Margaret Atwood

Margaret Atwood
Margaret Atwood sa bhliain 2006
Dáta breithe	18 Samhain, 1939
	Ottawa, Ontario, Ceanada
Náisiúntacht	Ceanadach
Gairm	Úrscéalaí, file
Seánra	Scéalta grá, úrscéalta stairiúla, úrscéalta diostóipeacha, ficsean eolaíochta, srl
Suíomh gréasáin

Scríbhneoir ilghníomhach Ceanadach is ea Margaret Eleanor Atwood a rugadh ar an 18 Samhain, 1939 in Ottawa, Ontario i gCeanada. Scríobhann sí filíocht, aistí faoin gcritic agus téamaí eile, agus ficsean, idir ghearrscéalta agus úrscéalta.

Foilsíodh an chéad chnuasach filíochta uaithi sa bhliain 1966, mar atá The Circle Game. Tá 15 leabhar filíochta foilsithe aici go dtí seo. Pléann sí an caidreamh idir fir agus mná go minic, agus tá dánta scríofa aici faoin ngaol idir máthair is leanbh (Two-Headed Poems, 1978).

Thuill sí clú di féin mar úrscéalaí le Surfacing sa bhliain 1972. Tá trí úrscéal diostóipeacha scríofa aici, is é sin, scéalta atá suite in áiteanna atá níos measa as ná mar atá inár am agus áit féin. The Handmaid's Tale (1968) an chéad díobh seo, é suite in "Gilead" (na Stáit Aontaithe) ag am éigin sa todhchaí ina bhfuil gach ceart caillte ag na mná.