Henri Cartier-Bresson
  | |
| Beathaisnéis | |
|---|---|
| Breith | (fr) Henri Georges Cartier-Bresson 22 Lúnasa 1908 Chanteloup-en-Brie, An Fhrainc |
| Bás | 3 Lúnasa 2004 95 bliana d'aois Montjustin, An Fhrainc |
| Áit adhlactha | Cimetière de Montjustin |
| Faisnéis phearsanta | |
| Scoil a d'fhreastail sé/sí | Lycée Condorcet |
| Gníomhaíocht | |
| Gairm | grianghrafadóir, stiúrthóir scannán, iriseoir, fóta-iriseoir, péintéir |
| Ball de | |
| Gluaiseacht | Grianghrafadóireacht dhaonnachaíoch |
| Mac/iníon léinn de chuid | André Lhote agus Jean Cottenet |
| Teangacha | An Fhraincis |
| Ghlac sé/sí páirt i | |
| 24 Meitheamh 1977 | Documenta 6 |
| Postwar European Photography | |
| foto '37 |
|
| Teaghlach | |
| Céile | Ratna Mohini (1937–1967) Martine Franck (1970–2004) |
Gradam a fuarthas
| |
Síniú  | |
| Suíomh gréasáin | magnumphotos.com… |
     | |
Ba ghrianghrafadóir Francach é Henri Cartier-Bresson (* 22 Lúnasa 1908; † 3 Lúnasa 2004).
Aithnítear Cartier-Bresson mar ghrianghrafadóir sa 20ú haois a bhí cumas ealaíne ar leith ann. Bhain Cartier-Bresson úsáid as ceamara rangefinder Leica 35 mm, ag úsáid gnáthlionsa 50 mm, nó lionsa teileafóto uaireanta.
Sa bhliain 1947, bhunaigh Cartier- Bresson Magnum Photos le Robert Capa, William Vandivert, David Seymour agus George Rodger.[1]
Saol
[cuir in eagar | athraigh foinse]
Óige
[cuir in eagar | athraigh foinse]Rugadh Henri Cartier-Bresson sa bhliain 1908 i Chanteloup-en-Brie na Fraince, de thuismitheoirí bourgeois. Chuir sé suim sa ghrianghrafadóireacht go luath. Agus é ina bhuachaill, bhí Box Brownie ag Cartier-Bresson. Níos déanaí, bhí ceamara 3 1/4" x 4 1/4" aige.
Rinne sé staidéar ar phéintéireacht ar feadh dhá bhliain i stiúideo i bPáras.
I 1931, agus é 22 bliain d'aois, chuaigh Cartier-Bresson go dtí fásach san Afraic Thiar mar shealgaire. I ndiaidh bliana, d'fhill sé ar bhFrainc tar éis bheith tinn le blackwater fever, sórt malaria trom. Agus é ag dul i bhfeabhas is ea a tháinig an ghrianghrafadóireacht chuige i gceart. D'insíodh sé níos déanaí faoin gcaoi a dhéanadh sé faire sna sráideanna i gcaitheamh an lae, agus é ag aireachtáil mar a bheadh ainmhí fiáin ullamh chun fola, agus beart aige greim a bhreith ar an saol, chun an saol a choimeád beo tré shealbh a thógáil air.
Nuair a bhris an Dara Chogadh Domhanda amach, liostáil Cartier-Bresson in Airm na Fraince agus ghabh na Gearmánaigh é go gairid ina dhiaidh. Tar éis dhá iarracht gan ráth, d'éalaigh sé ó champa phríosúnaí cogaidh, agus d'oibrigh sé leis an Résistance go deireadh cogaidh.
Magnum
[cuir in eagar | athraigh foinse]
I 1947, chuidigh Cartier-Bresson an comharchumann grianghrafadóireachta Magnum a chur ar bun. Thóg tionscnaimh a rinne sé do mhór-irisí trasna na hEorpa agus Mheiriceá Thuaidh] é, go dtí an India, an Rúis agus an tSín.
Foilsíodh a lán leabhar dá chuid grianghrafanna sna 1950idí agus sna 1960idí; ba é The Decisive Moment (1952) an ceann ba mhó clú. Sa leabhar sin, dúirt Cartier-Bresson faoin nóiméad cinniúna sin: "an taitheantas comhuaineach, i gcodán soicind, de thábhacht tarlúna, chomh maith le hordú beacht na bhfoirmeacha a thugann don tarlúint sin a urlabhraíocht cheart... sa grianghrafadóireacht, féadann an rud is lú a bheith ina shárchuspóir. Féadann an sonra beag daonna a bheith ina leitmotif".[2]
Céim mór dá chuid oibre a bhí san iar-thaispeántas ollmhór, le 400-íomhá, a chuaigh ar fud SAM i 1960. Thóg sé Craobh Hasselblad sa bhliain 1982.
Cailleadh Cartier-Bresson ag Céreste (Alpes-de-Haute-Provence, an Fhrainc) ar 3 Lúnasa 2004 agus 95 bliain air.
In Éirinn
[cuir in eagar | athraigh foinse]Thug Cartier-Bresson cuairt ar Éirinn sa bhliain 1962. Reáchtáladh taispeántas in Ard-Mhúsaem na hÉireann i 2019.[3] Sa bhliain 2006, eagraíodh taispeántas grianghrafadóireachta in Áras Nua-Ealaíne nahÉireann (IMMA) i mBaile Átha Cliath ina raibh breis is 150 pictiúr ó chartlann Magnum, ina measc Henri Cartier-Bresson.[4]
.jpg)
Naisc seachtacha
[cuir in eagar | athraigh foinse]- Fondation Henri Cartier-Bresson
- Henri Cartier-Bresson Society Curtha i gcartlann 2011-04-20 ar an Wayback Machine
- Tête à Tête: Pórtráidí le Henri Cartier-Bresson
- "Leathanach baile grianghraf Magnum " Curtha i gcartlann 2004-12-08 ar an Wayback Machine
Tagairtí
[cuir in eagar | athraigh foinse]- ↑ "Léargas ar am atá imithe" (ga). Beo!. Dáta rochtana: 2019-08-03.
- ↑ MOMA. "The photographs of Henri CartierBresson". Dáta rochtana: 2019.
- ↑ museum.ie. "Clár 2019". Cartlannaíodh an bunleathanach ar 2019-12-10. Dáta rochtana: 2019.
- ↑ "Léargas ar am atá imithe" (ga). Beo!. Dáta rochtana: 2019-08-04.