Rann na Feirste
 Rann na Feirste | ||||
|---|---|---|---|---|
  | ||||
| Suíomh | ||||
| ||||
| Stát ceannasach | Éire | |||
| Cúige Éireannach | Cúige Uladh | |||
| Contae in Éirinn | Contae Dhún na nGall | |||
| Daonra | ||||
| Iomlán | 319 (2006) | |||
| Aitheantóir tuairisciúil | ||||
| Lonnaithe i gcrios ama | ||||
| Logainm.ie | 14525 | |||
Is ceantar i bparóiste Anagaire in iarthar Dhún na nGall i bPoblacht na hÉireann í Rann na Feirste[1] (seanainm: "Ceann Dubhrann"; Béarla: "Ranafast" nó "Rinnafarset"). Tá sí suite sna Rosa. Bhí cónaí ar 309 nduine i Rann na Feirste sa bhliain 2016.[2]
Maireann an Ghaeilge go fóill mar phríomhtheanga an cheantair Gaeltachta seo. I ndaonáireamh 2016 dúirt 90.4% de mhuintir Rann na Feirste go bhfuil Gaeilge acu agus dúirt 83.1% den daonra go labhraídís Gaeilge achan lá. Ar theacht an tsamhraidh 'chuile bhliain téann a lán scoláirí go Coláiste Bhríde (a bogadh chun an cheantair sa bhliain 1926 ó Ó Méith) leis an Ghaeilge a fhoghlaim agus aithne a chur ar an chultúr Gaelach. Nuair a bhíonn siad ann, fanann siad le teaghlaigh áitiúla. Bhí ceangal láidir ag an choláiste le oirthear Chúige Uladh mar gheall ar an bhaint a bhí ag an Athair Lorcán Ó Muirí le bunú an choláiste. Scaip an tAthair Ó Muirí, agus sagairt agus tuataigh eile ar nós Tomás Ó Fiaich cáil Rann na Feirste ar fud na hÉireann agus bhí iomrá ar scríbhneoirí agus seanchaithe an cheantair.
I measc mhuintir na háite a bhfuil clú agus cáil orthu, tá na scríbhneoirí Séamus Ó Grianna agus Seosamh Mac Grianna, na seanchaithe Micí Sheán Néill agus Neidí Frainc agus ceoltóirí go leor, go háirithe clann Uí Dhomhnaill (Mícheál, Tríona, Mairéad a bhí sa ghrúpa Skara Brae agus a n-uncail Condaí Mhicí Hiúdaí.
Tá tógáil ar siúl ar ionad pobail i Rann na Feirste faoi láthair.
Tábla Daonra
[cuir in eagar | athraigh foinse]Déantar cur síos ar athruithe ins an daonra ins na blianta anuas ins an tábla seo thíos:[2][3]
| Bliain | Daonra | Athrú | Athrú, % |
|---|---|---|---|
| 2006 | 318 | - | - |
| 2011 | 352 | +34 | +10.3% |
| 2016 | 309 | -43 | -12.2% |
Íomhánna
[cuir in eagar | athraigh foinse]-
Bóthar i Rann na Feirste -
Tomás Ó Fiaich, dealbh i Rann na Feirste -
Rann na Feirste, ag breathnú soir
Féach freisin
[cuir in eagar | athraigh foinse]- "Na Trí Paróistí": Gaoth Dobhair, Na Rosa, Cloch Cheann Fhaola
- C.U. Burn (sraith ghrinn)
Naisc sheachtracha
[cuir in eagar | athraigh foinse]- Beathaisnéisí ainm.ie:
Tagairtí
[cuir in eagar | athraigh foinse]- ↑ “Rann na Feirste/Rinnafarset | logainm.ie” (ga). Bunachar Logainmneacha na hÉireann (Logainm.ie). An Coimisiún Logainmneacha. Dáta rochtana: 2023-06-22.
- ↑ 2.0 2.1 An Phríomh-Oifig Staidrimh (2017). "[https://www.cso.ie/px/pxeirestat/Statire/SelectVarVal/Define.asp?Maintable=E2016&Planguage=1 Fíor Athrú agus Athrú Céatadáin sa Daonra ó 2011 go 2016 de réir Liosta Bailte in Ord Aibítre, Bliain Daonáirimh agus Staitistic]". Dáta rochtana: 31-01-2019.
- ↑ An Phríomh-Oifig Staidrimh (2012). "Population Classified by Area (ln.54)" (Béarla). Dáta rochtana: 05/11/2018.