Airgead (dúil)

Airgead

Substaint cheimiceach	dúil cheimiceach, púdar inlasta agus chalcophile element (en)
Airgead sa tábla peiriadach
Siombail cheimiceach	Ag
Uimhir adamhach	47
Mais adamhach	107.8682
Peiriad, Grúpa	peiread 5 grúpa 11
Airíonna fisiceacha
Dath	airgead
Dlús	10.49 kg/m⁻³
Leáphointe	1,761
Fiuchphointe	3,632 agus 961.78
Leictridhiúltacht	2
Ga ianach	100, 115, 128, 79, 94 agus 75
Stair
Fionnachtain	5 mílaois "RCh"
Eapainm	bán

buillean

Dúil mhiotalach is ea an t-airgead nó an t-airgead geal, agus is í an uimhir adamhach atá aige sa tábla peiriadach ná 47. Is é an meáchan adamhach atá aige ná 107.880, agus cuirtear in iúl é sna foirmlí ceimiceacha leis an ngiorrúchán Ag, atá bunaithe ar an bhfocal Laidine argentum.

Suíomh sa tábla peiriadach

Smután airgid

Tá an t-airgead geal ar an dara ceann de na miotail i ngrúpa a 11, in éineacht leis an ór agus leis an gcopar. Ceann de na miotail trasdultacha is ea é, mar sin. Tá sé suite i bpeiriad 5. Mar sin, is í an dúil a thagann roimhe ná an pallaidiam, agus an caidmiam ag teacht sna sálaí aige.

Buail mona 3 dollar (1867)

Tréithe fisiceacha

Miotal, beagnach bán, bog agus lonrach atá ann, ina sheoltóir maith teirmeach is leictreach. Tá an t-airgead geal ar an seoltóir idir leictreach agus teirmeach is fearr atá ann. A leáphointe 961°C.

Is neamhghníomhach ó thaobh ceimice de. Comhdhúilíonn sé le sulfar, rud a theimhlíonn a dhromchla.

Aicéitilíd

Ós rud é gur triathmhiotal é, faightear ina aonar é sa nádúr. Faightear saor neamh-chomhcheangailte i mianaigh é, go príomha le luaidhe is copar. Thairis sin, is féidir é a fháil i mianraí ar nós argaintít, arb ionann í agus suilfíd an airgid (I), Ag₂S, agus cornairgead nó clórargairít, arb ionann í agus clóiríd an airgid (I), AgCl.

Spúnóga, Hoxne, Suffolk (4ú haois)

Úsáid

Úsáidtear an miotal seo sa mhonaíocht, seodra, sa ghrianghrafadóireacht, sa leictreonaic, i scátháin fhrithchaiteacha, soithí airgid, agus san fhiaclóireacht. In úsáid freisin sa mhíochaine, dúigh, scátháin, agus go forleathan sa cheimic. An dúil is fearr le sruth leictreach a sheoladh.