an seandéanamh in Portland, Oregon. Osclaíodh an ceann seo sa bhliain 1967.

Tagairtí[cuir in eagar | athraigh foinse]

Naisc sheachtracha[cuir in eagar | athraigh foinse]