Francis Sheehy-Skeffington

Francis Sheehy-Skeffington

Beathaisnéis
Breith	(en) Francis Joseph Christopher Skeffington 23 Nollaig 1878 Coill an Chollaigh
Bás	26 Aibreán 1916 37 bliana d'aois Beairic Chathal Brugha
Áit adhlactha	Reilig Ghlas Naíon
Faisnéis phearsanta
Reiligiún	Aindiachas
Scoil a d'fhreastail sé/sí	An Coláiste Ollscoile, Baile Átha Cliath
Gníomhaíocht
Gairm	scríbhneoir, gníomhaí ar son cearta vótála, Easparantóir
Teangacha	Béarla
Saothar
Saothar suntasach (1916) A Forgotten Small Nationality
Teaghlach
Céile	Hanna Sheehy-Skeffington
Páiste	Owen Sheehy-Skeffington

Ba gníomhaí cearta daonna agus síochánaí Éireannach ó Choill an Chollaigh i gContae an Chabháin a bhí go mór ar son ceart vótála do mhná é Proinsias Mac Síthigh-Sceimhealtún nó Francis Sheehy-Skeffington i mBéarla (23 Nollaig 1878 – 26 Aibreán 1916).

Spréach sé leis na héagóracha follasacha a bhí ann ag an am. Bhain íoróin nach beag leis nuair a cuireadh i bpríosún go héagórach é, íospartach neamhchiontach san aighneas 1916, agus dúnmharaíodh é.

Saol

Ba chéimí é de chuid UCD agus reachtaire ar Chumann L&H, COBÁC. Ba chara é le James Joyce, Oliver St. John Gogarty, Tom Kettle, agus athair Conor Cruise O'Brien.

Hanna Sheehy i 1916 sna Stáit Aontaithe

Phós sé Hanna Sheehy sa bhliain 1903 agus ghlac sé lena sloinne ina ainm féin. Tugadh Skeffy air scaití.

Bóthar Ráth Maonais Throid Sheehy Skeffington go tréan chun cearta vótála mná a fháil in Éirinn; bhunaigh sé an foilseachán "The Irish Citizen" lena bhean chéile.

Dúnmharú

Dúnmharaíodh Sheehy Skeffington le linn Éirí Amach na Cásca. Gabhtar é ar 25 Aibreán 1916 in Portobello. Níor ghlac Sheehy Skeffington aon pháirt san éirí amach. Bhí grúpa daoine á chruinniú aige ag an am chun cosc a chur ar chreach siopaí agus gnóthaí.

Coimeádadh siar faoi choinneáil é agus, ar deireadh, lámhachadh é ag saighdiúirí na Breataine faoi threoir J.C. Bowen-Colthurst, captaen (cinneadh a tharraing trioblóid air níos déanaí).