Sporting Fingal Football Club

Sporting Fingal Football Club

Sonraí
Cineál	club sacair
Dáta a bunaíodh	2007
Dáta díscaoilte, díothaithe nó scartáilte	2011
Gníomhaíocht
Spórt	sacar
Sraith spóirt	League of Ireland
Ionad baile	Páirc Chnocán Uí Dhálaigh: Baile Phib . 4,300
Rialachas corparáideach
Ceanncheathrú	Baile Átha Cliath, Éire
Úinéir	Gerry Gannon (en)
Suíomh gréasáin	http://www.sportingfingal.ie/
Suíomh geografach

Éidí
Baile As baile
Dathanna:	Dubh - Bán
Siombail:	Fiach Dubh

Ba club peile Éireannach é Sporting Fingal Football Club (Gaeilge: Cumann Peile Fine Gall Spórtúil) as tuaisceart chontae Átha Cliath (Fine Gall) a d'imir i Sraith na hÉireann. Bhí iar thraenálaí Shamrock Rovers, Liam Buckley ina thraenálaí ar an gclub agus bhí iar imreoir de chuid Arsenal John Devine ina thraenálaí cúnta. D'imir an fhoireann i staid Morton i Seantrabh le formhór lucht leanúna an chlub as Sord, Fine Gall agus tuaisceart Contae Bhaile Átha Cliath

Stair

Bunaíodh an club mar chuid de scéim fhadtearmach fhorbatha sacair chomhairle chontae Fine Gall don réigiún. Bunaíodh an club ar 11 Feabhra 2007. Bhí an club le himirt séasúr 2008 sa A Championship, ach nuair a thit club sacair Chathair Cill Cheannaigh as céad roinn Sraith na hÉireann tháinig Sporting Fingal isteach in áit. Chríochnaigh sé sa tríú an séasúr sin sa chéad roinn. Bhí séasúr iontach aige sa bhliain 2009; bhain an Sporting dara háit sa roinn amach agus sa chluiche ardaigh bhuaigh sé an áit sa phríomhroinn. Bhuaigh sé Corn FAI chomh maith agus mar sin bhí áit faighte aige i sraith Europa don séasúr 2010–11.

Torthaí san Eoraip

Bhí an chéad chluiche don chlub i gcomórtas Eorpach i gcoinne foireann Phoirtaingéileach Marítimo. Chaill siad 3-2 ar oileán Madeira de bharr cúl Marítimo sa 94 nóiméad. Scóráil Glen Crowe an chéad cúl agus fuair Lorcan Fitzgerald an dara cheann. Imríodh an dara cluiche i Dalymount. Bhí Marítimo chun tosaí le cic pionós tar éis 20 nóiméad agus fuair siad an dara cúil sa 67 nóiméad. Scóráil Éamon Zayed cúl i gcomhair Sporting Fingal san 81 nóiméad, fuair Marítimo cúl eile, áfach. Cé go bhfuair Zayed cúl eile críochnaigh an cluiche 3-2.

UEFA Europa League

Séasúr	Comortas	Babhta	Tír	Club	Abhaile	As Baile	Comhiomlán
2010-11	Europa League	2. Babhta Cháiliúcháin		Marítimo	2-3	2-3	4-6

Deireadh an Chlub

Tháinig deireadh leis an gclub in éineacht le titim an mhargaidh boilscithe réadmhaoine in Éirinn. Bhí baint ag triúir urraitheoirí an chlub – Gerry Gannon, Údarás Aerfort Bhaile Átha Cliath agus Banc Angla-Éireannach – le hiasachtaí rúnda Bainc Angla-Éireannach. Cuireadh srian ar gníomhachtaí gnó Gannon agus ar 26 Samhain, 2010 d'éirigh sé as mar cathaoirleach Sporting Fingal. Ba é Gannon an príomh-tabharthóir, ceaptar gur infhéistigh sé níos mó ná €2m insan gclub. In ainneoin do sin bhí an club ag cailiúnt airgid agus ní raibh siad in ann a áit a líonadh agus i mí Feabhra 2011 chuir Sporting Fingal in iúl go raibh fadhbanna móra airgid aige. Ní raibh siad in ann pá na n-imreoirí a íoc agus bhí orthu conarthaí a chur ar ceal. D'éirigh siad as comortas Corn Setanta Sports 2011 mar aon leis an bpríomhshraith don bhliain 2011.

Liosta imreoirí 2010

U. Ionad Peileadóir B Darren Quigley B Brendan Clarke C Ger O'Brien C Brian Gannon C Colin Hawkins C Shaun Maher C Kenny Browne C John Frost C Lorcan Fitzgerald L Jordan Nolan L Colm James L Ronan Finn L Ciaran O'Brien

U. Ionad Peileadóir L Shane McFaul L Shaun Williams L Kevin Dawson L Alan Kirby L Ollie Cahill L Mark Duggan L Keith Quinn I Éamon Zayed I Mark Quigley I Gary O'Neill I Glen Crowe I Daniel Corcoran

Liosta trófaí

• Corn Cumann Peile na hÉireann: 1

2009

Naisc Sheachtracha

• Suíomh Oifigiúla Sporting Fingal F.C. Curtha i gcartlann 2011-05-04 ar an Wayback Machine
• [5] Curtha i gcartlann 2009-02-15 ar an Wayback Machine