Útóipe

Ón Vicipéid, an chiclipéid shaor.

Teidil leabhair le Thomas More (1478-1516), Utopia (1516), ag cur síos ar stát idéalach mar a bhfuil gach rud in eagar ar mhaithe leis an gcine daonna i gcoitinne, gan rian de dhrochrudaí cosúil le bochtanas ná ainnise. Tugadh an teideal mar ainm ginearálta ar gach coincheap den saghas ag fealsaimh nó aislingigh. Roimhe sin bhí a leithéid de choincheap ag Platón i bPoliteia (An Phoblacht, c 380 RC) agus Naomh Agaistín (354-430) ina De Civitate Dei contra Paganos (Cathair Dé i gCoinne na bPágánach, c 410). Ina dhiaidh bhí La Città del Sole (Cathair na Gréine, 1623) le Campanella (1568-1639), The New Atlantis (An tAtlantas Nua, 1627) le Francis Bacon (1561-1626) agus The Commonwealth of Oceana (Comhlathas na hAigéana, 1656) le James Harrington (1611-1677). Scríobh Aldous Huxley (1894-1963) Brave New World (Domhan Nua Dána, 1932), agus George Orwell (1903-1950) Animal Farm is Nineteen Eighty-Four (Feirm na nAinmhithe, 1945; Naoi gCéad Ochtó Ceathair, 1949), aoracha ar an gcoincheap.