Corp an duine

Corp an duine

Sonraí
Laidin	corpus humanum
Cuid de	duine
Aitheantóirí
MeSH	D018594
TA	A01.0.00.000
FMA	20394 : il-aiseach – ordlathach
Acmhainní seachtracha
EB Online	science/human-body
Téarmaíocht anatamaíoch

Is é corp an duine nó an cholainn dhaonna an t-ábhar riachtanach aiceanta a chomhdhéanann duine aonair, i gcodarsnacht leis an anam, an phearsantacht nó an iompar.

Déantar tagairt don corp go minic nuair atá cuma, sláinte agus bás i dtreis. Tugtar marbhán ar chorp duine marbh. Tugtar conablach ar corp ainmhí marbh. Is í an anatamaíocht staidéar an choirp.

Físeán

Cur síos

Tá corp an duine comhdhéanta as an gceann, an muineál, an chabhail, dhá ghéag, dhá chois agus an bhléin - atá éagsúil i bhfir agus mná. I ndaoine fásta, tá níos mó ná deich trilliún cill sa chorp. Bailíonn cealla le chéile chun fíochán a chruthú, agus ansin déantar orgáin astu. Tugtar córais orgán ar ghrúpa orgán atá ag obair le chéile.

Corp an duine

ceann aghaidh muineál gualainn cliabhrach imleacán bolg bléin bod/faighin ceathrú glúin cos murnán troigh géag uillinn rí caol na láimhe bos

Córais an choirp

• córas matánchnámharlaigh: cnámharlach an duine, na cnámha agus na hailt
• córas cardashoithíoch: an croí, na féitheacha, na hartairí agus na ribeadáin
• córas díleáite: an t-éasafagas, an bolg, an stéig bheag, an stéig mhór, an béal, an t-anas, an aipindic, an máilín domlais, an t-ae, an paincréas
• córas inchríneach: hormóin éagsúla a scaoiltear as na faireoga
• córas úiríneach: ag cur fual as an corp, leis na duáin, na húiréadair, an lamhnán, an t-úiréadra agus an bod
• córas limfeach: na céislíní, an fhaireog thímis, an liathán, na faireoga limfe
• córas imdhíonachta
• córas riospráide: an traicé, na scamhóga agus araile
• córas néarógach: an inchinn, corda an dromlaigh agus na néaróga
• córas atáirgthe: an fhaighin, an ceirbheacs, an bhroinn, na hubhagáin agus an feadán fallópach, an reicteam, an próstatach, an bod agus an uirí

Cnámha an choirp

Príomhalt: Cnámharlach daonna

Tá timpeall 206 cnámh i gcnámharlach an duine, mar atá:

• dromlach agus an colún veirteabrach (26)
• cráiniam (8)
• aghaidh (14)
• cnámh hióideach, steirneam agus na heasnacha (26)
• "Upper extremities" (64)
• "Lower extremities" (62)

Féach freisin

• Cill (bitheolaíocht)