Guernica (pictiúr)

Ón Vicipéid, an chiclipéid shaor.
Jump to navigation Jump to search

Is éard is Guernica ná ceann de na pictiúir dhaite is cáiliúla a rinne Pablo Picasso riamh. Saothar mór Ciúbachais atá ann a thaispeánainn an Buamáil Ghuernica. Choimisiúnaigh rialtas Phoblacht na Spainne an pictiúr seo ó Phicasso i ndiaidh aer-bhuamáil chathair Bascach Gernika ar an 27 Aibreán 1937.

Léiríonn an saothar íomhánna céasta, iad casta agus ag lúbarnaíl.[1] Rinneadh é chun déistin agus fearg a chur in iúl i ndiaidh don Léigiún Condor ón Ghearmáin ionsaí fíochmhar buamála a dhéanamh ar an mbaile Bascach. Chuir Hitler na buamadóirí ón Léigiún Condor isteach chun tacaíocht a thabhairt do faisistigh Franco le linn Chogadh Cathartha na Spáinne. Taispeánadh an pictiúr i bpailliún na Spáinne le linn Exposition Internationale des Arts et Techniques dans la Vie Moderne i bPáras i 1937.

Conspóid[cuir in eagar | athraigh foinse]

Tá taipéis a léiríonn macasamhail "Guernica" in oifigí Chomhairle Slándála na Náisiún Aontaithe. Cuireadh i bhfolach é nuair a bhí toscairí an Tí Bháin, Colin Powell agus John Negroponte, ag déanamh cur síos ar na cúiseanna a bhí ag na Stáit Aontaithe dul chun cogaidh leis an Iaráic i 2003.

Spreag an eachtra seo míshásamh agus fearg i measc an phobail a bhí ag cur i gcoinne an chogaidh. Dúirt urlabhraí ó na Náisiúin Aontaithe gur rinneadh é sin mar gheall ar iarrachtaí ó lucht na meán cumarsáide, agus nach raibh cinsireacht i gceist. Ach dúirt taidhleoirí áfach gur chuir rialtas SAM brú ar na Náisiúin Aontaithe an taipéis a chlúdach le linn óráidí na Meiriceánach.[2]

400px-PicassoGuernica.jpg
Guernica
Pablo Picasso, 1937
ola ar chanbhás, 349 × 776 cm
Museo Reina Sofia, Maidrid

Féach freisin[cuir in eagar | athraigh foinse]

Tagairtí[cuir in eagar | athraigh foinse]

  1. spokenvision.com (2018-08-07). "Hidden Symbols in Guernica" (en-US). Dáta rochtana: 2021-10-18.
  2. Alejandro Escalona (2012-05-23). "75 years of Picasso's Guernica: An Inconvenient Masterpiece" (en). HuffPost. Dáta rochtana: 2021-10-18.