Lafcadio Hearn

Lafcadio Hearn
	;
Beathaisnéis
Breith	(en) Patrick Lafcadio Hearn ; 27 Meitheamh 1850; Lefkada, An Ghréig
Bás	26 Meán Fómhair 1904 ; 54 bliana d'aois; Ōkubo
Siocair bháis	Bás nádúrtha (Ionfharchtadh miócairdiach agus aingíne chléibh)
Áit adhlactha	Reilig Zōshigaya, 1-1-8-35
Comhairleoir rialtas eachtrach sa tSeapáin le linn thréimhse na Meiji
	1890 –
Faisnéis phearsanta
Reiligiún	An Búdachas
Scoil a d'fhreastail sé/sí	Coláiste Ushaw (1863–1867)
Gníomhaíocht
Réimse oibre	Iriseoireacht, litríocht uafáis, aistriúchán agus múineadh
Gairm	scríbhneoir, múinteoir ollscoile
Tréimhse oibre	1884 –
Fostóir	Ollscoil Waseda (1904–1904); Ollscoil Impiriúil Thóiceo (1897–1903); Ollscoil Impiriúil na Seapáine (1896–1897); Fifth High School (en) (1891–1894); Shimane Normal School (en) (1890–1891)
Faoi thionchar	Elizabeth Bisland
Ainm cleite	Koizumi Yakumo (1896–)
Teangacha	Béarla, an tSeapáinis agus an Fhraincis
Teaghlach
Céile	Althea Foley (1875–1877), colscaradh; Setsu Koizumi (1891–)
Páiste	Kiyoshi Koizumi; ( ); Iwao Inagaki; ( Setsu Koizumi)
Athair	Charles Bush Hearn agus Rosa Antonia Cassimati
Siblín	James Daniel Hearn
	Síniú

Scríbhneoir ab ea Patrick Lafcadio Hearn (/hɜːrn/; Gréigis: Πατρίκιος Λευκάδιος Χερν; 27 Meitheamh 1850 – 26 Meán Fómhair 1904), a raibh aithne air freisin faoina ainm Seapánach Koizumi Yakumo (小泉八雲). Aithnítear é sa chuid is mó as a chuid leabhar faoin Seapáin, go mór mhór as a dhíolaimí miotas agus scéalta taibhsí i mBéarla a leithéid Kwaidan: Stories and Studies of Strange Things. Tá cáil freisin ar a chuid scríbhinní faoi New Orleans, Louisiana, iad bunaithe ar na deich mbliana a chaith sé ina chónaí sa chathair úd. Sa tSeapáin, áfach, a mhothaigh sé ar a shuaimhneas ba mó. Phós sé bean Sheapánach, rugadh ceathrar páistí dóibh agus ghlac sé le saoránacht na Seapáine.

A óige

Bí cúlra casta teaghlaigh aige, agus eisean faoi chúram a athar, a mháthar agus aintín leis ag amanna difriúla. B'as Éirinn a athair, agus Gréagach ab ea a mháthair. Rugadh Lafcadio ar cheann de na hOileáin Iónacha sa Ghréig, mar atá Lafcada (as a dtagann an dara ainm leis) agus tógadh é i mBaile Átha Cliath, Contae Phort Láirge agus i mBangor sa Bhreatain Bheag. Oileadh i Sasana agus sa Fhrainc é. D'aistrigh sé scéalta Guy de Maupassant ón bhFraincís go dtí an Béarla.

A ghairmré

Thug sé aghaidh ar Mheiriceá agus é 19 bliana d'aois. Rinne sé a bhealach chuig Cincinnati, Ohio mar a raibh daoine gaolta leis ina gcónaí ann. Agus é 23 bliain d'aois phós sé bean óg ghorm darbh ainm Alethea ("Mattie") Foley, rud a bhí in aghaidh an dlí in Ohio san am.

Shíothlaigh Hearn i dTóiceo de bharr taom croí. I ndiaidh a bháis, ghlac Natsume Sōseki cathaoir litríocht an Bhéarla in Ollscoil Thóiceo, post a bhí ag Hearn go dtí sin.