Ceit Fhoirbeis

Ón Vicipéid, an chiclipéid shaor.
Jump to navigation Jump to search
Ceit Fhoirbeis
Appointment of Ministers (41229522160).jpg

Rúnaí Comh-Aireachta Airgeadais
In oifig
17 Feabhra,2020-
Réamhtheachtaí: Derek Mackay

Dáta breithe 6 Aibreán 1990 (aois 30)
Áit bhreithe Inbhir Pheofharain, Ros, Comhairle na Gáidhealtachd
Páirtí Pàrtaidh Nàiseanta na h-Alba
Gairm Polaiteoir

Is polaiteoir Albanach í Ceit Fhoirbeis (Béarla:Kate Forbes; a rugadh ar 6 Aibreán 1990) atá ina ball de Pháirtí Náisiúnta na hAlban (SNP) agus atá ina ball Pharlaimint na hAlban do thoghcheantar An Oileán Sgitheanach, Loch Abar agus Bàideanach ó 2016.[1] Ar an 17 Feabhra 2020, ceapadh Ceit mar an Rúnaí Comh-Aireachta Airgeadais i Rialtas na hAlban.

Óige agus oideachas[cuir in eagar | athraigh foinse]

Rugadh Ceit i Inbhir Pheofharain i Ros agus Cromba i dtuaisceart na hAlban. [2] Chaith sí trí bliana san India agus í ina páiste, ansin múineadh i nGaelscoil Albanach í. [3] D’fhill sí ar an India lena teaghlach agus í 10 mbliana d'aois agus bhí cónaí uirthi ansin go dtí go raibh sí 15. Agus iad ansin bhí a hathair bainteach le cúram sláinte a sholáthar do dhaoine nach raibh sé ar acmhainn acu díol as.[2] Nuair a d’fhill sí ar Albain chríochnaigh sí a cuid scolaíochta in Acadamaidh Inbhir Pheofharain .

Rinne sí staidéar ar an stair i gColáiste Selwyn, Cambridge i Sasana agus bhain sí BA amach i 2011.

D'oibrigh sí mar chuntasóir ar feadh tamaill.[2][4] Ina dhiaidh sin, rinne sí staidéar in Ollscoil Dhún Éideann, agus bhain sí ceim MSc amach i 2013, i Stair Diaspóra agus Imirce.[2]

Gairm pholaitiúil[cuir in eagar | athraigh foinse]

Sprint Edinburgh, 2018

I Lúnasa 2015, roghnaigh baill áitiúla den SNP Ceit ó ghearrliosta gan ach mná amháin air mar a n-iarrthóir do thoghcheantar An Oileán Sgitheanach, Loch Abar agus Bàideanach [4] Bhí sí mar chuid d’fheachtas an SNP chun aghaidh a thabhairt ar an bhearna pá inscne i bhfostaíocht i nGaeltacht na hAlban.[5] Toghadh i dtoghchán Pharlaimint na hAlban 2016 í.[6]

Go dtí gur tugadh ardú céime chuig Rialtas na hAlban dí, bhí sí ina cathaoirleach ar Ghrúpa Traspháirtí Pharlaimint na hAlban ar Ghaeilge na hAlbain agus labhair sí i bhfabhar stádas Oidhreachta Cultúrtha doláimhsithe UNESCO mar bhealach indéanta leis an teanga a chosaint.[7],[8]

I mí an Mhárta 2018, thug sí óráid iomlán don Pharlaimint i nGaeilge na hAlban le linn díospóireacht iomlánach ar an teanga.[9]

Mar bhall de Eaglais Shaor na hAlban[10], d'iarr Ceit ar an Rialtas ligeann do pháistí a gcreideamh a chleachtadh ar scoil gan magadh. I mí na Bealtaine 2018, dúirt sí go raibh sí "ag iarraidh a thabhairt faoi deara gur chóir go mbeadh cead ag daltaí an éagsúlacht chreidimh in Albain a phléigh, a fhorbairt agus a thuigbhéail mar má tá siad ábalta é a thuigbhéail ar scoil, beidh súil agat go mbeadh siad ábalta bheidh fulangach do dhaoine a chreideann rudaí difriúla ón rud a chreideann siad tríd an chuid eile dá saolta."[11]

An 27 Meitheamh 2018, ceapadh í go Rialtas na hAlban mar Aire um Airgeadais Phoiblí agus an Gheilleagar Digiteach, mar chuid d’athchóiriú níos leithne a d’fhógair an Chéad-Aire, Nicola Sturgeon.[12]

Ar an 6 Feabhra 2020, ba í an chéad bhean a thug Buiséad na hAlban nuair a d'éirí Derek Mackay as mar Rúnaí Comh-Aireachta um Airgeadas, Geilleagar agus Obair Chóir. Roimhe seo, níor thug aon bhean Buiséad i bParlaimint na hAlban ná i Westminster, cé go ndearna siad i dTionóil na Breataine Bige agus i dTionól na Sé Chontae. [13]

Ar an 17 Feabhra 2020, ceapadh mar Rúnaí Comh-Aireachta Airgeadais í. Is í an chéad bhean sa phost.[14]

Féach freisin[cuir in eagar | athraigh foinse]

Tagairtí[cuir in eagar | athraigh foinse]

Naisc sheachtracha[cuir in eagar | athraigh foinse]