Comhphobal Mhaidrid

Comhphobal Mhaidrid
Comunidad de Madrid (es)
Bratach Armas
Aintiún	Himno de la Comunidad de Madrid
Suíomh
40° 25′ 31″ N, 3° 41′ 26″ O
Stát ceannasach	an Spáinn
Príomhchathair	Maidrid
Daonra
Iomlán	7,000,621 (2023)
• Dlús	872.03 hab./km²
Tíreolaíocht
Achar dromchla	8,028 km²
Suite i nó in aice le limistéar uisce	Abhainn Tagus, Jarama, Abhainn Guadarrama, Manzanares, Lozoya, Abhainn Henares agus Tajuña
Airde	678 m
Pointe is airde	Peñalara (en) (2,430 m)
Pointe is ísle	Abhainn Tagus (470 m)
Ar theorainn le	Castilla-La Mancha Castilla y León
Sonraí stairiúla
Cruthú	1983
Eagraíocht pholaitiúil
Comhlacht feidhmiúcháin	Rialtas Phobal Mhaidrid
Comhlacht reachtach	Comhthionól Mhaidrid
• President of the Community of Madrid (en)	Isabel Díaz Ayuso (2019–)
Aitheantóir tuairisciúil
Lonnaithe i gcrios ama	UTC+01:00 UTC+02:00
Cód ISO 3166-2	ES-MD
Cód NUTS	ES30
INE municipality code (en)	28
Eile
Suíomh gréasáin	madrid.org

Is comhphobal féinrialaitheach é Comhphobal Mhaidrid (Spáinnis: Comunidad de Madrid) atá suite i lár na Spáinne. Tá cathair Mhaidrid suite ann, agus is í príomhchathair an chomhphobail agus na tíre go léir í.

Tá teorainn aici leis na comhphobail Castilla y León (na cúigí Ávila agus Segovia) agus Castilla-La Mancha (na cúigí Guadalajara, Cuenca, agus Toledo).

Tá cónaí ar dhuine as gach beirt de mhuintir an chomhphobail i Maidrid, ach thairis sin, tá bailte tábhachtacha eile ansin, ar nós Alcalá de Henares, Torrejón de Ardoz, Coslada, Getafe, Móstoles, San Lorenzo de El Escorial, Navalcarnero agus Aranjuez. Tá 179 bardais sa chomhphobal.

Nuair a bhí Francisco Franco i gceannas ar an Spáinn, glacadh leis gur cuid den Chaistíl a bhí i Maidrid, ach nuair a tháinig córas nua na gcomhphobal féinrialaitheach i bhfeidhm, rinneadh comhphobal ann féin de Mhaidrid, ós rud é go raibh Maidrid agus an chuid eile den Chaistíl-La Mancha an-difriúil le chéile ó thaobh na heacnamaíochta de.

Tíreolas

In ainneoin daonra ard an chomhphobail, tá go leor den réigiúin fós gan mhilleadh le raon mór tír dhreach agus gnáthóga. Tá sléibhte sa chomhphobal chomh aird le 2,000 m chomh maith lé mánanna íseal. Is é an Sliabhroan de Guadarrama sliabhraon tábhachtach in iarthuaisceart an réigiúin agus é mar chuid den Sistema Central, na sliabhraon a thagann le chéile thart ar lár leithinis na hIbéire. Tagann an sliabhraon ó chúige Ávila san iardheisceart tríd an gcomhphobal agus ar aghaidh go cúige Segovia san oirthuaisceart. Tá sé thart ar 80 ciliméadar ar fad. Is í Peñalara an sliabh is airde ag 2,428 méadar ar airde. Tá cathair mhaidrid é féin sách ard mar phríomhchathair chomh maith. Tá an sliabhraon an-gharr do Mhaidrid agus mar sin bíonn neart turasóirí agus cuairteoirí ag teacht ann le haghaidh spóirt gheimhridh éagsúla, mar shampla skíáil. Bíonn tionnchar ag na heachtraí seo ar timpeallacht agus gnáthóige na sléibhte. Tá El Escorial suite sa sliabhraon seo.

