Páirtí Neamhspleáchais na Ríochta Aontaithe
(en) United Kingdom Independence Party  | |||||
|
|||||
 | |||||
| Sonraí | |||||
|---|---|---|---|---|---|
| Ainm gearr | UKIP | ||||
| Cineál | páirtí polaitíochta | ||||
| Idé-eolaíocht pholaitíochta | Eoraisceipteach náisiúnachas Briotanach pobalachas ar an eite dheas coimeádachas náisiúnta | ||||
| Ailíniú polaitíochta | eite dheis | ||||
| Stair | |||||
| Dáta a bunaíodh | 3 Meán Fómhair 1993 | ||||
| Bunaitheoir(í) | Alan Sked | ||||
| Gníomhaíocht | |||||
| Ball de | Alliance for Direct Democracy in Europe (en)  | ||||
| Ballraíocht | 23,600 (2018) | ||||
| Rialachas corparáideach | |||||
| Ceanncheathrú | |||||
| Uachtaránacht | Nigel Farage (1998–2000) | ||||
| Ógeagraíocht | Young Independence (en) | ||||
| Eile | |||||
| Dath | | ||||
| Suíomh gréasáin | https://www.ukip.org/ https://www.YoungIndependence.uk | ||||
  | |||||
.jpg)
Tá Páirtí Neamhspleáchas na Ríochta Aontaithe nó PNRA (Béarla: United Kingdom Independence Party nó UKIP) ar cheann de na páirtithe polaitiúla sa Ríocht Aontaithe. Bunaíodh an páirtí sa bhliain 1993, tar éis gur shínigh rialtas na Ríochta Aontaithe Conradh Maastricht, chun glao ar son imeachta na Ríochta Aontaithe amach as an Aontas Eorpach. Go láithreach, níl suíomh ar bith acu i bParlaimint na Ríochta Aontaithe, ach dá ainneoin sin is iadsan atá go láithreach ar an gceathrú páirtí is mó roghnaithe i bpobalbhreitheanna olltoghcháin.[1] Go ginearálta, glacann an páirtí seasamh eite dheise ar cheisteanna eacnamaíochta agus sóisialta.
Tacaíonn an páirtí anois le Breatimeacht 'crua', agus go mbeadh níos lú inimirce isteach sa Ríocht Aontaithe. D'imir an páirtí ról tábhachtach i socrú Pháirtí Coimeádach na Ríochta Aontaithe sa bhliain 2013 reifreann ar bhallraíocht na Ríochta Aontaithe san Aontas Eorpach a ghealladh dá mbuafaidís an chéad olltoghchán eile, agus rinne siad feachtas ar son 'imeacht' sa reifreann seo.
I Mí na Nollag 2018, d'imigh iarcheannaire Nigel Farage den pháirtí, agus é ag scríobh sa nuachtán The Telegraph "nach é UKIP an páirtí Breatimeachta ar gá linn é", agus é ag cáineadh an pháirtí as a bheith frithioslamach agus róghafa le Tommy Robinson, duine mór ar an eite an-deis i Sasana.[2][3][4]. I Mí Eanáir 2019, cuireadh páirtí nua, an Brexit Party, ar bun, a bhfuil Farage ina cheannaire air, agus thit sciar vótaí UKIP i bpobalbhreitheanna go mór ina dhiaidh sin. In Olltoghchán na Ríochta Aontaithe 2019, ní fhuair an páirtí ach 0.1% de na vótaí, titim de 1.8% ó Olltoghchán 2017.
Féach Freisin
[cuir in eagar | athraigh foinse]- Breatimeacht
- An tAontas Eorpach
- Eite dheis
- Brexit Party
- An Páirtí Coimeádach (An Ríocht Aontaithe)
- Páirtí an Lucht Oibre (Ríocht Aontaithe)
- An Páirtí Daonlathach Liobrálach
- Páirtí Glas Shasana agus na Breataine Bige
- Páirtí Náisiúnta na hAlban
- Plaid Cymru
Tagairtí
[cuir in eagar | athraigh foinse]- ↑ Anthony Wells. "UK Polling Report". ukpollingreport.co.uk. Cartlannaíodh an bunleathanach ar 2018-10-17. Dáta rochtana: 2018-10-22.
- ↑ Nigel Farage (2018-12-04). "With a heavy heart, I am leaving Ukip. It is not the Brexit party our nation so badly needs" (en-GB). The Telegraph. Dáta rochtana: 2019-05-08.
- ↑ "Le partisan du Brexit Nigel Farage quitte l'Ukip, son parti europhobe" (fr). Le Huffington Post (2018-12-04). Dáta rochtana: 2019-05-08.
- ↑ Peter Walker Political correspondent (2018-12-04). "Nigel Farage quits Ukip over its anti-Muslim 'fixation'" (en-GB). The Guardian. Dáta rochtana: 2019-05-08.