An Iúgslaiv

Ón Vicipéid, an chiclipéid shaor.
Tugadh an Iúgslaiv ar thrí aonad éagsúla polaitiúla sa bhfichiú haois:
 1 -Flag of the Kingdom of Yugoslavia.svg Ríocht na hIúgslaive
 2 -Flag of SFR Yugoslavia.svg PSF na hIúgslaive
 3 -Flag of Serbia and Montenegro.svg Poblacht Fheidearálach na hIúgslaive

Tugadh an Iúgslaiv ar thrí aonad éagsúla polaitiúla sa bhfichiú haois. Tír na Slavach ó Dheas is ciall leis an ainm i dteangacha Slavacha na mBalcán.

Ba í Ríocht na hIúgslaive an chéad tír ar tugadh an t-ainm uirthi, agus d'eascair sí as Ríocht na Seirbeach, na gCróiteach agus na Slóivéineach a bunaíodh ar an i Nollaig 1918 nuair a cruthaíodh aontas idir stáit na Slóivéineach, na gCróiteach agus na Seirbeach agus ríocht na Seirbe. Athraíodh ainm na tíre go Ríocht na hIúgslaive ar an 3 Deireadh Fómhair 1929. Ba é Rí Alexander I, ceannaire na ríochta.

Rinne an Iodáil agus an Ghearmáin ionradh ar an tír i 1941 agus mar gheall ar na heachtraí a tharla le linn an Dara Cogadh Domhanda cuireadh an ríocht ar ceal sa bhliain 1945.

D'fhógair treallchogaithe cumannach (na Páirtínigh) An Iúgslaiv Dhaonlathach Fheidearálach sa bhliain 1943 agus athraíodh an t-ainm go Daonphoblacht Fheidearálach na hIúgslaive sa bhliain 1946 agus rialtas comhchumannach i gceannas. Athraíodh an t-ainm arís sa bhliain 1963, go Poblacht Shóisialach Fheidearálach na hIúgslaive. Bhí an tír comhdhéanta de shé phoblacht shóisialach: an tSlóivéin, An Chróit, An Bhoisnia-Heirseagaivéin, Montainéagró, An tSeirbia agus An Mhacadóin. Thit an Iúgslaiv as a chéile sna cogaí a lean bás Tito.

Bunaíodh Poblacht Fheidearálach na hIúgslaive i mí Mhárta 1992 agus í comhdhéanta den dá thír nár fhág an Chónaidhm, an tSeirbia agus Montainéagró ach cuireadh deireadh go hoifigiúil leis an Iúgsláiv nuair a d'fhógair an dá thír sin a neamhspleáchas i mí Mheithimh, 2006.