Aeráid

Tá aeráid te-samhraidh na meánmhura le fáil i Maidrid le geimhrí fuara. Bíonn samhraidh an-te ann le teocht chomh hard le 30°C i mí Iúil agus fiú 40 °C uaireanta, i rith an gheimhridh bíonn teochtanna thart ar 0°C nó faoin reophointe. De bharr airde Mhaidrid agus an aeráid tirim bíonn na hoíchí ar an meán fuair go leor.

Stair

Réamhstair agus Ríocht Viseagotaigh

Féach Na Viseagotaigh

Al-Andalus

Féach Al Andalus

Daonra

Bardais is mó

Madrid Móstoles
	#	Bardas	Daonra	#	Bardas	Daonra	Fuenlabrada Alcalá de Henares
	1	Madrid	3,182,981	11	Las Rozas	95,071
	2	Móstoles	206,589	12	San Sebastián de los Reyes	86,707
	3	Fuenlabrada	194,669	13	Pozuelo de Alarcón	85,605
	4	Alcalá de Henares	194,310	14	Rivas-Vaciamadrid	83,767
	5	Leganés	187,720	15	Coslada	83,011
	6	Getafe	178,288	16	Valdemoro	73,976
	7	Alcorcón	168,141	17	Majadahonda	71,299
	8	Torrejón de Ardoz	128,013	18	Collado Villalba	62,152
	9	Parla	125,898	19	Aranjuez	58,213
	10	Alcobendas	114,864	20	Arganda del Rey	53,821
Foinse: Instituto Nacional de Estadística (2017)

Is é Comhphobal Mhaidrid an tríú comhphobal is mó sa Spáinn de réir daonra agus an cúige is mó ar ndóigh. Tá 6,587,711 ina gcónaí ann ón mbliain 2018 agus is cosúil go bhfuil daonra na cathrach ag dul i méid. Tá dlús daonra 820.59 aige i bhfad níos airde na meán na tíre. Ar ndóigh tá formhór muintir an chomhphobail ina gcónaí sa phríomhchathair agus san mórcheantar uirbeach agus é ar an mórcheantar is mó sa tí. Ar ndóigh tá réimse mór i dtaobh cúlra muintir na cathrach le 13.32% daoine ag teacht ó thar lear (an céadatán is mó sa tír) agus tá go leor imirce ann ar chúiseanna fostaíocht.

Don chuid is mó ba Caitlicigh iad muintir an réigiúin le mionlach Iúdach agus Moslamach.

Is é Comhphobal Mhaidrid an réigiúin leis an meán is airde san Aontas Eorpach ó thaobh ionchas saoil de. Is 82.2 saolré na bhfear agus 87.8 saolré na mban (2016).

Cultúr

Spórt

Ar ndóigh is é sacair an spórt is mó tóir air sa réigiún le clú agus cáil ar na clubanna sacair ón réigiúin. Is é Real Madrid an club sacair is cáiliúla sa tír chomh maith le Barcelona. Ach tá clú agus cáil bainte amach ag Atlético de Madrid le blianta anuas agus iad mar churaidh san Europa League agus iad ag imirt gcluiche cheannais Sraith na Seaimpíní. Chomh maith leo siúd tá Getafe, Rayo Vallecano, agus Leganés ag imirt faoi láthair sa Sraith La Liga ag imirt sa dara sraith.

• 
  Estadio Santiago Bernabéu (Real Madrid)
• 
  Estadio Metropolitano (Atlético de Madrid)
• 
  Campo de Fútbol de Vallecas (Rayo Vallecano)
• 
  Estadio de Butarque (C.D. Leganés)
• 
  Coliseum Alfonso Pérez (Getafe C.F.)

Mar aon le neart príomhchathracha eile san Eoraip tá Cumann Lúthchleas Ghaeil ann chomh maith; Madrid Harps. Is iad cispheil agus liathróid láimhe na spóirt eile le tóir orthu sa réigiún.