Comhdháil Vín

Comhdháil Vín

48° 12′ 31″ N, 16° 21′ 50″ E
Lipéad sa teanga dhúchais	(de) Wiener Kongress
Cineál	conradh síochána comhdháil síochána
Tréimhse	Samhain 1814 - Meitheamh 1815
Dáta na bliana	1815
Suíomh	Vín, An Ostair
Rannpháirtí	Klemens Wenzel von Metternich  Ina hionadaí do: Impireacht na hOstaire (aire eachtrach) Baron Johann von Wessenberg-Ampringen  Ina hionadaí do: Impireacht na hOstaire Robert Stewart, Bíocunta an Chaisleáin Riabhaigh  Ina hionadaí do: Ríocht Aontaithe na Breataine Móire agus na hÉireann (aire eachtrach) Arthur Wellesley, 1ú Diúc Wellington  Ina hionadaí do: Ríocht Aontaithe na Breataine Móire agus na hÉireann Richard Trench, Dara hIarla Chlann Chartaigh  Ina hionadaí do: Ríocht Aontaithe na Breataine Móire agus na hÉireann Karl August von Hardenberg  Ina hionadaí do: an Phrúis Charles-Maurice de Talleyrand-Périgord  Ina hionadaí do: an Fhrainc (aire eachtrach) Frédéric-Séraphin de La Tour du Pin Gouvernet  Ina hionadaí do: an Fhrainc Wilhelm von Humboldt  Ina hionadaí do: an Phrúis Emmerich Joseph de Dalberg  Ina hionadaí do: an Fhrainc Friedrich von Gentz (rúnaí) Pedro de Sousa Holstein, Céad Diúc Palmela  Ina hionadaí do: Impireacht na Portaingéile Joaquim Lobo da Silveira, 7ú Cunta Oriola  Ina hionadaí do: Impireacht na Portaingéile António de Saldanha da Gama  Ina hionadaí do: Impireacht na Portaingéile Karl Nesselrode  Ina hionadaí do: Impireacht na Rúise (aire eachtrach) Andrii Rozumovskyi  Ina hionadaí do: Impireacht na Rúise Gustav Ernst von Stackelberg  Ina hionadaí do: Impireacht na Rúise Jean de Noailles  Ina hionadaí do: an Fhrainc William Cathcart  Ina hionadaí do: Ríocht Aontaithe na Breataine Móire agus na hÉireann Pedro Gómez Labrador  Ina hionadaí do: an Spáinn Carl Löwenhielm  Ina hionadaí do: an tSualainn Nikolaus von Wacken Niels Rosenkrantz  Ina hionadaí do: an Danmhairg (aire eachtrach) Richard Trench, Dara hIarla Chlann Chartaigh  Ina hionadaí do: Ríocht na hÍsiltíre Hans Christoph Ernst von Gagern  Ina hionadaí do: Ríocht na hÍsiltíre Charles Pictet de Rochemont  Ina hionadaí do: cantún na Ginéive Ercole Consalvi  Ina hionadaí do: Stáit an Phápa Agostino Pareto  Ina hionadaí do: Poblacht Ghenova Maximilian von Montgelas  Ina hionadaí do: Ríocht na Baváire Luigi de' Medici  Ina hionadaí do: Ríocht an Dá Shicil Hans von Reinhard  Ina hionadaí do: an Eilvéis Johann Heinrich Wieland  Ina hionadaí do: an Eilvéis Jean de Montenach  Ina hionadaí do: an Eilvéis Carl Philipp von Wrede  Ina hionadaí do: Ríocht na Baváire Aloys Franz Rechberg und Rothenlöwen  Ina hionadaí do: Ríocht na Baváire Johann Smidt  Ina hionadaí do: Bremen Antoine Marie Philippe Asinari de Saint-Marsan  Ina hionadaí do: Ríocht na Sairdíne Filippo Magawly Cerati  Ina hionadaí do: Stáit an Phápa Charles Vane, 3ú Marcas Dhoire  Ina hionadaí do: Ríocht Aontaithe na Breataine Móire agus na hÉireann Georg Ernst Levin von Wintzingerode  Ina hionadaí do: Ríocht Württemberg Leopold von Plessen  Ina hionadaí do: Ard-Diúcacht Mecklenburg-Schwerin Ernst zu Münster  Ina hionadaí do: Ríocht Hanover Friedrich Schlegel  Ina hionadaí do: Impireacht na hOstaire Franz Binder von Kriegelstein  Ina hionadaí do: Impireacht na hOstaire Karl August Varnhagen von Ense  Ina hionadaí do: an Phrúis Friedrich August von Staegemann  Ina hionadaí do: an Phrúis Karl Friedrich von dem Knesebeck  Ina hionadaí do: an Phrúis Wilhelm Ludwig Leopold Berstett  Ina hionadaí do: Ard-Diúcacht Baden
Is cúis le	Border Kingdom of Saxony-Kingdom of Prussia 1815 (en) borderstones Belgium-Prussia (en)

