Mary Cassatt

Ón Vicipéid, an chiclipéid shaor.
Mary Cassatt, féinphortráid

Péintéir agus déantóir priontaí Meiriceánach ab ea Mary Cassatt (22 Bealtaine 1844 – 14 Meitheamh 1926). Rugadh in Allegheny City, Pennsylvania, í. Chaith sí cuid mhaith dá saol sa Fhrainc agus ba i Château de Beaufresne, gar do Pháras, a fuair sí bás. Chuaigh sí go mór faoi anáil Degas agus an Impriseanachais. Sa bhliain 1894, rinne Gustave Geffroy cur síos uirthi mar dhuine de "les trois grandes dames" ("triúr bhan uasal") an Impriseanachais, in éineacht le Marie Bracquemond agus Berthe Morisot.[1]

A luathshaol[athraigh | athraigh vicithéacs]

Rugadh Mary Cassatt in Allegheny City, comharsanacht de chuid Pittsburgh anois. Ba den aicme ard-mheánaicmeach a thuismitheoirí. Stocbhróicéir agus amhantraí talún a bhí ina hathair, Robert Simpson Cassat (Cassatt ní ba dhéanaí). Ar thaobh a hathar, ba de shliocht fir dárbh ainm Jacques Cossart í, Úgóineach ón bhFrainc a chuir faoi in Amstardam Nua i 1662. Baincéirí a bhí i muintir a máthar, Katherine Kelso Johnston, duine an-léannta a chuaigh i gcion go mór ar Mary. Thug an teaghlach a aghaidh soir nuair a bhí Mary óg agus d'fhás sí aníos i Lancaster agus i gceantarPhiladelphia. Chaith sí cúig bliana freisin san Eoraip, mar ar fhoghlaim sí Fraincis agus Gearmáinis.

Thosaigh Mary ag freastail ar ranganna Pennsylvania Academy of the Fine Arts i bhPhiladelphia in aois a 15 bliana ar neamhthoil a muintire. Sa bhliain 1866 chuir sí fúithi i bPáras.

Gailearaí[athraigh | athraigh vicithéacs]

Tagairtí[athraigh | athraigh vicithéacs]

  1. Geffroy, Gustave (1894), "Histoire de l'Impressionnisme", La Vie artistique: 268.

Naisc sheachtracha[athraigh | athraigh vicithéacs]