Christopher Hitchens

Christopher Hitchens
	;
Beathaisnéis
Breith	(en) Christopher Eric Hitchens ; 13 Aibreán 1949; Portsmouth, England
Bás	15 Nollaig 2011 ; 62 bliana d'aois; Houston (Stáit Aontaithe Mheiriceá)
Siocair bháis	Bás nádúrtha (Ailse éasafagach agus broinciniúmóine)
Faisnéis phearsanta
Scoil a d'fhreastail sé/sí	Ollscoil Oxford - Fealsúnacht, Polaitíocht, agus Eacnamaíocht ; Scoil Leys ; Coláiste Balliol, Oxford
Áit chónaithe	Portsmouth; Washington, D.C.
Teanga dhúchais	Béarla agus Béarla na Breataine
Gníomhaíocht
Suíomh oibre	Washington, D.C.
Gairm	iriseoir, dírbheathaisnéisí, léirmheastóir liteartha, scríbhneoir aistí, scríbhneoir, eolaí polaitiúil
Ball de pháirtí polaitíochta	Páirtí Sóisialach na nOibrithe (1967–1971); Páirtí an Lucht Oibre (1965–1967)
Gluaiseacht	Aindiachas
Faoi thionchar	George Orwell, Leon Trotscaí, Thomas Paine, Thomas Jefferson, George Eliot, Vladimir Nabokov, Salman Rushdie, Colm Tóibín, Edward Said agus Albert Camus
Teangacha	Béarla na Breataine agus Béarla
Saothar
	Saothar suntasach Hitchens' razor (en) ; (1995) The Missionary Position: Mother Teresa in Theory and Practice; (1999) No One Left to Lie To; (2001) Letters to a Young Contrarian; (2007) God Is Not Great; (2010) Hitch-22; (2012) Mortality ;
Teaghlach
Céile	Eleni Meleagrou ; Carol Blue
Páiste	Alexander Meleagrou-Hitchens; ( Eleni Meleagrou)
Siblín	Peter Hitchens
	Gradam a fuarthas (2012) LennonOno Grant for Peace (en) ; (2011) Gradam Richard Dawkins; (2007) Emperor Has No Clothes Award (en) ; (2007) Great Immigrants Award (en) ; (1991) Lannan Literary Awards (en) ; PEN/Diamonstein-Spielvogel Award for the Art of the Essay (en) ;
	Síniú

Údar agus iriseoir Angla-Mheiriceánach ab ea Christopher Eric Hitchens (a rugadh ar 13 Aibreán 1949 i Portsmouth, Sasana agus a fuair bás ar 15 Nollaig 2011 i Houston, Texas sna Stáit Aontaithe). Scríobh sé colúin agus critic liteartha do The Atlantic, Free Inquiry, The Nation, Salon, Slate, Vanity Fair, World Affairs, agus d'fhoilseacháin eile sa Bhreatain agus i Meiriceá. Is minic a bhíodh Hitchens le feiceáil ar thimchuairt na seónna cainte ar an teilifís nó ag tabhairt léachtaí poiblí. Ba chomhalta de chuid na hInstitiúide Hoover é ó Mheán Fómhair na bliana 2008 i leith.

"Radacach" a thug Hitchens air féin agus bhí sé gníomhach i ngluaiseachtaí agus i bhfeachtais de chuid na heite clé ó bhí sé ina mhac léinn ollscoile, gí go gcuireadh sé súil ghéar ar an tsaol ón tús agus gur tháinig athrú ar a chuid smaointeoireachta de réir a chéile, go mór mhór ón mbliain 1989 i leith. "Nuachoimeádach" a tugadh air uaireanta mar gheall ar a sheasamh i bhfabhar an chogaidh san Iaráic. Is é an freagra a bhí aige air sin ná nár "choimeádach de chineál ar bith" é. Bhí sé go mór faoi thionchar na hEagnaíochta. Bhí meas mór aige ar George Orwell, Thomas Paine, agus Thomas Jefferson. Bhí leithéidí an Mháthair Treasa, Bill agus Hillary Clinton, agus Henry Kissinger cáinte aige, uaireanta go fíochmhar. Bhí an stíl dhian díospóireachta sin aige ina hábhar conspóide agus ina cúis mholta araon ag daoine éagsúla. Duine frithdhiagach a bhí ann chomh maith.

Fuair Hitchens saoránacht na Stát Aontaithe sa bhliain 2007 ar a 58ú breithlá agus mionn na saoránachta tugtha aige ar chéimeanna Chuimhneachán Jefferson in Washington, D.C., an chathair ina raibh sé ina chónaí ann le roinnt blianta. Níor éirigh sé as a shaoránacht Bhriotanach, áfach.