Is éard a bhí i gceist le Comhdháil Vín ná cruinniú idirnáisiúnta a tháinig le chéile i Vín, príomhchathair na hOstaire, i Mí na Samhna 1814 agus a scoir i Mí an Mheithimh 1815. Ba é an Prionsa Klemens Wenzel von Metternich, an státaire Ostarach, a d'eisigh an ghairm chruinnithe agus a bhí ina chathaoirleach. Bhí sé de chuspóir ag an gcomhdháil ná cuma cheart a chur ar an Eoraip i ndiaidh réabhlóid na Fraince agus chogaí Napoleon, go háirithe ó tháinig deireadh le hImpireacht Naofa Rómhánach an Náisiúin Ghearmánaigh. De thoradh na Comhdhála, d'athraigh na teorainneacha ina lán áiteanna ar fud na hEorpa.

"Comhdháil Vín" - pictiúir le Jean-Baptiste Isabey (1819)

Daoine a bhí i láthair ag an gComhdháil thar cionn na gCeithre Mórchumhachtaí

• Klemens Wenzel von Metternich, Aire Gnóthaí Eachtracha na hOstaire, agus a fhear cúnta, an Barún Johann von Wessenberg, thar cionn na hOstaire;

• Robert Stewart, bíocunta Castlereagh, Aire Gnóthaí Eachtracha na Ríochta Aontaithe, thar cionn na Ríochta Aontaithe. D'fhill Castlereagh go Sasana i bhFeabhra 1815, agus tháinig Arthur Wellesley, Diúc Wellington, ina áit. D'fhág Wellington an Chomhdháil roimh ré freisin, nó d'fhill Napoleon ó Elba go dtí an Fhrainc, agus thosaigh an tÉirí Amach Céad Lá. Bhí Wellington orthu siúd a chloígh Napoleon i Waterloo sa deireadh. Tháinig Richard Le Poer Trench, Iarla Clancarty, go Vín in áit Wellington.

• Tháinig toscaireacht oifigiúil ón Rúis faoi cheannas Karl Robert Nesselrode, Aire Gnóthaí Eachtracha na hImpireachta, ach bhí an tImpire féin, Alastar a hAon, i láthair.

• Maidir leis an bhFrainc, níor chuir sé iontas ar aon duine go raibh Talleyrand - Charles-Maurice de Talleyrand-Périgord, an seantaidhleoir cliste a bhí ina Aire Gnóthaí Eachtracha sa Fhrainc le linn na Réabhlóide, i réimeas na ríthe agus i ré Napoleon - ag coinneáil súile ar shainleas a thíre féin le linn na comhdhála seo fosta.

• Agus maidir leis an "gcúigiú mórchumhacht", an Phrúis, bhí an Seansailéir Karl August von Hardenberg agus an scoláire clúiteach Wilhelm von Humboldt i láthair, chomh maith le rí a dtíre, Feardorcha Uilliam (Friedrich Wilhelm) a Trí.

Torthaí na Comhdhála

• Fuair an Rúis an chuid ba mhó de Dhiúcacht Vársá (an fostát a bhunaigh Napoleon do na Polannaigh). Sa bhliain 1809, shealbhaigh an Rúis an Fhionlainn ón tSualainn, agus cheadaigh an Chomhdháil don Impire Alastar an gabháltas seo a choinneáil.

• Tugadh dhá chúigiú cuid den tSacsain don Phrúis, chomh maith le tailte iartharacha Dhiúcacht Vársá, chomh maith le Danzig agus Westfalen.

• Cuireadh Cónaidhm na Gearmáine in áit na hImpireachta Naofa Rómhánaí, agus d'aontaigh an Chomhdháil an 360 mionstát a bhí sa Ghearmáin roimhe seo go 38 stát faoi uachtaránacht Impire na hOstaire. Níor chuireadh ach codanna de chríoch na hOstaire agus na Prúise isteach sa Chónaidhm.

• Aontaíodh an Ollainn agus "Deisceart na hÍsiltíre" (= An Bheilg, a bheag nó a mhór) in aon mhonarcacht amháin, agus rí den rítheaghlach Oráisteach (Nassau-Oranje) á rialú.

• Fuair an Phrúis "Pomaráin na Sualainne", is é sin, na tailte i dTuaisceart na Gearmáine, timpeall Stralsund agus Greifswald, a bhí faoi fhorlámhas na Sualainne go dtí an bhliain 1814 agus a tugadh don Danmhairg sa bhliain sin.

• Fuair an Danmhairg diúcacht Sachsen-Lauenburg ó Hannover.

• Fuair an Pápa a chuid Stát san Iodáil ar ais, ach choinnigh an Fhrainc seilbh ar Avignon agus ar Comtat Venaissin (an réigiún timpeall ar Avignon).

• Fuair Rí na Sairdíne ar ais a chuid tailte i bPiemonte, i Saváí agus i Nice, agus thairis sin, cuireadh Poblacht Genoa ar ceal agus tugadh na tailte do Rí na Sairdíne.