Páirtí an Athchóirithe (An Ríocht Aontaithe)
|
|||||
| Sonraí | |||||
|---|---|---|---|---|---|
| Cineál | páirtí polaitíochta  | ||||
| Idé-eolaíocht pholaitíochta | pobalachas ar an eite dheas Eoraisceipteach | ||||
| Ailíniú polaitíochta | eite dheis | ||||
| Foirm dlí | cuideachta phríobháideach faoi theorainn scaireanna | ||||
| Stair | |||||
| Scartha ó | Páirtí Neamhspleách na Ríochta Aontaithe | ||||
| Téann in áit | Brexit Party (2021) | ||||
| Dáta a bunaíodh | 20 Eanáir 2019 | ||||
| Gníomhaíocht | |||||
| Ballraíocht | 4 (2020) | ||||
| Rialachas corparáideach | |||||
| Uachtaránacht | Catherine Blaiklock (2019–2019) Nigel Farage (2019–2021) Richard Tice (2021–2024) Nigel Farage (2024–) | ||||
| Úinéir | Nigel Farage (53.3%). Richard Tice (33.3%). Paul Oakden (en)  (6.7%). Mehrtash A'zami (en) (6.7%). | ||||
| Teach Theachtaí na Ríochta Aontaithe (2024) | 5 / 650 | ||||
| Eile | |||||
| Dath | | ||||
| Suíomh gréasáin | https://www.reformparty.uk | ||||
 | |||||
Tá Páirtí an Athchóirithe, ar a dtugtaí Páirtí an Bhreatimeachta go dtí le déanaí (Reform Party/Reform UK agus Brexit Party as Béarla) ar cheann de na páirtithe polaitiúla sa Ríocht Aontaithe. Bunaíodh an páirtí sa bhliain 2019 faoin ainm The Brexit Party, D'éirigh an pobalóir Nigel Farage ina cheannaire air.
Bunaíodh é chun feachtasaíocht a dhéanamh ar son imeacht láithreach na Ríochta Aontaithe den Aontas Eorpach, mar dheireadh don phróiseas Breatimeachta, agus b'í tuairim an pháirtí gur 'fealladh ar an daonlathas' é nár imigh an Ríocht Aontaithe den Aontas Eorpach ar spriocdháta bunaidh an phróisis, 30ú Aibreán 2019.[1]
Sheas an páirtí a chéad iarrthóirí polaitiúla sna toghcháin Eorpacha i Mí na Bealtaine 2019. Bhain sé amach 31% den vóta agus 29 de na 73 shuíochán a bhí le fáil sa Ríocht Aontaithe, é sin á chur ar an bpáirtí ba mhó sa toghchán sin. Fuair siad 2% de na vótaí in Olltoghchán 2019 na Ríochta Aontaithe, gan suíochán ar bith i dTeach na dTeachtaí a bhaint amach.
Ar 6ú Mí Eanáir 2021, athainmníodh an páirtí go hoifigiúil mar Reform UK, ó tharla gur éirigh leis an bpáirtí an Breatimeacht a bhaint amach ar bhealach a mheas siad a bheith sásúil. Bhí an páirtí ag feachtasaíocht ag an am in aghaidh na dianghlasála Cóivid-19 agus ar son athchóiriú a dhéanamh ar an BBC agus Teach na dTiarnaí na Ríochta Aontaithe.[2][3]
I mí na Márta 2021, tháinig Richard Tyce i gcomharba ar Farage mar cheannaire an pháirtí.[4]
Sheas Farage mar iarrthóir in Olltoghchán na Breataine 2024 i dtoghlach Clacton in oirthear Shasana. Ar dtús, dúirt sé nach mbeadh sé san iomaíocht sa toghchán.[5][6]
Féach freisin
[cuir in eagar | athraigh foinse]Tagairtí
[cuir in eagar | athraigh foinse]- ↑ Josh Halliday (2019-01-20). "Nigel Farage to lead new pro-Brexit party if EU departure delayed" (en-GB). The Guardian. Dáta rochtana: 2019-05-08.
- ↑ Clea Skopeliti (2020-11-02). "Reform UK: Brexit party to rebrand as anti-lockdown voice" (en-GB). The Guardian. Dáta rochtana: 2021-03-15.
- ↑ "Nigel Farage: Brexit Party to focus on fighting lockdown" (en-GB). BBC News (2020-11-02). Dáta rochtana: 2021-03-15.
- ↑ "Nigel Farage: Brexit-backing politician to quit as leader of Reform UK" (en-GB). BBC News (2021-03-07). Dáta rochtana: 2021-03-15.
- ↑ "Nigel Farage to run as Reform UK candidate in Clacton" (en-GB). www.bbc.com. Dáta rochtana: 2024-06-03.
- ↑ Nuacht RTÉ (2024-06-03). "Farage ag seasamh in Olltoghchán na Breataine" (as ga-IE).