Banc Angla-Éireannach

Ón Vicipéid, an chiclipéid shaor.
Banc Angla-Éireannach
Anglo Irish Bank Corporation
Anglo Irish Bank logo.svg
Saghas comhlachta Faoi úinéireacht stáit
Bunaithe 1964
Suíomh Baile Átha Cliath, Éire
Tír (Tíortha) {{{tír}}}
Daoine lárnacha Ailéin de Diúc (cathaoirleach)
Méid fostaithe 1500 (2006)
Tionscail Seirbhísí airgeadais, baincéireacht
Láithreán gréasáin AngloIrishBank.ie

Ba banc Éireannach é Banc Angla-Éireannach (Anglo-Irish Bank sa Bhéarla). Bhí ceannáras an bhainc lonnaithe i mBaile Átha Cliath.

Cuireadh an banc i seilbh an stáit i mí na Nollag, 2008.

Cúlra[athraigh | athraigh vicithéacs]

Agóid i mBÁC, 2010

Ba í baincéireacht thrádálach príomhghnó an bhainc. De réir sin ní raibh a lán brainse miondíol ag an mbanc i gcathracha na hÉireann.

Ba é iasachtaí do thógálaithe agus d'fhorbróirí eastát réadach an chuid is mó de ghnó Bhanc Angla-Éireannach agus buaileadh an banc go trom i dtitim mhargadh maoine in Éireann sa bhliain 2008.

Instealladh airgid[athraigh | athraigh vicithéacs]

2008[athraigh | athraigh vicithéacs]

D'fhógair rialtas na hÉireann i mí na Nollag 2008 go raibh siad chun 1.5 billiún euro a chur isteach sa bhanc agus go dtógfaidís úinéireacht ar 75% den bhanc.

Stopadh trádáil i scaireanna an bhainc ar na stoc-mhalartáin i mBaile Átha Cliath agus i Londain ar an bpointe. Ba é €0.22 an praghas deireanach, titim 98% ón bpraghas is airde. Ní raibh luach ar bith ar na scaireanna ina dhiaidh an lá sin.

2009[athraigh | athraigh vicithéacs]

Dúirt an Taoiseach, Brian Ó Comhain, ar 16 Eanáir 2009 go raibh "gnó mar is gnáth" ar siúl sa bhanc agus rinne sé iarracht an phobal a athdheimhniú gur banc sócmhainneach a bhí ann.

Brian Cowen, 2008

Idir mí Meithimh agus mí Meán Fomhair2009, sholáthraigh an tAire Airgeadais, Brian Ó Luineachán, 4 billiún euro capitil don bhanc. I ráiteas ar 30 Márta 2009, d'fhógair Ó Luineachán go raibh sé chun 8.3 billiún euro sa bhreis a chur isteach sa bhanc agus go mbeadh suas go 10 billiún euro eile ag teastáil ag an mbanc mar gheall ar chaillteanais a fhéadfadh tarlú sa todhchaí.

Tháinig roinnt conspóidí chun solais ó tharla náisiúnú an bhainc:-

  • iasachtaí do stiúrthóirí an bhainc
  • iasachtaí a thug an banc do deichniúr custaiméirí chun scaireanna a bhainc a bhí ag grúpa Quinn a cheannach

2010[athraigh | athraigh vicithéacs]

Ar 31 Márta 2010 d'fhógraíodh go raibh caillteanas €12.7 billiún ag an mbanc (brabús oibriúcháin €2.4 billiún curtha le bearnúcháin €15.1 billiún). Ba é an caillteanas is mó riamh ag comhlacht Éireannach.

Anglo Irish Bank, Great Victoria Street, Béal Feirste, 2010

Dearbhaigh iar-chathaoirleach an bhainc, Seán Fitzpatrick, ina fhéimheach in Ardchúirt na hÉireann ar 12 Iúil 2010.

Riar an chirt[athraigh | athraigh vicithéacs]

Ar an 31 Iúil 2015, gearradh téarmaí príosúnachta idir 18 mí agus 3 bliana ar thriúr iar-fheidhmeannach le banc Anglo Irish[1].

Tagairtí[athraigh | athraigh vicithéacs]