William Ramsay

Ón Vicipéid, an chiclipéid shaor.
William Ramsay
William Ramsay.jpg
Dáta breithe 2 Deireadh Fómhair 1852
  Glaschú, Albain
Dáta báis 23 Iúil 1916
  High Wycombe, Sasana
Céile Margaret Buchanan
Réimsí Ceimic
Iomráiteach do Triathgháis
Duaiseanna Duais Nobel (1904)

Ceimiceoir Albanach ab ea an Ridire William Ramsay (2 Deireadh Fómhair 185223 Iúil 1916). Rugadh i nGlaschú é, mac le William Ramsay, C.E. agus le Catherine Ramsay (a rugadh mar Robertson). Ba nia é don gheolaí An Ridire Andrew Ramsay.

Bhain sé clú amach mar gheall ar a chuid oibre ar na triathgháis. D'aimsigh sé argón (1894), héiliam (1895), neon (1898), criptón (1898), agus xeanón (1898)

A shaol[athraigh | athraigh vicithéacs]

Rinne Ramsay a chuid staidéir in Ollscoil Ghlascú faoi Thomas Anderson agus ina dhiaidh sin chuaigh sé go dtí Ollscoil Tübingen sa Gearmáine, áit ar scríobh sé tráchtas dochtúireachta dar theideal “Investigations in the Toluic and Nitrotoluic Acids”.

Ramsay ag obair

D'fhill Ramsay ar Ghlaschú mar chúntóir ag Anderson i gColáiste Anderson. Ceapadh é ina Ollamh le ceimic in Ollscoil Bhristó i 1879.

Phós sé Margaret Buchanan sa bhliain 1881, an bhliain chéanna ar ceapadh é mar 'Phríomhoide' nó 'Cheannaire' ar Ollscoil Bhristó. Lean sé air ag déanamh taighde ar cheimic orgánach agus ar na triathgháis. I 1887 tháinig sé i gcomharbas ar Alexander Williamson mar 'Chathaoirleach na Ceimice' i gColáiste na hOllscoile i Londain.

Fuair sé bás in High Wycombe, Buckinghamshire, i 1916.