George Berkeley

Ón Vicipéid, an chiclipéid shaor.
George Berkeley.

Fealsamh Éireannach ab ea é George Berkeley (12 Márta, 168514 Eanáir, 1753), a bhain cáil amach lena theoiric nua ar a dtugtar neamhábharachas. De bhunadh Chaisleán Disirt, Co. Chill Chainnigh, ceapadh Berkeley ina Easpag Chluana sa bhliain 1734.

Tar éis roinnt blianta a chaitheamh ag taisteal san Fhrainc agus san Iodáil, tháinig Berkeley ar an tuairim go raibh sibhialtacht na hEorpa millte go deo. Cheap sé go raibh dóchas na todhchaí ar fáil sa Domhan Úr.

I mí Mheán Fómhair 1728, tar éis dó trí bliana a chaitheamh ag lorg deontas a mhealladh ó rialtas na Breataine, gheall Sir Horace Walpole suim £20,000 dó agus thóg sé a sheolta a fhad le Newport, Rhode Island, in éineacht scaifte lucht leanúna agus a bhrídin nua.

Trí bliana ina dhiaidh, ámh, nuair a chuir an rialtas an deontas ar ceal, d'fhill sé abhaile. D'fhág sé a lorg ar fhealsúnacht Mheiriceá agus chuir sé fuinneamh nua in oideachas ollscolaíochta na tíre sin.

Ainmníodh ar ball ollscoil chlúiteach Berkeley ina onóir.