Nellie Melba

Ón Vicipéid, an chiclipéid shaor.
Jump to navigation Jump to search
Nellie Melba
Nellie Melba LCCN2014708998.jpg
Saol
Ainm iomlán Helen Porter Mitchell
Eolas breithe Melbourne agus Richmond (en) Aistrigh, Bealtaine 19, 1861
Náisiúntacht An Astráil
Bás Sydney, Feabhra 23, 1931
Na cúinsí a bhaineann lena b(h)ás bás nádúrtha (seipticéime)
Muintir
Athair David Mitchell
Máthair Isabella Ann Dow
Céile/Céilí Charles Nesbitt Frederick Armstrong (en) Aistrigh  (Nollaig 22, 1882 -  1900)
Páistí
Oideachas
Alma mater Presbyterian Ladies' College (en) Aistrigh
Teangacha An Béarla
Múinteoirí Mathilde Marchesi (en) Aistrigh
Gairm
Gairm amhránaí, amhránaí ceoldrámaíochta agus dírbheathaisnéisí
Duais
Sloinnte Nellie Melba
Gluaiseacht ealaíne ceoldráma
Cineál gutha light soprano (en) Aistrigh
Uirlis cheoil ceol gutha
IMDb nm1673999
Portráid an Dáma Nellie Melba GBE (Henry Walter Barnett)
The Times, 27 M.F. 1910.

Ba shoprán ceoldráma clúiteach ón Astráil í an Dáma Nellie Melba, GBE (19 Bealtaine 1861 - 23 Feabhra 1931), nó Helen Porter Mitchell mar a tugadh uirthi ag tús a saoil. Ba bhean de na sopráin is iomráití i saol na ceoldrámaíochta í agus ba í an chéad Astrálach í a tháinig iomrá idirnáisiúnta uirthi san ealaín sin. Bhí Nellie Melba agus May Whitty ar na chéad siamsóirí a bhain amach DBE, rud a tharla sa bhliain 1918.

NellyMelbaRosina.jpg

Gairm[cuir in eagar | athraigh foinse]

Tháinig Melba os comhair an phobail den chéad uair in Melbourne i Mí na Bealtaine 1884 agus chan sí i gCovent Garden i Londain, Sasana, dhá bhliain níos déanaí. Sa Bhruiséal ba thúisce a chuaigh sí i gceann oibre agus í ag déanamh páirt Gilda i Rigoletto, ceoldráma le Verdi sa bhliain 1887. D’éirigh thar cionn léi lom láithreach.

Bhain Melba amach buaic a réime i bPáras mar Lucia in Lucia di Lammermoor, ceoldráma le Donizetti ar 24 Bealtaine 1888, in Covent Garden mar Lucia in La Traviata, ceoldráma le Verdi, agus mar Mimi in La Boheme.

Shiúil Melba an Eoraip agus Meiriceá agus ardrathúnas uirthi. Moladh í as a guth glébhinn glan agus as a críochnúlacht ceirde.

Bhí Melba ar an gcéad amhránaí a chraol clár ceoil ó stáisiún Marconi in Chelmsford, rud a rinne sí ar 15 Meitheamh 1920.

Rinne Melba a páirt dheireanach mar Mimi in La Boheme in Melbourne agus in Garraí Covent sa bhliain 1926.

ar an gcéad amhránaí a chraol clár ceoil ó stáisiún Marconi in Chelmsford, ar 15 Meitheamh 1920
1896

Saol pearsanta[cuir in eagar | athraigh foinse]

Phós Melba Charles Armstrong, mac grásaera ó Queensland, sa bhliain 1882. Scar siad óna chéile sa bhliain 1900 de bharr an chaidrimh chollaí a bhí idir í féin agus Philippe, Diúc Orléans.

Bhí sé de chlú ar Melba gur dhuine deacair spadhrúil í i gcuideachta a comhamhránaithe. Os a choinne sin, thug sí lámh chúnta do roinnt amhránaithe óga, agus chuidigh sí le ceoldrámaí Puccini a chur á léiriú nuair nach raibh cáil mhór fós air.

Tháinig dírbheathaisnéis Melba, “Melodies and Memories,” amach sa bhliain 1925.

Fuair sí bás le seipticéime sa bhliain 1931.

Naisc sheachtracha[cuir in eagar | athraigh foinse]

1892

Tagairtí[cuir in eagar | athraigh foinse]