Pàrtaidh Nàiseanta na h-Alba
| Pàrtaidh Nàiseanta na h-Alba Scottish National Party Scottis Naitional Pairtie | |
| Ceannasaíocht | Nicola Sturgeon |
| Bunaithe | 1934 |
| Ceanncheathrú | Dún Éideann |
| Idé-eolaíocht | Ar chlé ón lár, neamhspleáchas |
| Cleamhnas | European Free Alliance |
| Dathanna | Buí |
| Gréasáin | www.snp.org |
Is páirtí polaitíochta Albanach é Pàrtaidh Nàiseanta na h-Alba (Gaeilge: Páirtí Náisiúnta na hAlban, Béarla: The Scottish National Party nó SNP; Albainis: Scottis Naitional Pairtie) atá lonnaithe sa lár-chlé ar speictream na polaitíochta, chomh maith le bheith sóisialta-daonlathach is stocaireacht a dhéanamh ar son neamhspleáchas na hAlban ón Ríocht Aontaithe.
Tá an páirtí faoi láthair ar an aon páirtí amháin i rialtas na hAlban, é ag rialú mar rialtas mionlach agus 62 suíochán as 129 i Holyrood (Parlaimint na hAlban) aige. Ina 11 bliana i rialtas ó 2007, tá taifead ag an bpáirtí de mhaoiniú poiblí a chosaint agus a ardú[1], fad is go bhfuil roinnt gearracháin chánacha a thug rialtas na Ríochta Aontaithe isteach sa chuid eile den Ríocht nár roghnaigh an páirtí a thabhairt isteach in Albain. I ndiaidh dóibh tromlach a bhua i bParlaimint na hAlban sa bhliain 2011, d'iarr siad ar rialtas na Ríocht Aontaithe reifreann ar neamhspleáchas na hAlban a rith, reifreann a ritheadh i 2014. Ghiollaigh an páirtí an feachtas ar son an neamhspleáchais; faoi dheireadh, chaill siad an reifreann agus 44.7% den vóta buaite acu; áfach, ar 28ú Márta 2017, vótáil Parlaimint na hAlban (Páirtí Neamhspleáchas na hAlban agus Páirtí Glas na hAlban i bhfabhar ar an mbille) le cead a iarradh ó rialtas na Ríochta Aontaithe reifreann eile a reáchtáladh.[2][3]
Tá freisin 35 ball de Theach na dTeachtaí (teach íochtarach Pharlaimint na Ríochta Aontaithe) ag an bpáirtí, as an 59 is féidir a fháil in Albain, dá chur ar an triú páirtí is mó sa seomra sin.
Rinne an páirtí freisin feachtas ar son 'fanachta' i reifreann Breatimeachta na bliana 2016, agus is é polasaí oifigiúil an páirtí gur cheart go mbeadh Albain neamhspleách ina ball den Aontas Eorpach.[4]
Féach Freisin[cuir in eagar | athraigh foinse]
- Náisiúnachas
- Eite chlé
- Plaid Cymru
- Mebyon Kernow
- Páirtí Shír Eabhraic
- An Páirtí Coimeádach (Ríocht Aontaithe)
- Páirtí an Lucht Oibre (Ríocht Aontaithe)
- An Páirtí Liobrálach Daonlathach
- Páirtí Neamhspleáchais na Ríochta Aontaithe
Naisc Sheachtracha[cuir in eagar | athraigh foinse]
Tagairtí[cuir in eagar | athraigh foinse]
- ↑ "Fact check: All 19 claims in the SNP's latest party political broadcast" (en-GB). The Ferret (2018-01-31). Dáta rochtana: 2018-10-25.
- ↑ "Scottish independence referendum: final results in full" (en-GB). The Guardian. Dáta rochtana: 2018-10-26.
- ↑ "Scottish Parliament backs referendum call" (en-GB). BBC News (2017-03-28). Dáta rochtana: 2018-10-26.
- ↑ "What is the SNP’s position on the EU? — Scottish National Party" (en-US). Scottish National Party (2015-11-25). Dáta rochtana: 2018-10-26.
