Neiptiún (pláinéad)

Neiptiún

Is é Neiptiún an t-ochtú pláinéad ón ngrian sa ghrianchóras ach amannta bíonn sé nios sia amach ná Plútón. Sé an ceathrú pláinéad is mó i dtrásthomhas agus an treas i dtaobh toirte ach d’fhior 'sé an ceann is lú de na gásfháthaigh é. Tá sé giota beag níos lú ná Úránas agus is cosúil le leathchúplaí iad a mbeirt.

Fionnadh

Aimsíodh Néiptiún an 23ú Meán Fomhar 1846 le Galle agus d’Arrest i ngar dón áit a tairngrigh Adams agus Le Verrier go neamhspleách roimhe ré agus iad ag déanamh scrúdú ar chorraíthe i bhfithis Úránais. De réir dlíthe Newton ba chóir d'Úránas bheith in áit éile agus mar sin bhí sé de thuairim acu go raibh pláinéad mór eile ann taobh amuigh d'Úránas. Fuaireadh amach níos déanaí gur de thaisme a tharla na corraíthe seo agus nach raibh aon baint idir iad agus suíomh Neiptiúin ach pé scéal é tugadh cáil le haghaidh aimsiú Neiptiúin don bheirt réalteolaithe.