Mary Cassatt

Mary Cassatt
	;
Beathaisnéis
Breith	(en) Mary Stevenson Cassatt ; 22 Bealtaine 1844; Allegheny, Pennsylvania
Bás	14 Meitheamh 1926 ; 82 bliana d'aois; Le Mesnil-Théribus, An Fhrainc
Áit adhlactha	Le Mesnil-Théribus
Faisnéis phearsanta
Ainm cleite	Cassatt, Mary Stevenson
Scoil a d'fhreastail sé/sí	Pennsylvania Academy of the Fine Arts (en)
Gníomhaíocht
Suíomh oibre	An Éigipt ; Páras ; An Róimh ; Maidrid ; Le Mesnil-Théribus ; Giverny ; Grasse ; Barbizon ; Philadelphia
Gairm	péintéir, grianghrafadóir, déantóir priontaí, eitseálaí
Seánra	Portráidiú, péintéireacht seánra, ealaín tírdhreacha agus fíor
Gluaiseacht	Impriseanachas
Catalogue raisonné	Cassatt, A Retrospective (en) (1996); Cassatt (en) (12 Eanáir 2017)
Mac/iníon léinn de chuid	Jean-Léon Gérôme
Teangacha	Béarla, an Fhraincis agus an Ghearmáinis
Ghlac sé/sí páirt i
17 Feabhra 1913	Armory Show (en)
Saothar
	Saothar suntasach (1887) Portrait of an Elderly Lady in a Bonnet: Red Background (en) ;
Teaghlach
Céile	luach ar iarraidh
Athair	Robert S. Cassatt agus Katherine Kelso Cassatt
Siblín	Alexander Cassatt agus Lydia Cassatt
	Gradam a fuarthas (1973) National Women's Hall of Fame (en) ; (1910) Chevalier de la Légion d'honneur‎ ;
	Síniú

Péintéir agus déantóir priontaí Meiriceánach ab ea Mary Cassatt (22 Bealtaine 1844 – 14 Meitheamh 1926). Rugadh in Allegheny City, Pennsylvania, í.

Saol

Rugadh Cassatt in Allegheny City, bruachbhaile de chuid Pittsburgh anois. Bhí a muintir ina suí go te. Stocbhróicéir agus amhantraí talún a bhí ina hathair, Robert Simpson Cassat (Cassatt ní ba dhéanaí). Ba de shliocht duine darbh ainm Jacques Cossart í, Úgóineach ón bhFrainc a chuir faoi in Amstardam Nua i 1662. Baincéirí a bhí i muintir a máthar, Katherine Kelso Johnston, duine an-léannta a chuaigh i gcion go mór ar Mary.

Thug an teaghlach a aghaidh soir nuair a bhí Mary óg agus d'fhás sí aníos i Lancaster agus i gceantar Philadelphia. Chaith sí cúig bliana freisin san Eoraip, mar ar fhoghlaim sí Fraincis agus Gearmáinis.

Thosaigh Mary ag freastail ar ranganna Pennsylvania Academy of the Fine Arts i bhPhiladelphia in aois a 15 bliana ar neamhthoil a muintire. Sa bhliain 1866 chuir sí fúithi i bPáras.

Saol sa Fhrainc

Chaith Cassatt cuid mhaith dá saol sa Fhrainc. Chuaigh sí go mór faoi anáil Degas agus an Impriseanachais.

Sa bhliain 1894, rinne Gustave Geffroy cur síos uirthi mar dhuine de "les trois grandes dames" ("triúr bhan uasal") an Impriseanachais, in éineacht le Marie Bracquemond agus Berthe Morisot.^[1]

Diaibéiteach ba ea í agus le forbairt finn ag cur as di, d’éirigh sí dall de réir a chéile, ó 1914 ar aghaidh.

Níor phós Cassatt riamh.

Cheannaigh Cassatt Château de Beaufresne san Oise, 90km ó Pháras, sa bhliain 1894. A teach samhraidh ba ea é. Ba sa mhainéar sin a fuair Cassatt bás ar 14 Meitheamh 1926.^[2]

Gailearaí

The Fitting, turbhior agus uiscimir, 1890 nó 1891, Músaem Brooklyn
The Child's Bath, ola ar chanbhás, 1893, Art Institute of Chicago
The Boating Party, ola ar chanbhás, 1893-94, National Gallery of Art, Washington, D.C.
Summertime, ola ar chanbhás, 1894, Terra Foundation for American Art

Tagairtí

↑ Geffroy, Gustave (1894), "Histoire de l'Impressionnisme", La Vie artistique: 268.
↑ americangirlsartclubinparis (2018-08-02). "Help Save Mary Cassatt’s Chateau Beaufresne Outside Paris" (en). American Girls Art Club In Paris. . . and Beyond. Dáta rochtana: 2020-06-14.

Naisc sheachtracha

Mary Cassatt ag an National Gallery of Art in Washington, D.C.

[1] Geffroy, Gustave (1894), "Histoire de l'Impressionnisme", La Vie artistique: 268.

[2] ricangirlsartclubinparis (2018-08-02). "Help Save Mary Cassatt’s Chateau Beaufresne Outside Paris" (en). American Girls Art Club In Paris. . . and Beyond. Dáta rochtana: 2020-06-14.

[1]

[2]